Monday, February 26, 2024
- ማስታወቂያ -
- ማስታወቂያ -

በኢትዮጵያ ገጠራማ አካባቢዎች መድኃኒት በድሮን የማድረስ ሙከራ በስኬት መጠናቀቁ ተገለጸ

ተዛማጅ ፅሁፎች

በቀላሉ ሊደረሱባቸው በማይችሉ ስድስት ገጠራማ የኢትዮጵያ አካባቢዎች ሲደረግ የቆየው መድኃኒትን በድሮን የማድረስ ሙከራ በስኬት መጠናቀቁን፣ በተመድ የሰብዓዊ መብት ጉዳዮች ማስተባበሪያ ከፍተኛ ጽሕፈት ቤት (ኦቻ) አስታወቀ፡፡

ለአንድ ወር በተደረገው 44 የድሮን በረራዎች ወደ ሰባት ሺሕ የሚጠጉ የክትባት መድኃኒቶች በየብስ ለመድረስ እጅግ አዳጋች በሚባሉ አካባቢዎች እንዲጓጓዙ ተደርጓል፡፡

መድኃኒቶቹ የሳንባ በሽታ፣ የጉበት፣ ቴታነስና በአጠቃላይ ሰባት በሽታዎችን ለማከም የሚረዱ ናቸው፡፡

ድሮኖቹ እስከ 120 ኪሎ ሜትር መብረር የሚችሉ ሲሆን ሦስት ኪሎ ግራም መሸከም ይችላሉ፡፡ ነገር ግን በመብረር ላይ እያሉ ባትሪያቸው ቢያልቅ እንዳይቸገሩ በሚበሩበት መስመር ላይ ባትሪያቸውን መሙላት የሚችሉባቸው የቻርጅ ቦታዎች ተዘጋጅተዋል፡፡

ለ30 ቀናት የቆየው ሙከራ ሬድ ላይትኒንግ (Red Lightning) በተሰኘ ግብረ ሰናይ ድርጅት፣ ስውፕ ኤሮ በተሰኘ የአውስትራሊያ የድሮን ቴክኖሎጂ ድርጅት፣ በዓለም ጤና ድርጅትና በዓለም ባንክ የሚደገፍ ጋቪ የተሰኘ የክትባት የትብብር ተቋምና በኢትዮጵያ የፋርማሲውትካል አቅርቦት አገልግሎት ነው፡፡ እነዚህ ድርጅቶች የክትባት መድኃኒቶችንና ድሮኖቹን በማቅረብ ተባብረዋል፡፡

ይሁን እንጂ ድሮኖቹ ሥራቸውን በሚሠሩበት ሁሉ በኢንፎርሜሽን መረብ ደኅንነት (ኢንሳ) ቁጥጥር ሥር እንደተካሄደ የኦቻ ሪፖርት ያሳያል፡፡

ጋቪና ዩፒኤስ ፋውንዴሽን (UPS Foundation) ለሥራው ከባለፈው ዓመት ጀምሮ የፋይናንስ ድጋፍ ያደረጉ ሲሆን አሁንም በስኬት የተጠናቀቀው ሙከራ ለሚቀጥለው አንድ ዓመት ተስፋፍቶ ወደ ተግባር እንዲቀየር ተጨማሪ አንድ ሚሊዮን ዶላር መድበዋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች