Monday, February 26, 2024
- Advertisement -
- Advertisement -
ዜናየፌዴራል መንግሥትና ሕወሓት የፖለቲካ ውይይት ለማድረግ መስማማታቸው ተገለጸ

የፌዴራል መንግሥትና ሕወሓት የፖለቲካ ውይይት ለማድረግ መስማማታቸው ተገለጸ

ቀን:

የፌዴራል መንግሥትና ሕወሓት ከፕሪቶሪያው የሰላም ስምምነት ጋር በተያያዘ የሚነሱ ችግሮችን ለመፍታት የሚያስችል የፖለቲካ ውይይት  ለማድረግ መስማማታቸውን፣ የአፍረካ ኅብረት የፖለቲካና የሰላም ደህንነት ጉዳዮች ኮሚሽን አስታወቀ።

ሁለቱ ወገኖች ይህንን ስምምነት ያደረጉት በአፍሪካ ኅብረት የተቋቋመው የፕሪቶሪያው የሰላም ስምምነት የአፈጻጸም ክትትል፣ ማረጋገጥና ተገዢነት ሥርዓት (MVCM) የጋራ ኮሚቴ ስብሰባ በተካሄደበት ወቅት መሆኑን መገልጫው አመልክቷል።

የጋራ ኮሚቴው ውይይት ባለፈው ዓርብ ኅዳር 21 ቀን 2016 ዓ.ም. በአዲስ አበባ የተካሄደ ሲሆን፣ በወቅቱም ከፕሪቶሪያው የሰላም ስምምነት ጋር በተያያዘ የሚነሱ ችግሮችን ለመፍታት፣ የፖለቲካ ውይይት መጀመር አስፈላጊ መሆኑን ሁለቱ ወገኖች እንዳረጋገጡና ለዚህም ቁርጠኝነታቸውን እንደገለጹ መግለጫው ጠቁሟል። ከዚህ በተጨማሪም፣ ስትራቴጂክ ጉዳዮች ላይ ሐሳባቸውን የሚገልጹበት የውይይት መድረክ የአፍሪካ ኅብረትን የከፍተኛ ደረጃ ፓነል ባሳተፈ መልኩ ለመጥራት መስማማታቸውን አስታውቋል። ይህንን ውይይትም በተቻለ ፍጥነት ቢበዛ በሁለት ወር ጊዜ ውስጥ ለማካሄድ ተግባብተው መወሰናቸውን መግለጫው አስታውቋል።

- Advertisement -

Video from Enat Bank Youtube Channel.

የጋራ ኮሚቴው የፕሪቶሪያው የሰላም ስምምነት የአፈጻጸም ሒደት፣ ተግዳሮቶችና ዕድሎች ላይ መወያየቱን የጠቆመው መግለጫው፣ ሁለቱም ወገኖች የፕሪቶሪያው የሰላም ስምምነት ሙሉ በሙሉ ተግባራዊ እንዲሆን፣ ትጥቅ የማስፈታትና የቀድሞ ተዋጊዎችን መልሶ የማቋቋም ሥራን እንዲሁም በነበረው ጦርነት ከቀዬአቸው የተፈናቀሉትን የመመለስና መልሶ የማቋቋም ተግባርን ማፋጠን እንደሚያስፈልግ መግባባታቸውንና ለዚህም ቁርጠኝነታቸውን እንዳረጋገጡ መግለጫው አመልክቷል። 

በአፍሪካ ኅብረት የተቋቋመው የፕሪቶሪያው የሰላም ስምምነት የአፈጻጸም ክትትል፣ ማረጋገጥና ተገዢነት ሥርዓት Monitoring Verification and compliance Mechanion (MVCM) የሥራ ዘመንም ለተጨማሪ አንድ ዓመት እስከ ዲሴምበር 2024 እንዲራዘም ምክረሐሳብ መቅረቡን የአፍረካ ኅብረት የፖለቲካና የሰላም ደህንነት ጉዳዮች ኮሚሽን በመግለጫው አስታውቋል።

ከሕወሓትና ከፌዴራል መንግሥት ተወካዮች በተጨማሪ፣ የአፍሪካ ኅብረት ከፍተኛ ደረጃ ፓነል ተወካዮች ማለትም ኦሉሴጉን ኦባሳንጆ የቀድሞ የናይጄሪያ ፕሬዚዳንትና የአፍሪካ ቀንድ ከፍተኛ ተወካይ፣ ኡሁሩ ኬንያታ የቀድሞ የኬንያ ሪፐብሊክ ፕሬዚዳንትና የአፍሪካ ኅብረት ከፍተኛ ደረጃ ፓነል አባል እንዲሁም ፑምዚሌ ንጉካ (ዶ/ር)፣ የቀድሞ የደቡብ አፍሪካ ምክትል ፕሬዚዳንትና የአፍሪካ ህብረት ከፍተኛ ደረጃ ፓነልና አምባሳደር ባንኮሌ አዴዮሌ፣ የአፍሪካ ኅብረት የፖለቲካ ጉዳዮች፣ የሰላምና ፀጥታ ኮሚሽነር ውይይቱን መታደማቸው ታውቋል።

የቀድሞ ተዋጊዎችን መልሶ ለማቋቋም፣ ከአፍሪካ ኅብረት የሰላም ፈንድ አንድ ሚሊዮን ዶላር እንዲለቀቅ ተፈቅዷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...