Monday, June 24, 2024
- Advertisement -
- Advertisement -
ስፖርትበአፍሪካ ወጣቶች ሻምፒዮና ኢትዮጵያውያን ድል ቀንቷቸዋል

በአፍሪካ ወጣቶች ሻምፒዮና ኢትዮጵያውያን ድል ቀንቷቸዋል

ቀን:

በአፍሪካ ለሁለተኛ ጊዜ እየተከናወነ የሚገኘው በ18 እንዲሁም ከ20 ዓመት በታች የአፍሪካ አትሌቲክስ ሻምፒዮና እየተሳተፉ የሚገኙ ኢትዮጵያውያን አትሌቶች ድል ቀንቷቸዋል፡፡

ከሚያዝያ 20 ቀን 2015 ዓ.ም. ጀምሮ ለአንድ ሳምንት በዛምቢያ እየተከናወነ የሚገኘው የታዳጊዎችና የወጣቶች ጥምር ሻምፒዮና፣ የኢትዮጵያ ብሔራዊ ቡድን የተለያዩ ርቀቶች በማሸነፍ የወርቅ፣ የብርና የነሐስ ሜዳሊያዎችን መሰብሰብ ችሏል፡፡

በዚህም በመጀመርያ ቀን በዛምቢያ ንዶላ በተካሄደው የ3,000 ሜትር ሴቶች ውድድር፣ ከ20 ዓመት በታች ውድድር አስማረች አንለይ አንደኛ በመውጣት ወርቅ፣ የኔዋ ንብረት ሁለተኛ ደረጃን በመያዝ ብር፣ እንዲሁም ዓይንአዲስ መብራቱ ሦስተኛ ደረጃን በመያዝ የነሐስ ሜዳሊያዎችን በማምጣት ተከታትለው ገብተዋል፡፡

እሑድ ሚያዝያ 22 ቀን በሁለተኛ ቀን በተከናወነ ውድድር ዘጠኝ አትሌቶች በአራት የውድድር ርቀቶች ከ20 ዓመት በታች በ1,500 ሜትር ሴቶች በመካፈል ውብርስት አስቻለው ወርቅ፣ ሳምራዊት ሙሉጌታ ብር፣ እንዲሁም ምጥን እውነቴ የነሐስ ሜዳሊያ በማምጣት አረንጓዴውን ጎርፍ ያስታወሰ ውጤት አስመዝግበዋል፡፡

በሌላኛው ከ20 ዓመት በታች ሴቶች 3,000 ሜትር መሰናክል ዓለምናት ዋለ ወርቅ፣ እንዲሁም ፍሬሕይወት ገሠሠ የብር ሜዳሊያን ማሳካት ችለዋል፡፡

በወንዶች 3,000 ሜትር ወንዶች ከ18 ዓመት በታች ሰውመሆን አንተነህ አንደኛ ደረጃ በመያዝ የወርቅ ሜዳሊያ ሲያሳካ፣ መንግሥቱ አማረ ደግሞ አምስተኛ ደረጃ በመያዝ ዲፕሎማ አግኝቷል፡፡ ከ20 ዓመት በታች 10 ሺሕ ሜትር ዕርምጃ ወንዶች ምሥጋና ዋቁማ አንደኛ ደረጃን ይዞ በማጠናቀቅ የወርቅ ሜዳሊያ አሳክቷል፡፡

የኢትዮጵያ ታዳጊ እና ወጣቶች ብሔራዊ ቡድን በተለያዩ ርቀቶች የነሐስ እና የብር ሜዳሊያዎችን መሰብሰብ ችሏል፡፡

በጉዞው እንግልት ደርሶበት የነበረው ብሔራዊ ቡድኑ በዛምቢያ ተስፋ የሰነቀበትን ውጤት አሳይቷል፡፡ አትሌቶቹ በቀጣይ ለሚኖራቸው ዓለም አቀፍ ውድድር ተተኪነታቸውን የሚያረጋግጥ ብቃት ማሳየታቸውን በበርካቶች አስተያየት እየተሰጠበት ይገኛል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...