Wednesday, July 24, 2024

[ክቡር ሚኒስትሩ በፓርቲያቸው የሕዝብ ድጋፍ ያለበትን ሁኔታ በተመለከተ የዳሰሳ ጥናት እንዲያካሂድ የተዋቀረው ኮሚቴ ሰብሳቢ ባቀረቡት የጥናት ውጤት ላይ እየተወያዩ ነው]

  • ክቡር ሚኒስትር የተደረገው የዳሰሳ ጥናት የፓርቲው የሕዝብ ድጋፍ በፍጥነት እየቀነሰ መምጣቱን የሚያሳይ ነው።
  • እኔ በዚህ ድምዳሜ አልስማማም!
  • ክቡር ሚኒስትር እርሶ ባይስማሙም የተደረገው የዳሰሳ ጥናት የሚያሳየው እንደዚያ ነው።
  • እኔ አሁንም አልስማም። ለጥናቱ መመዘኛ የሆነው መረጃ ትክክለኛነት ያሳስበኛል።
  • እንዴት?
  • የሕዝብን ድጋፍ ለመመዘን ጠቃሚ የሆኑ መረጃዎች የተወሰዱ አይመስለኝም። ጠቃሚ የሚባሉት መመዘኛዎች ተወስደው ቢሆን ኖሮ እዚህ ድምዳሜ ላይ ሊደረስ አይቻልም።
  • ተገቢና ጠቃሚ የሆኑ መረጃዎች ተወስደው የተከናወነ ጥናት ስለመሆኑ በሪፖርቱ ተቀምጧል እኮ ክቡር ሚኒስትር?
  • እኔ አይመስለኝም። እንዳንሳሳት እሠጋለሁ።
  • ክቡር ሚኒስትር ወጣቱም፣ አርሶ አደሩም፣ አርብቶ አደሩም አኩርፎናል እኮ። በሌሎች አካባቢዎች ደግሞ ማኩረፍ ብቻ ሳይሆን ነፍጥ መዞ እየተጋጨን መሆኑ እየታወቀ እንዴት ስህተት ሊሆን ይችላል?
  • ስህተት አለበት አልኩህ እኮ። ምክንያቱም የሕዝብ ድጋፍ ያለበትን ደረጃ ለመለካት ሁነኛ ናቸው የሚባሉት መመዘኛዎች ጥቅም ላይ አላዋላችሁም።
  • ክቡር ሚኒስትር፣ እርሶ ሁነኛ የሚሏቸው መመዘኛዎች ምንድናቸው?
  • ለምሳሌ አንዱ ማዕድ ማጋራት ነው።
  • እ…?
  • አዎ። የማዕድ ማጋራት ጋብዘን አልመጣም ያለ ነዋሪ አለ?
  • የሚበላው የተቸገረ ሰው ግብዣ ቀርቦለት አንዴት ይቀራል ክቡር ሚኒስትር?
  • ያሳተምነውን መጽሐፍ ያልገዛ የማኅበረሰብ ክፍል አለ?
  • እሱን በመመዘኛነት አልተጠቀምንበትም።
  • የሌማት ትሩፋትንስ በመመዘኛነት ተጠቅማችኋል?
  • አልተጠቀምንም?
  • ጃውሳ ናችሁ!
  • ምን ማለት ነው ክቡር ሚኒስትር?
  • ትርጉሙን አላውቀውም ቢሆንም ግን …
  • ግን ምን ክቡር ሚኒስትር?
  • ጃውሳ ናችሁ!

[ክቡር ሚኒስትሩ ከዴሞክራሲ ሥርፀት ዳይሬክተሩ ጋር በወቅታዊ ፖለቲካዊ ጉዳዮች ዙሪያ እየተወያዩ ነው]

