Tuesday, July 23, 2024
- Advertisement -
- Advertisement -
ማኅበራዊየኢትዮጵያ አየር መንገድ ለአምስት ሺሕ ሠራተኞች የመኖሪያ ቤቶች ሊያስገነባ ነው

የኢትዮጵያ አየር መንገድ ለአምስት ሺሕ ሠራተኞች የመኖሪያ ቤቶች ሊያስገነባ ነው

ቀን:

የኢትዮጵያ አየር መንገድ በለሚ ኩራ ክፍለ ከተማ ለአምስት ሺሕ ሠራተኞቹ የመኖሪያ ቤቶች ሊያስገነባ መሆኑን አስታወቀ፡፡

በቅርቡ ለመኖሪያ ቤቶች ግንባታ የሚውለውን መሬት መረከቡን፣ የአየር መንገዱ ዋና ሥራ አስፈጻሚ አቶ መስፍን ጣሰው ተናግረዋል፡፡

አየር መንገዱ በለሚ ኩራ ክፍለ ከተማ የሚያስገነባቸው የሠራተኞች የመኖሪያ ቤቶች፣ በ130 ሺሕ ካሬ ሜትር ቦታ ላይ ያርፋሉ ተብሏል፡፡

የመኖሪያ ቤቶቹ የሚገነቡት በ25 የሕንፃ ብሎኮች ሲሆን፣ እያንዳንዱ የሕንፃ ብሎክ 20 ወለሎች እንደሚኖሩት አቶ መስፍን አስረድተዋል፡፡

ሕንፃዎቹ ስድስት ዘመናዊ የመኪና ማቆሚያዎች ይኖራቸዋል ብለዋል፡፡ የሕንፃዎቹን ግንባታ የሚያከናውነውን ኮንትራክተር የመምረጥ ሒደት እየተከናወነ መሆኑን የተናገሩት አቶ መስፍን፣ በሚቀጥለው ሳምንት አሸናፊው ይታወቃል ብለዋል፡፡

የሕንፃዎቹ ግንባታ የሚከናወነው በኢትዮጵያ አየር መንገድ አስተባባሪነት ሲሆን፣ የቤቶቹን የግንባታ ወጪ ሠራተኞቹ በራሳቸው የሚሸፍኑት እንደሆነ ዋና ሥራ አስፈጻሚው ተናግረዋል፡፡

‹‹በከተማዋ ያለው የቤት ችግር ለአየር መንገዱ ሠራተኞችም ፈተና በመሆኑ፣ ያለባቸውን ችግር ለመፍታት የሚያግዝ ነው፤›› ሲሉ አቶ መስፍን ገልጸዋል፡፡

የአየር መንገዱ ፓይለቶች፣ የበረራ አስተናጋጆች፣ የሽያጭና የአገልግሎት ሰጪዎችን ጨምሮ 17 ሺሕ ሠራተኞች ሲኖሩት፣ አሁን ግንባታው የሚጀመረው አምስት ሺሕ ለሚሆኑ ሠራተኞቹ ነው፡፡

ከስምንት ዓመታት በፊት አየር መንገዱ የሠራተኞች መኖሪያ ቤት ለመገንባት 282 ሚሊዮን ብር መመደቡ ይታወሳል፡፡

ግንባታውን እንዲያከናወንም አፍሮ ጽዮን የኮንስትራክሽን ኩባንያ መመረጡ በአየር መንገዱ ተገልጾ ነበር፡፡

በአፍሮ ጽዮን ኮንስትራክሽን ኩባንያ ከዚህ በፊት ተጀምሮ የነበረው የመኖሪያ ቤቶች ግንባታ፣ በአሁኑ ጊዜ ያለበትን ደረጃ ለማወቅ ሪፖርተር ለአየር መንገዱ ጥያቄ ቢያቀርብ ምላሽ ማግኘት አልተቻለም፡፡

አየር መንገዱ አዲስ የዋና መሥሪያ ቤት ሕንፃ ለመገንባት በዝግጅት ላይ መሆኑን ባለፈው ሳምንት መዘገባችን ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...