Tuesday, July 23, 2024
- Advertisement -
- Advertisement -
ማኅበራዊከ60 በመቶ በላይ አፍሪካውያን የአየር ንብረት ለውጥ አደጋ ተጋርጦባቸዋል

ከ60 በመቶ በላይ አፍሪካውያን የአየር ንብረት ለውጥ አደጋ ተጋርጦባቸዋል

ቀን:

‹‹አካባቢያችን በዛፎች ተከቦ እያየሁ ነው ያደኩት፡፡ ዕድሜ እየጨመርኩ ስመጣ፣ አካባቢያችን መለወጥ ጀምሮ ነበር፡፡ ቁጥቋጦው፣ ዛፎቹ ያኔ በልጅነት አያቸው የነበሩ ባዶ መሆን ጀምረዋል፡፡ የአየሩ ሁኔታም እየተለወጠ ነበር፡፡ እናም አሁን እኔ ስናገር እነዚያ ከጓሯችን በሚገኙ ወንዞች ሲነጉዱ የሚደመጡ የውኃ ድምፆች ሙሉ ለሙሉ ደርቀዋል፡፡››

ይህንን ዓምና የተናገሩት በተባበሩት መንግሥታት ድርጅት (ተመድ) ረዳት ዋና ጸሐፊና የኢንቫይሮመንት ፕሮግራም ምክትል ዋና ዳይሬክተር ታንዛኒያዊቷ ኤልዛቤት ማሩማ መርማ፣ በኢትዮጵያ ከነሐሴ 8 እስከ 12 ቀን 2015 ዓ.ም. በተካሄደው 19ኛው የአፍሪካ የአካባቢ ሚኒስትሮች ጉባዔም፣ ከ60 በመቶ በላይ አፍሪካውያን የአየር ንብረት ለውጥ አደጋ ተጋርጦባቸዋል ብለዋል፡፡

ምክትል ዋና ዳይሬክተሯ እንደሚሉት፣ ክስተቱ ኢኮኖሚዋን በአብዛኛው በተፈጥሮ ሀብት በተለይም በግብርናና በቀንድ ከብት ላይ ላደረገችው አፍሪካ ከባድ ቀውስ የሚያስከትል ነው፡፡

አፍሪካ ለአየር ንብረት ለውጥ ያላት አስተዋጽኦ ከአምስት በመቶ በታች ቢሆንም፣ በዓለም አቀፍ ደረጃ የአየር ንብረት ለውጥ በሚያስከትለው ጎርፍ፣ ድርቅና አውሎ ንፋስ ከሚጠቁ ቀዳሚ አኅጉሮች ተርታ ናት፡፡

ይህንን ያስታወሱት ምክትል ዋና ዳይሬክተሯ መርማ፣ አፍሪካ የተጋረጠባትን ችግር ለመቋቋም ሦስት ትሪሊየን ዶላር ያስፈልጋታል ብለዋል፡፡

ዓለም አቀፉ ማኅበረሰብ ለአፍሪካ የብድር ዕፎይታ ጊዜ መስጠት እንዳለበት በመግለጽም፣ አኅጉሪቷ የአየር ንብረት ለውጥን ተቋቁማ እንድትቀጥል አገሮች ውጤታማ የሆነ የአየር ንብረት ለውጥን የሚቋቋም መፍትሔ መተግበር እንዳለባቸው ጠቁመዋል፡፡

አኅጉሪቷ ሁለት ሦስተኛ ያህሉን ምርት ሊሰጥ የሚችል መሬቷን በአየር ንብረት ለውጥ ሳቢያ እያጣች መሆኑን በማስታወስም፣ የውኃ፣ የብዝኃ ሕይወት፣ የመሬትና የማዕድናት ጥበቃ ሥራ ትኩረት ሊሰጠው ይገባልም ብለዋል፡፡

የፕላስቲክ ብክለት ለአፍሪካ ትልቅ ፈተና በመሆኑ ከኢንዱስትሪዎች ጋር አብሮ መሥራት እንደሚያስፈልግ፣ በቀጣይ በሚኖሩ ጉባዔዎችም ከዚህ ቀደም ከስምምነት የተደረሰበት ዓለም አቀፍ አስገዳጅ ሕግ እንዲወጣ መሥራት ያስፈልጋል ሲሉም አክለዋል፡፡

በተመድ የአየር ንብረት ለውጥ ስምምነት ማዕቀፍ ዋና ጸሐፊ ሲሞን ስቴል በበኩላቸው፣ በአፍሪካ በርካታ ብዝኃ ሕይወት፣ ባህልና ሌሎችም የተፈጥሮ ሀብቶች ቢኖሩም፣ አኅጉሪቷ አሁንም በማደግ ላይ ያለ ማኅበረሰብ የሚኖርባት ሆና እንደምትጠቀስ ሆኖም እንደሌሎች አኅጉራት ማደግ እንዳለበት ተናግረዋል፡፡

ከ60 በመቶ በላይ አፍሪካውያን የአየር ንብረት ለውጥ አደጋ ተጋርጦባቸዋል | Ethiopian Reporter | ሪፖርተር
ኤልዛቤት ማሩማ እና ሲሞን ስቴል

ለዚህም አፍሪካ የአየር ንብረት ለውጥ እያደረሰባት ያለውን ችግር ለመቋቋም ሁሉንም ዕድሎች መጠቀምና በኮፕ 28  የአየር ንብረት ለውጥ ጉባዔ [ከኅዳር 18 እስከ 30 ቀን 2016 ዓ.ም. በዱባይ ይካሄዳል]፣ አቋሟን ማሳወቅ እንዳለባት አሳስበዋል፡፡

አፍሪካ በአየር ንብረት ለውጥ ሳቢያ አማካይ ከሚባለው የሙቀት መጠን በላይ እያስመዘገበች ነው፡፡ የሚዋዥቅና ይህ ነው ለማለት የማይቻል የዝናብ ሥርዓት፣ የባህር ውኃ መጨመር፣ የደሴቶች መሸርሸር፣ የምግብ ዋስትና ዕጦት፣ መፈናቀልና ስደት የአፍሪካ መገለጫ ሆነዋል፡፡

የአፍሪካ ልማት ባንክ እንደሚለው፣ አፍሪካ በአየር ንብረት ለውጥ ምክንያት በዓመት ከሰባት እስከ 15 ቢሊዮን ዶላር ታጣለች፡፡ ችግሩ በዚህ ከቀጠለ እ.ኤ.አ. በ2040 ወደ 50 ቢሊዮን ዶላር የምታጣ ይሆናል፡፡

በአየር ንብረት ለውጥና በዚህ ምክንያት በሚፈጠሩ ቀውሶች ከአገር ውስጥ ጠቅላላ ምርት ከአምስት እስከ 15 በመቶ የምታጣ መሆኑንም ባንኩ ይገልጻል፡፡

ወርልድ ኢኮኖሚክ ፎረም በድረ ገጹ እንዳሰፈረውም፣ እ.ኤ.አ. በ2009 የዓለም ሀብታም፣ በኢንዱስትሪ የበለፀጉና ለአየር ንብረት ለውጡ የአንበሳውን ድርሻ የሚይዙት  አገሮች ለአፍሪካ ከ2020 ጀምሮ በየዓመቱ መቶ ቢሊዮን ዶላር ለመስጠት ቃል ገብተው ነበር፡፡ ሆኖም 80 ቢሊዮን ብቻ ነው የለገሱት፡፡

አፍሪካውያን ኃያላን አገሮች የገቡትን የመቶ ቢሊዮን ዶላር የአየር ንብረት ለውጥ መቋቋሚያ ገንዘብ ሙሉ ለሙሉ እንዲለቁ ለማስቻል በቀጣይ በሚኖሩ ጉባዔዎች ድምፃቸውን ማሰማት ይጠበቅባቸዋል፡፡

በኢትዮጵያ ለአምስት ቀናት በአካባቢ ላይ ሲመክሩ የከረሙትን የአፍሪካ የአካባቢ ባለሙያዎች፣ መንግሥታዊ ያልሆኑ ድርጅቶች፣ ሚኒስትሮችና የሚመለከታቸው አካላት ተከትሎ በቀጣይ በኬንያና በዱባይ ለሚደረጉ የአካባቢና የአየር ንብረት ለውጥ ጉባዔዎች ግብዓት የማሰባሰብና ፕሮሲዲንግ የማዘጋጀት ሥራ ተከናውኗል፡፡

ለሁለት ዓመታት የሚቆየው የአፍሪካ የአካባቢ ሚኒስትሮች ጉባዔ ፕሬዚዳንትነት ሥልጣንም ከሴኔጋል ለኢትዮጵያ ተሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...