  • እሺ ውይይቱን ከየት እንጀምር?
  • ዴሞክራሲን ለመትከል ተግዳሮት ከሆኑብን ጉዳዮች ብንጀምር መልካም ይመስለኛል ክቡር ሚኒስትር።
  • ጥሩ።
  • አመሠግናለሁ ክቡር ሚኒስትር። እንደሚታወቀው ዴሞክራሲን ለማስረፅ ከጀመርናቸው እንቅስቃሴዎች መካከል አንዱ ከተቃዋሚ ፓርቲዎች ጋር ተቀራርቦ መሥራት መሆኑ ይታወቃል።
  • ከታወቀ ለምን ትደግመዋለህ?
  • ለመንደርደሪያ ያህል ነው ክቡር ሚኒስትር?
  • ከመንደርደር በቀጥታ ጉዳዩን ማንሳት አይሻልም?
  • ጥሩ ክቡር ሚኒስትር። ተቀራርቦ መሥራት አስፈላጊ እንደሆነ ባስቀመጥነው አቅጣጫ መሠረት አቅርበናቸዋል ብቻ ሳይሆን መቀራረባችንን የሚመጥን ስያሜ እንዲያገኙ አድርገናል።
  • የምን ስያሜ?
  • ተቃዋሚ የሚለውን ስያሜ በመቀየር ተፎካካሪ ብለናቸዋል።
  • አሁንም መንደርደሪያ ላይ ነህ?
  • አቤት ክቡር ሚኒስትር?
  • ለምን ወደ ጉዳዩ አትገባም?
  • ወደ እሱ እየመጣሁ ነው ክቡር ሚኒስትር
  • እሺ ተፎካካሪ ብለን ሰየምናቸው። ምን አገኘን?
  • ተፎካካሪ ብለን በመሰየም ብቻ አላቆምንም። የካቢኔ አባል ጭምር እንዲሆኑም አድርገናል።
  • ጤና የለውም እንዴ ሰውዬው! ምን ልትነግረኝ ነው የፈለከው?
  • ክቡር ሚኒስትር የካቢኔ አባል አድርገን፣ መኖሪያ ቤትና ቪ8 ከተቀበሉ በኋላ የሚያደርጉት ነገር ሲመዘን ግን ተገቢ ሆኖ አላገኘነውም።
  • እንዴት?
  • ወሳኝ የሚባሉ የካቢኔ አጀንዳዎች ላይ ሆነ ብለው አይገኙም። አንዳንዴ ደግሞ…
  • አንዳንዴ ምን?
  • አንዳንዴ ደግሞ ይገኙና አብረው የድጋፍ ድምፅ በመስጠት ይወስናሉ። ነገር ግን…
  • ግን ምን?
  • የካቢኔ አባል ሆነው የወሰኑበትን ጉዳይ በነጋታው በፓርቲ መግለጫ ይቃወሙታል።
  • ይህማ የሚጠበቅ ነው። አንዳንዴ ዕድል ልንሰጣቸው ይገባል።
  • የምን ዕድል
  • እንደ ተቃዋሚ ፓርቲ የመቆጠር ዕድል።

በብዛት የተነበቡ ፅሁፎች

- Advertisment -

ትኩስ ፅሁፎች

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...

አሳርና ተስፋ!

ከቱሉ ዲምቱ ወደ ቦሌ ጉዞ ልንጀምር ነው፡፡ ገና ከመንጋቱ...
spot_img

ተዛማጅ ፅሁፎች

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ። ይህንን ደብዳቤ እየውና በጠየቁት መሠረት እንዲፈጸምላቸው አድርግ። ጉዳዩ ምንድነው? ከአንድ ክልል የቀረበ የትብብርና ድጋፍ ጥያቄ ነው። የምን ትብብር...

[ክቡር ሚኒስትሩ የቅርብ ወዳጃቸው ከሆነች አንድ ባለሀብት የተደወለላቸውን ስልክ አንስተው በኮሪደር ልማቱ ላይ የምታቀርበውን ቅሬታ እየሰሙ ነው]

ክቡር ሚኒስትር እኔ የኮሪደር ልማቱ ላይ ተቃውሞም ሆነ ጥላቻ እንደሌለኝ የሚያውቁ ይመስለኛል? በዚህ እንኳን አትታሚም።  የእውነቴን ነው ክቡር ሚኒስትር። አውቃለሁ ስልሽ? ለኮሪደር ልማቱ አዋጡ ሲባልም ያለማመንታት አምስት ሚሊዮን...

[ክቡር ሚኒስትሩ በችግኝ ተከላ ፕሮግራም ላይ ሳይገኝ ከቀረው አንድ የተቋማቸው ባልደረባ የሆነ የተቃዋሚ ፓርቲ አባልን አስጠርተው እያናገሩ ነው]

ለምንድነው በዚህ አገራዊ ፋይዳ ባለው ፕሮግራም ላይ ያልተገኘኸው? ክቡር ሚኒስትር ህሊናዬ አልፈቀደልኝም። መቃወምና መተቸት ብቻ ውጤት የሚያመጣ መስልዎህ ከሆነ ተሳስተሃል። አልተሳሳትኩም ክቡር ሚኒስትር? ቆይ የመጀመሪያ ዓመት የችግኝ ተከላ...