Sunday, June 16, 2024
- Advertisement -
- Advertisement -

ስፖርትንግድ ባንክ ለስድስተኛ ጊዜ የኢትዮጵያ ፕሪሚየር ሊግ ዋንጫን አነሳ

ንግድ ባንክ ለስድስተኛ ጊዜ የኢትዮጵያ ፕሪሚየር ሊግ ዋንጫን አነሳ

ቀን:

  • ሲዳማ ቡና ወደ ፕሪሚየር ሊግ አድጓል

የ2015 የኢትዮጵያ ሴቶች ፕሪሚየር ሊግ ውድድር ንግድ ባንክ የሴቶች እግር ኳስ ክለብ ለስድስተኛ ጊዜ አሸነፈ፡፡

 በሐዋሳ ከተማ ጅማሮውን አድርጎ በባህር ዳር ሁለተኛውን ዙር ያከናወነው የኢትዮጵያ ሴቶች ፕሪምየር ሊግ ንግድ ባንክንና መቻልን ያገናኘ ሲሆን፣ ንግድ ባንክ 2 ለ0 በማሸነፍ ሻምፒዮና መሆኑን አረጋግጧል፡፡ ድሉም ክለቡን ለስድስተኛ ጊዜ ዋንጫውን እንዲያገኝ አስችሎታል፡፡

የውድድር ዘመኑ የመጨረሻ ጨዋታዎች ዛሬ በባህር ዳር ዩኒቨርሲቲ ስታዲየም የተከናወነ ሲሆን፣ ሐዋሳ ከተማ ከኢትዮ ኤሌክትሪክ ተጫውተው ሐዋሳ 1 ለ0 በማሸነፍ የሦስተኝነት ደረጃ ጨብጧል፡፡

- Advertisement -

ከጨዋታው መጠናቀቅ በኋላ በተደረገ የሽልማት ሥነ ሥርዓት መሠረት ሐዋሳ ከተማ የነሐስ ሜዳሊያ፣ ኢትዮ ኤሌክትሪክ የብር ሜዳሊያ፣ ቦሌ ክፍለ ከተማ የስፖርታዊ ጨዋነት ዋንጫ እንዲሁም ባህር ዳር ከተማ አስተዳደር በመስተንግዶና ዝግጅት ላበረከተው አስተዋጽኦ የማስታወሻ ስጦታ ተበርክቶላቸዋል፡፡

በተጨማሪም በውድድሩ ላይ ተሳታፊ ለሆኑ ክለቦች፣ ለውድድሩ አስተዋጽኦ ላበረከቱ ድርጅቶችና ተቋማትም የምስክር ወረቀት ተስጥቷቸዋል። በመጨረሻም ኢትዮጵያ ንግድ ባንክ የወርቅ ሜዳሊያና ለስድስተኛ ጊዜ የኢትዮጵያ ሴቶች ፕሪሚየር ሊግ ሻምፒዮን የሆነበትን ዋንጫ በአምበሏ ሎዛ አበራ አማካይነት በመቀበል መርሐ ግብሩ ተጠናቋል።

የኢትዮጵያ ንግድ ባንክ በ61 ነጥቦች ነጥብ አሸናፊ ሲሆን በቀጣይ ዓመት በካፍ ሻምፒዮንስ ሊግ ውድድር ላይም ተሳታፊ ይሆናል። የክለቡ አጥቂዎች ሎዛ አበራና አረጋሽ ካሳ ደግሞ በ23 ጎሎች የከፍተኛ ጎል አስቆጣሪ በመሆን አጠናቀዋል።

በሌላ በኩል ሲዳማ ቡና የዘንድሮ የኢትዮጵያ ሴቶች ከፍተኛ ሊግ ሻምፒዮን መሆኑን አረጋግጧል፡፡ የሊጉ አንደኛ ዙር በሰበታ ከተማ ሁለተኛው ዙር በሐዋሳ ከተማ ሲካሄድ ቆይቶ ቅዳሜ ሚያዝያ 28 ቀን 2015 ዓ.ም. ፍፃሜውን ሲያገኝ ሲዳማ ቡና የዋንጫና ወርቅ ሜዳሊያ አሸናፊ በመሆኑ ወደ ፕሪሚየር ሊግ አድጓል፡፡

በውድድሩ ሁለተኛ የወጣው ሀምበሪቾ ዱራሜ የብር ሜዳሊያ ሲያገኝ፣ ቂርቆስ ክፍለ ከተማ የነሐስ ሜዳሊያ ተሸላሚ ሆኗል።

በዚህ ውድድር በመጨረሻዎቹ ሁለት ተከታታይ ጨዋታዎች ሀትሪክ የሠራችው የኢትዮጵያ ስፖርት አካዴሚዋ ማህሌት ምትኩ በ19 ጎል ከፍተኛ ጎል አስቆጣሪ በመሆን ስታጠናቅቅ የስፖርታዊ ጨዋነት ተሸላሚም የኢትዮጵያ ስፖርት አካዴሚ ቡድን ሆኗል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...