Saturday, June 15, 2024
- Advertisement -
- Advertisement -

ዜናታጣቂዎች በደቡብ ክልል ሁለት ወረዳዎች ግድያና አፈና እየፈጸሙ መሆናቸው ተገለጸ

ታጣቂዎች በደቡብ ክልል ሁለት ወረዳዎች ግድያና አፈና እየፈጸሙ መሆናቸው ተገለጸ

ቀን:

  • የጉራጌ ዞን ሰላምና ፀጥታ ቢሮ በጉዳዩ ላይ ክትትል አየተደረገ ነው ብሏል

ታጣቂዎች በደቡብ ብሔር ብሔረሰቦችና ሕዝቦች ክልል በጉራጌ ዞን በተለይ በሁለት ወረዳዎች፣ በነዋሪዎች ላይ ‹‹ግድያና አፈና›› እየፈጸሙ መሆኑ ተገለጸ፡፡

ሪፖርተር በስልክ ያነጋገራቸው ነዋሪዎች የገለጹት፣ በዞኑ በተለይም በሶዶና በመስቃን ወረዳዎች ታጣቂዎች በነዋሪዎች ግድያና አፈና እየፈጸሙ መሆኑን ነው፡፡

እንደ ነዋሪዎቹ ገለጻ ከሆነ፣ ሰኞ ሰኔ 26 ቀን 2015 ዓ.ም. በመስቃን ወረዳ አምስት ሰዎች ተገድለዋል፡፡

- Advertisement -

በጥቃቱ የተገደሉት ሦስት ተማሪዎችና ሁለት እናቶች መሆናቸውን፣ ከዚህ በተጨማሪ ጥቃቱ ወደ ማረቆ ወረዳ እንደተሸጋገረ ነዋሪዎቹ አስረድተዋል፡፡

እንዲሁም ከሳምንት በፊት በሶዶ ወረዳ ገና ቁጥራው በትክክል ያልታወቁ ሰዎች ‹‹በታጠቁ ኃይሎች ታፍነው ተወስደዋል›› ተብሏል፡፡

የጉራጌ ዞን ሰላምና ፀጥታ ዘርፍ ኃላፊ ኮማንደር ጠጄ ይርዳው፣ ከላይ በተጠቀሱት ወረዳዎች የታጠቁ ኃይሎች ጥቃት እያደረሱ መሆኑን ከነዋሪዎች ጥቆማ እንደደረሳቸው ለሪፖርተር አረጋግጠዋል፡፡

ነዋሪዎቹ በታጣቂዎች እየተፈጸመ ነው ያሉትን ጥቃት በተመለከተ የፀጥታ ቢሮው ምን እየሠራ እንደሆነ ጥያቄ የቀረበላቸው ኃላፊው፣ የፀጥታ ቢሮው ‹‹ከአካባቢው ነዋሪዎችና አመራሮች ጋር በጋራ እየተወያየ ነው፣ ገና ያጣራነው ነገር የለም፤›› ብለዋል፡፡

‹‹ታጣቂዎቹ ጥቃት ፈጽመው ነው የሄዱት›› የሚል መረጃ ከነዋሪዎች እንደ ደረሳቸው ያስረዱት ኃላፊው፣ ችግሩ እንደተከሰተ ግልጽ ነው ብለዋል፡፡ ‹‹ማነው የፈጸመው የሚለውን ጉዳይ በተመለከተ ግን ገና ያገኘነው መረጃ የለም፤›› ሲሉ አክለው አስረድተዋል፡፡

ሰኞ ሰኔ 26 ቀን 2015 ዓ.ም. በመስቃን ወረዳ የታጠቁ ኃይሎች አምስት ሰዎችን ገድለዋል መባሉን በተመለከተ ማብራሪያ እንዲሰጡ ለቀረበላቸው ጥያቄ በሰጡት ምላሽ፣ መረጃው እንደ ደረሳቸውና ጉዳዩን እያጣሩ መሆኑን ኮማንደር ጠጄ አስረድተዋል፡፡

የጉራጌ ዞን የኮሙዩኒኬሽን ቢሮ በበኩሉ በዞኑ እየተፈጸመ ነው የተባለውን ጥቃት በተመለከተ መረጃ እያሰባሰበ መሆኑን አስታውቋል፡፡

ከዚህ በፊት በሶዶ ወረዳ በተደጋጋሚ እንዲህ ዓይነት ችግር ተፈጥሮ እንደነበር፣ የፀጥታ ኃይል ገብቶ አሰሳ መደረጉን፣ የፀጥታ ኃይሉም በአካባቢው ለተወሰነ ጊዜ እንደቆየ፣ አሁንም በድጋሚ ችግሩ እንደተፈጠረና ችግሩን ለመቅረፍ እየተሠራ መሆኑን አክለው ገልጸዋል፡፡

ከዚህ በፊት በሶዶ ወረዳ ጥቃት ያደረሱትና አሁን በድጋሚ ጥቃት የከፈቱት ታጣቂዎች እነማን እንደሆኑ እንዲያብራሩ የተጠየቁት ከማንደር ጠጄ፣ ማንነታቸው አልታወቀም ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...