Friday, July 19, 2024
- Advertisement -
- Advertisement -
ዜናተመድ በኢትዮጵያ የተጠናከረ የመንገድ ደኅንነት ሥርዓት ያስፈልጋል አለ

ተመድ በኢትዮጵያ የተጠናከረ የመንገድ ደኅንነት ሥርዓት ያስፈልጋል አለ

ቀን:

የተባበሩት መንግሥታት ድርጅት (ተመድ) በኢትዮጵያ የተጠናከረ የመንገድ ደኅንነት ሥርዓት መዘርጋት እንዳለበት አስታወቀ፡፡

ተመድ ይህንን ያስታወቀው የድርጅቱ ረዳት ዋና ጸሐፊ የመንገድ ደኅንነት ልዩ ልዑክ ዣን ቶድ፣ ከግንቦት 29 እስከ 30 ቀን 2015 ዓ.ም. ድረስ በኢትዮጵያ የሚያደርጉትን ጉብኝት አስመልክቶ ነው፡፡

ተመድ ዓርብ ግንቦት 18 ቀን 2015 ዓ.ም. ባወጣው መግለጫ ልዩ ልዑኩ ከኢትዮጵያ መንግሥት ከፍተኛ ባለሥልጣናት፣ ከተመድ የሥራ ኃላፊዎችና ከሌሎች ባለድርሻ አካላት ጋር በሚኖራቸው ቆይታ በኢትዮጵያ አሳሳቢ ለሆነው የመንገድ ደኅንነት ከፍተኛ ትኩረት እንዲሰጥ ለማድረግ ውይይቶችን እንደሚያደርጉ አስታውቋል፡፡

እ.ኤ.አ. በ2030 የመንገድ ላይ አደጋ ተጎጂዎችን ቁጥር በግማሽ ለመቀነስ እ.ኤ.አ. በ2020 ይፋ የተደረገውን ዓለም አቀፍ የመንገድ ደኅንነት የድርጊት መርሐ ግብር በኢትዮጵያ ውጤታማ በሆነ መንገድ ተግባራዊ ለማድረግ፣ ልዩ ልዑኩ ውትወታ እንደሚያደርጉ ተመድ በመግለጫው ጠቁሟል፡፡

የጉብኝቱ ሌላው ዓላማ ደግሞ ተመድ በኢትዮጵያ የመንገድ ደኅንነት አፈጻጸም ግምገማ ሒደትን በተመለከተ የደረሰበት ድምዳሜ ላይ መነጋገር እንደሆነም ተገልጿል፡፡

በተመድ መረጃ መሠረት በአፍሪካ የትራፊክ አደጋ ከፍተኛ ቁጥር ላላቸው ወጣቶች ሞት ዋና ምክንያት ሲሆን፣ ከአጠቃላዩ የዓለም ድርሻ 25 በመቶ የትራፊክ አደጋ ተጎጂዎች አፍሪካ ውስጥ ነው የተመዘገቡት፡፡

በዓለም የተሽከርካሪዎች ብዛት የአፍሪካ ድርሻ ሁለት በመቶ ብቻ መሆኑን ያስታወሰው ተመድ፣ በዓለም በከፍተኛ ደረጃ የአደጋ ተጠቂ በሆነው ከሰሃራ በታች አፍሪካ የትራፊክ አደጋ ተጎጂዎች ቁጥር ከአንድ መቶ ሺሕ ሰዎች 27 መሆኑን፣ ይህ አኃዝ አውሮፓ ውስጥ ዘጠኝ ብቻ እንደሆነና በዓለም ደግሞ 18 ነው ብሏል፡፡

የዓለም ባንክን መረጃ ያጣቀሰው ተመድ በኢትዮጵያ ግን ይህ ቁጥር 28 መሆኑን በማስታወቅ፣ አደጋውን የከፋ አድርጎታል ሲል አክሏል፡፡ በዚህ አስከፊ የትራፊክ አደጋ ከሚጎዱት ሰዎች ውስጥ 52 በመቶ ያህሉ የተሽከርካሪ ተገልጋዮች እንደሆኑ፣ መረጃውም የተጠናቀረው እ.ኤ.አ. በ2018 እንደሆነ ሳይጠቅስ አላለፈም፡፡

የተመድ ልዩ ልዑክ ዣን ቶድ በኢትዮጵያ በሚኖራቸው ቆይታ የመንገድ ደኅንነት የበለጠ ትኩረት እንዲያገኝ አፅንኦት ለመስጠት፣ የትራፊክ አደጋ ተጎጂዎች በብዛት ሕክምና በሚያገኙበት አቤት ሆስፒታል ግንቦት 29 ቀን 2015 ዓ.ም. ጉብኝት እንዲያደርጉ ቀጠሮ እንደተያዘላቸው በተመድ መግለጫ ተመልክቷል፡፡

በአገር አቀፍ ደረጃ በሰው ሕይወትና ንብረት ላይ እየደረሰ ያለው ጉዳት በጣም ከፍተኛ መሆኑ ሲጠቀስ፣ የአዲስ አበባ ከተማ አስተዳደር የትራፊክ ማኔጀመንት ኤጀንሲ በቅርቡ ያወጣው ሪፖርት እንደሚያመለክተው፣ ባለፈው ዓመት ብቻ በትራፊክ አደጋ 441 ሰዎች ሲሞቱ ካለፈው ዓመት ጋር ሲነፃፀር ቁጥሩ በ41 ጨምሯል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አቶ ሰብስብ አባፊራ የኢትዮጵያ ንግድና ዘርፍ ማኅበራት ምክር ቤት ፕሬዝዳንት ሆነው ተመረጡ

ከአዋጅና መመሪያ ውጪ ለዓመታት ሳይካሄድ የቆየው የኢትዮጵያ ንግድና ዘርፍ...

ቀጣናዊ ገጽታ የያዘው የኢትዮ ሶማሊያ ውዝግብ

ከአሥር ቀናት ቀደም ብሎ በተካሄደው የፓርላማ 36ኛ መደበኛ ስብሰባ፣...

የኢንሹራንስ ኩባንያዎች በዓረቦንና የጉዳት ካሳ ክፍያዎች ላይ ተጨማሪ እሴት ታክስ መጣሉን ተቃወሙ

በአዲሱ ተጨማሪ እሴት ታክስ አዋጅ ውስጥ የኢንሹራንስ ከባንያዎች ለሚሰበስቡት...