Monday, June 24, 2024
- ማስታወቂያ -
- ማስታወቂያ -

በወርቅ መግዥያ ዋጋ ላይ እስከ 60 በመቶ ማሻሻያ ተደረገ

spot_img

ተዛማጅ ፅሁፎች

የኢትዮጵያ ብሔራዊ ባንክ በወርቅ መግዣ ዋጋ ላይ እስከ 60 ማሻሻያ ማድረጉን አስታወቀ፡፡

 ከአገር ውስጥ ወርቅ አቅራቢ ድርጅቶች ወርቅ በመግዛትና ወደ ውጭ አጓጉዞ በመሸጥ፣ አገሪቱ የውጭ ምንዛሪ እንድታገኝ ባለፉት ዓመታት ሰፊ ጥረት ሲያደርግ መቆየቱን ያስታወሰው፣ የኢትዮጵያ ብሔራዊ ባንክ ሥራውን ለረዥም ዓመታት ሲያከናውን የቆየ ሲሆን፣ ባለፉት ዓመታት ለባንኩ ቀርቦ ወደ ውጭ የተላከው ወርቅ የአገሪቱን የውጭ ምንዛሪ ፍላጎት በመደጎም ረገድ የማይናቅ አስተዋጽኦ ማበርከቱን አስታውቋል፡፡

 አገሪቱ ካሏት የተለያዩ የማዕድን ሀብቶች መካከል ወርቅ ትርጉም ያለው ኢኮኖሚያዊ ጠቃሜታ ያለው በመሆኑ፣ ዘርፉን በአግባቡ ከተመራ የውጭ ምንዛሪ ከማስገኘት አኳያ ከሌሎች ዘርፎች ባልተናነሰ ወይም የተሻለ አስተዋጽኦ እንደሚያበረክት እምነቱ መሆኑን አብራርቷል፡፡

 ምንም እንኳን ከዘርፉ ከፍ ያለ የውጭ ምንዛሪና ሌሎች ኢኮኖሚያዊ ጥቅሞች የሚጠበቁ ቢሆንም፣ በዘርፉ በሚታዩ ችግሮች (ሕገወጥ ወርቅ ንግድ) ምክንያት ከቅርብ ጊዜ ወዲህ ለባንኩ እየቀረበ ያለው ወርቅ መጠን የሚጠበቀውን ያህል እንዳልሆነም አስታውቋል፡፡ የኢትዮጵያ ብሔራዊ ባንክ የወርቅ አቅርቦትን በማሳደግ ረገድ የተለያዩ የማበረታቻ ዘዴዎችን ተግባራዊ ሲያደርግ መቆየቱን ጠቁሞ፣ ባንኩ በዓለም አቀፍ ዋጋ ላይ ተጨማሪ ክፍያ በማድረግ አቅራቢዎች ተበረታትተው ወርቅ በብዛት ወደ ሕጋዊ ገበያ እንዲያቀርቡ ለማድረግ በዓለም አቀፍ የወርቅ ዋጋ ላይ 35 በመቶ ተጨማሪ ክፍያ ለአቅራቢዎች በመክፍል ላይ መሆኑን ጠቁሟል፡፡ ይሁንና ማበረታቻው በአሁኑ ጊዜ ተወዳደሪ ሆኖ ባለመገኘቱ ማሻሻያ ማድረግ በማስፈለጉ፣ የባንኩ ቦርድ ሚያዝያ 25 ቀን 2015 ዓ.ም. ባደረገው ስብሰባ፣ በጉዳዩ አስፈላጊነት ላይ በመነጋገር በወርቅ ዋጋ ላይ ማሻሻያ እንዲደረግ መወሰኑን ይፋ አድርጓል፡፡

በመሆኑም ከሚያዝያ 28 ቀን 2015 ዓ.ም. ጀምሮ በአሁኑ ጊዜ በዓለም አቀፍ የወርቅ ዋጋ ላይ ለአቅራቢዎች የሚከፈለው 35 በመቶ ተጨማሪ ክፍያ ቀርቶ በየዕለቱ በሚወጣው ዓለም አቀፍ የወርቅ ዋጋ ላይ እስከ 50 ግራም 35 በመቶ፣ 150 እስከ 1,000 ግራም 52 በመቶ፣ ከ1,000 እስከ 5,000 ግራም 55 በመቶ፣ ከ50,000 ግራም በላይ 60 በመቶ ለወርቅ አቅራቢዎች እንዲከፈል መወሰኑን አስታውቋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች