Saturday, June 22, 2024
- Advertisement -
- Advertisement -
ዝንቅየበግ ለምድ ለባሹ

የበግ ለምድ ለባሹ

ቀን:

…The beastly man (ዘ ቢስት ማን) ስትል ምን ማለትህ ነው?”

አንዳንድ ሰዎች እጥፍ ሕይወት ይኖራሉ። ባንድ በኩል ሰብዓዊ ልምድን የሚከተሉና የማኅበራዊ (ethical) ሥርዓት አክብረው የሚኖሩ መስለው ለመታየትና በሌሎች ዘንድ መልካም አቀባበልና ሞገስ ለማግኘት በውሸት ይመፃደቃሉ። ግን ይህ ግብዝነታቸው ፈተናውን እንዲያልፍ የሚጠየቅበት ቁም ነገረኛ ሰዓት ይመጣል። ስለዚህ ጉዳይ የአገራችን ጀግና የሸለለው እስካሁን ድረስ በጆሮዎቼ ውስጥ ተመዝግቦ ሲያቃጭል እሰማዋለሁ።

እርሱ እንዲህ አለ:-

ሰው ማለት፣ ሰው ማለት፣ ሰው ማለት፣

ሰው የሚሆን ነው ሰው የጠፋለት።

በርግጥ ሰው፣ ሰው መሆኑን ለማስረዳት የሚጠየቅበት ቁም ነገረኛ ሰዓት ሲመጣ ተመጻዳቂዎች ምንም ማምለጫ ቀዳዳ አያገኙም። ሰዓቱ ያጋልጣቸዋል። በዚያን ጊዜ አንዳች መሠረተ ነገር የሌላቸው በእንሰሳዊ ተፈጥሮ ደረጃ ብቻ የሚንቀሳቀሱ ተግደርዳሪዎች መሆናቸውን ከማንም ለመሰወር አይችሉም። ይኸውም ራስን ያለልክ መውደድ፣ ከርሥን ለመሙላት ያለልክ መጨነቅ፣ አጊጦ ለመታየት መጣጣር፣ ግላዊ ደስታን ያለልክ ማፍቀር፣ ለሌላው ሰው ችግር ምንም ዓይነት የተሳታፊነት ስሜት ማጣት፣ የውሽንፍሩ ጊዜ አልፎ ፀሐይ ስትወጣ ብቻ ራስን ለማሳወቅ መጣጣር … ነው። እንደዚህ ያሉትን ተግደርዳሪዎች ሁሉ The Beastly Men እያልኩ እጠራቸዋለሁ። በሰውነታቸው ሊታመኑ አይችሉም። የቆሙበት መሠረተ ነገር የላቸውም። በሌላው በኩል ደግሞ ለሌሎች መስሎ ለመኖር የማይፈልጉ ሰዎች አሉ። ለነርሱ የማኅበራዊ ethical ሥርዓት ምንም ዋጋ የለውም። ይህንንም በግልጥ ለመናገር አይሠጉም። የነርሱን ምግባር የሚቆጣጠረው the law of the jungle እየተባለ የሚጠራው ኃይል ብቻ ነው። ሃይማኖት፣ ፍልስፍና፣ ሥነ ጥበብ በእነርሱ ሕይወት ውስጥ ሥፍራ የለውም። እንደዚህ ያሉትን ሰዎች ቱባ አውሬዎች ወይም ቱባ እንሰሶች እላቸዋለሁ። ሌላውን መስለው አይኖሩም።››

 «ከThe Beastly Men እና ከቱባ እንሰሶች የትኞቹን ትመርጣለህ?” ሲል ዓቢይ ጠየቀ። ‹‹በእኔ በኩል ማናቸውንም አልመርጥም። ግን ለሰው ልጅ አስተዳደግና የሥልጣኔ ዕርምጃ የአገኝነታቸውን ብልጫ ለመመዘን የሞከርን እንደሆነ ከግብዞቹ የተሳሳቱት እውነተኞች ይሻላሉ አላለሁ። ሌላው ቢቀር ግን ወይም ምን መሆናቸውን ለመሰወር አልሞከሩም The Beastly Men ግን ያጭበረብራሉ። በወንጌል ‹‹የበግ ለምድ ለብሰው ይመጣሉ፡ ውስጣቸው ግን ተኩላ ነው…›› ተብሎ ተጽፏል።

  • ብርሃኑ ድንቄ ‹‹አልቦ ዘመድ››
spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...