Friday, March 1, 2024
- Advertisement -
- Advertisement -
ስፖርትአበረታች ቅመሞች የተገኘባቸው የኢትዮጵያ አትሌቶች አሥር መድረሳቸው ተጠቆመ

አበረታች ቅመሞች የተገኘባቸው የኢትዮጵያ አትሌቶች አሥር መድረሳቸው ተጠቆመ

ቀን:

በኢትዮጵያ አበረታች ቅመሞች የተገኘባቸው አትሌቶች ቁጥር አሥር መድረሱን የኢትዮጵያ የፀረ አበረታች ቅመሞች ባለሥልጣን አስታወቀ፡፡

ባለሥልጣኑ ዓርብ ኅዳር 14 ቀን 2016 ዓ.ም. ከኢትዮጵያ አትሌቲክስ ፌዴሬሽን ጋር በጋራ በመሆን ውይይት ባደረገበት ወቅት በማወቅም ሆነ ባለማወቅ የተለያዩ የአበረታች ቅመሞችን የተጠቀሙ አትሌቶች መገኘታቸውን አስታውቋል፡፡

ከእነዚህም መካከል ስምንት አትሌቶች መጠቀማቸው ተረጋግጦ ክስ የቀረበባቸው ሲሆን፣ ሁለቱ በሒደት ላይ መሆናቸውን የኢትዮጵያ የፀረ አበረታች ቅመሞች ባለሥልጣን ዋና ዳይሬክተር አቶ መኮንን ይደርሳል ተናግረዋል፡፡ በውይይት መድረኩ የተለያዩ ርዕሰ ጉዳዮች የተነሱ ሲሆን፣ አበረታች ቅመሞችን የሚጠቀሙ አትሌቶች ቁጥር እየጨመረ መምጣቱንና ክለቦች፣ ከተማ አስተዳደሮች እንዲሁም ክልሎች፣ አትሌቶች ላይ ከፍተኛ ቁጥጥር ማድረግ እንደሚገባቸው ተጠቅሷል፡፡

- Advertisement -

Video from Enat Bank Youtube Channel.

አበረታች ቅመሞቹን ይዘው የሚገቡ የውጭ አገር ዜጎች መበራከታቸው የተጠቀሰ ሲሆን፣ አትሌቶች ልምምድ በሚያደርጉበት አካባቢ እያዘወተሩ እንደሚገኙ ተናግረዋል፡፡

በዚህም መሠረት አትሌቶች ልምምድ በሚያደርጉበት ሰንዳፋ፣ ሰበታ፣ ሱሉልታ፣ ጫፎ እንዲሁም አቃቂ ቃሊቲ አካባቢ መበራከታቸው ተጠቁሟል፡፡

ከዚህም ባሻገር በአዲስ አበባ የተለያዩ የመድኃኒት መደብሮች ኪኒኖች በኪሎ ግራም እየተሸጡ እንደሚገኙ ተብራርቷል፡፡ በሌላ በኩል ለአትሌቶቹ የበለጠ ተጋላጭ መሆን ማናጀሮች ስማቸው የሚነሳ ሲሆን፣ ማናጀሮቹ አትሌቶቹን የሚያማልሉበት መንገድ አበረታች ቅመሞች መሆናቸው ተጠቁሟል፡፡ ከዚህ ጋር ተያይዞም አንዳንድ አትሌቶች ‹‹እከሌ ማናጀር ጥሩ ቅመም አለው፡፡ እከሌ ጥሩ ቅመም የለውም፤›› የሚል አማራጭና ማወዳደሪያ ውስጥ መግባታቸው ተጠቅሷል፡፡ በዚህም ፌዴሬሽኑ ክለቦች፣ ክልሎች እንዲሁም ከተማ አስተዳደሮች በጋራ ሆነው መሥራት ካልቻሉ አትሌቲክሱ የከፋ ችግር ውስጥ ሊወድቅ ይቻላል የሚል ሥጋት ማንዣበቡ ተነስቷል፡፡ በቅርቡ አበረታች ቅመም ተገኝቶባታል የተባለች አትሌት አራት ዓመት ከየትኛውም ውድድር መታገዷ ይታወሳል፡፡

ሆኖም አበረታች ቅመሙን አቅርቦላታል የተባለው ግለሰብ ሦስት ወራት ብቻ ታስሮ መለቀቁ ውዝግብ አስነስቷል፡፡ በዚህም ምክንያት አበረታች ቅመምን ያቀረበ፣ የተጠቀመም ተመሳሳይ ቅጣት ሊበየንበት ይገባል የሚል መከራከሪያ እየቀረበ ነው፡፡

በኢትዮጵያ የፀረ አበረታች ቅመሞች ሕግ መሠረት አንድ አትሌት ተጠቅሞ ከተገኘ በወንጀል ቅጣት እንዲጠየቅ ተቀምጧል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...