Sunday, February 25, 2024
- Advertisement -
- Advertisement -
ዜናየሲቪል ማኅበረሰብ ድርጅቶች በጥናት በተደገፈ የሰላም ግንባታ ሥራ ላይ እንዲሰማሩ ተጠየቀ

የሲቪል ማኅበረሰብ ድርጅቶች በጥናት በተደገፈ የሰላም ግንባታ ሥራ ላይ እንዲሰማሩ ተጠየቀ

ቀን:

በኢትዮጵያ የሚንቀሳቀሱ የሲቪል ማኅበረሰብ ድርጅቶች በጥናት ላይ የተደገፈ ስትራቴጂ በመቅረጽ የሰላም ሥራ ግንባታ ላይ እንዲሳተፉ ጥሪ ቀረበ።

የኢትዮጵያ ሲቪል ማኅበረሰብ ድርጅቶች ምክር ቤት ምሁራን፣ የፖለቲካ ፓርቲዎች፣ የመንግሥት አካላት፣ ዲፕሎማቲክ ማኅበረሰብ አባላትና ሌሎችም በተገኙበት ‹‹የሲቪል ማኅበረሰብ ድርጅቶች በመረጃ ላይ የተደገፈ የሰላም ግንባታ ሥራዎች ላይ በኢትዮጵያ ያላቸውን አስተዋጽኦ ማጠናከር›› በሚል ኅዳር 20 ቀን 2016 ዓ.ም. የውይይት መድረክ አካሂዷል።

በመድረኩ የመነሻ ጽሑፍ ያቀረቡት የኢትዮጵያ ሲቪል ማኅበረሰብ ድርጅቶች ምክር ቤት የሰላም ግንባታ ዘርፍ ተወካይ ቃለወንጌል ምናለ (ዶ/ር) እንደገለጹት በኢትዮጵያ ከ160 በላይ ሲቪል ድርጅቶች በሰላም ዙሪያ የሚሠሩ ቢሆንም ስለሰላም የሚያደርጉት እንቅስቃሴ በተገቢው ሁኔታ በስትራቴጂ የተደገፈ አይደለም። የሚሠሯቸው ሥራዎች የአጭር ጊዜና የተበጣጠሰ በመሆኑ በረዥም ርቀት ሊፈቱ የሚገባቸውና ሥር የሰደዱ ችግሮች በሚዳስስ መልኩ ዕቅድና ዝግጅት እንደሌለው አክለው ገልጸዋል። በኢትዮጵያ ከአራት ሺሕ በላይ የተመዘገቡ የሲቪል ማኅበረሰብ ድርጅቶች አሉ፡፡

- Advertisement -

Video from Enat Bank Youtube Channel.

በመሆኑም የሲቪል ማኅበረሰብ ድርጅቶች የሚያደርጓቸው የሰላም ግንባታ ተግባራት በተራዘመ ሒደት ለውጥ የሚመጣበትን አሠራር በማሰብ ዝግጁነታቸውን ሊያሳዩ እንደሚገባ ቃለወንጌል (ዶ/ር) አሳስበዋል።

የሲቪል ማኅበረሰብ ድርጅቶች በአገልግሎት አቅርቦትና ማስተማር ላይ ያተኮሩ ነገር ግን በጥናት ያልተደገፉ በመሆናቸው ድርጅቶች የሚሠሯቸው ሥራዎች የታለመላቸውን ዓላማ ሊመቱ በሚችሉበት አግባብ ታቅደውና ተቀርፀው ለሚፈለገው አካል መድረስ አለባቸው ብለዋል።

በተመሳሳይ የአዲስ አበባ ዩኒቨርሲቲው ምሁር ገብሬ ይንጢሶ (ፕሮፌሰር) ባቀረቡት ጽሑፍ የሰላም ሥራን ከዕርዳታ ተግባር ጋር የሚያገናኙ የሲቪል ማኅበረሰብ ድርጅቶች መኖራቸውን አቅርበዋል። ይሁን እንጂ ዕርዳታን ችግርን ከመፍታት ጋር አገናኝቶ መሥራት ዕርዳታ የባሰ የግጭት ምንጭ ሊሆን እንደሚችል ተናግረዋል።

አንዳንድ የሲቪል ድርጅቶች ስለተደራጁ ብቻ የሰላም ግንባታን መሥራት የሚችሉ እየመሰላቸው ይገቡበታል፡፡ ነገር ግን ግጭት አፈታት የራሱ የሆነ ጥበብና ዕውቀት የሚፈልግ በመሆኑ ሥራቸውን ዓላማ ተኮር ማድረግ እንደሚጠበቅባቸው አስረድተዋል።

በማኅበረሰቡ ውስጥ የሚገኙ መደበኛና መደበኛ ያልሆኑ የግጭት አፈታት መንገዶችን በመጠቀምና ከሕዝቡ ጋር መተማመን የሚፈጥሩ ተግባራት ላይ በመሳተፍ ከመደራጀትም በላይ የሰላም ግንባታ ሒደትን ማገዝ እንደሚችሉ ተናግረዋል።

የአዲስ አበባ ዩኒቨርሲቲ ፖለቲካል ሳይንስና ዓለም አቀፍ ግንኙነት መምህሩ ዮናስ አሽኔ (ዶ/ር) በሰጡት ገለጻ የሲቪል ማኅበረሰብ ድርጅቶች ከአሁኑ ጊዜ የበለጠ ስለሰላም የሚሠራበት ወቅት የሌለ በመሆኑ ድርጅቶች የሕዝቡን ችግር የሚረዱና ለመፍትሔውም የሚሠሩ መሆን አለባቸው ብለዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...