Sunday, February 25, 2024
- Advertisement -
- Advertisement -
- Advertisement -

ፌርማታ ፅሁፎች

እናም ከዚያ በኋላ ለዘላለም በደስታ ኖሩ

ትኩስ ፅሁፎች

ያለፉት 500 ዓመታት አስገራሚ የሚባሉ ተከታታይ አብዮቶችን አስተናግደዋል፡፡ ምድራችን ወደ አንድ ሥነ ምኅዳራዊና ታሪካዊ መንደር ተቀይራለች፡፡ ኢኮኖሚው በከፍተኛ ደረጃ እየጨመረ ነው፡፡ ዛሬ ላይ ዘረ ሰብ የጥንት ሰዎች በተረቶቻቸው ይመኙት የነበረው ዓይነት ሀብትና ችሎታ አግኝቷል፡፡ ሳይንስና የኢንዱስትሪው አብዮት ለሰብዓዊ ፍጡራን ልዕለ ኃያልነትና ገደብ የለሽ ኃይል ሰጥተዋል፡፡ በዚህም የተነሳ ማኅበራዊ ሥርዓት፣ ፖለቲካ የሰዎች ሥነ ልቦናና የዕለት ተዕለት ኑሮ ፍፁም ሽግግሮሽን አድርጓል። ነገር ግን ደስተኞች ነን? ላለፉት አምስት መቶ ዓመታት የሰው ልጅ ያከማቸው ሀብት ውስጣችንን አርክቶ ዕፎየው አስበሎናል? የማይነጥፍ የኃይል ምንጭ መገኘቱ የማይነጥፍ ሀብት፣ ተድላና ፈንጠዝያ ከፊታችን አስቀምጦልናል? ወደ ኋላ ነጉደን፣ ከዕውቀት ክምችት አብዮት ጀምሮ ለ70 ሺሕ ዓመታት ያሳለፍነው ያልተረጋጋ ዘመን፣ ዓለማችን ለሕይወት የተሻለች ሥፍራ እንድትሆን አስችሏል? ንፋስ በማይነፍስበት የጨረታ ገጽ ላይ የጫማውን ምልክት አኑሮ የመጣው ጠፈረተኛው አርምስትሮንግ፣ ከዛሬ 30 ሺሕ ዓመታት በፊት በሾቬ ዋሻ ግድግዳ ላይ የእጁን መዳፍ ካተመው ስም የለሽ አዳኝና ቃራሚ ሰው የበለጠ ደስተኛ ነው? ካልሆነ የግብርናው፣ የከተማው፣ የሥነ ጽሑፉ፣ የሳንቲሙ፣ የኢምፓየሮች፣ የሳይንስና የኢንዱስትሪው ዕድገት ነጥቡና ፋይዳው ምንድነው?

የታሪክ ምሁራን እንዲህ ያሉትን ጥያቄዎች የሚያነሱት ከስንት አንዴ ነው፡፡ እኚህ ልሂቃን የኡሩክና የባቢሎን ዜጎች ቀድመዋቸው ከነበሩት የአዳኝና ቃራሚ ማኅበረሰቦች የበለጠ ደስተኞች ነበሩ ወይ? የእስልምና መነሳት ግብፃውያንን በሕይወታቸው የበለጠ ደስተኛ አድርጓቸዋል ወይ? ወይም ደግሞ በአፍሪካ የአውሮፓ ኢምፓየር መፈራረስ በሚሊየኖች የሚቆጠሩት አፍሪካውያን ደስታ ላይ ያመጣው ለውጥ አለ ወይ ብለው አይጠይቁም፡፡ ነገር ግን ጥያቄዎቹ አንድ ሰው ከታሪክ ሊጠይቃቸው የሚገቡ አስፈላጊና ወሳኝ ነጥቦች ናቸው፡፡ አብዛኞቹ ርዕዮተ ዓለሞችና የፖለቲካ ፕሮግራሞች፣ የሰው ልጅ እውነተኛ የደስታ ምንጭ ናቸው ብለው የሚያነሷቸው ሐሳቦች መሠረታቸው በእጅጉ ደካማ ነው፡፡ ብሔራዊ ፓርቲዎች ሰዎች ደስተኛ የሚሆኑት ራሳቸውን በራሳቸው ሲያስተዳድሩ ነው ብለው ያምናሉ፡፡ ኮሚኒስቶች ደግሞ ሰዎች በፀጋ የተሞላ ደስተኛ ሕይወት ሊኖሩ የሚችሉት በወዝ አደሩ አምባገነናዊ አመራር ሥር ነው ብለው ይበይናሉ፡፡ ካፒታሊስቶችም በተራቸው ደስተኛ ሕዝብ ሊኖር የሚችለው ነፃ ገበያን ተቀብለን እያደገ በሚሄድ ኢኮኖሚያዊ አቅርቦትን በመጨመር፣ ሰዎች ንቁ ተሳታፊ ሆነው እንዲነግዱና ራሳቸውን እንዲችሉ በማስተማር ብቻ እንደሆነ ከልባቸው ይከራከራሉ።

– ትርጉም በአብዲሳ ቶላ፣ ‹‹ሳፒያንስ የጠቢቡ ሰው አጭር ታሪክ››

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች