Monday, April 15, 2024
- Advertisement -
- Advertisement -
ዜናበጦርነትና በድርቅ ሳቢያ የሰብዓዊ ዕርዳታ ጠባቂዎች ቁጥር ማሻቀቡ ተገለጸ

በጦርነትና በድርቅ ሳቢያ የሰብዓዊ ዕርዳታ ጠባቂዎች ቁጥር ማሻቀቡ ተገለጸ

ቀን:

ከአንድ ዓመት በፊት በሰላም ስምምነት የተገታውን የሰሜን ኢትዮጵያ ጦርነት ጨምሮ፣ በተለያዩ የአገሪቱ ከፍሎች አሁንም በቀጠሉ ግጭቶች፣ ጦርነትና ድርቅ ምክንያት ከቀዬአቸው የሚፈናቀሉና የዕለት ደራሽ የዕርዳታ ምግብ የሚጠብቁ ዜጎች ቁጥር እያሻቀበ መሆኑን፣ የአሜሪካ ዓለም አቀፍ ተራድኦ ድርጅት (ዩኤስኤይዲ) አስታወቀ፡፡

ዩኤስኤይዲ ሰኞ ታኅሳስ 29 ቀን 2016 ዓ.ም. ሰብዓዊ ሁኔታን በተመለከተ ባወጣው ሪፖርት፣ በኢትዮጵያ በጦርነት ምክንያት ብቻ የተፈናቀሉ ዜጎች ቁጥር 3.5 ሚሊዮን መድረሱን፣ ጥገኝነት እየጠየቁ ያሉ የውጭ አገር ስደተኞች ቁጥር አንድ ሚሊዮን መድረሱን፣ 15.4 ሚሊዮን ዜጎች ለምግብ ችግር መጋለጣቸውን፣ 5.6 ሚሊዮን በድርቅ የተጎዱና ዕርዳታ የሚጠብቁ መሆናቸውንና 1.5 ሚሊዮን ዜጎች ወቅዊ ላልሆነ የጎርፍ አደጋ መጋለጣቸውን አመላክቷል፡፡

በተጨማሪም በአማራ ክልል 1,500 የመጠጥ ውኃ ምንጮች በመድረቃቸው፣ አንድ ሚሊዮን ዜጎች ከንፁህ ውኃ አቅርቦት ውጪ መሆናቸውን ድርጅቱ ገልጿል፡፡

- Advertisement -

Video from Enat Bank Youtube Channel.

ከጥቅምት እስከ ታኅሳስ 2016 ዓ.ም. በነበረው ጊዜ ብቻ በዝናብ እጥረት ምክንያት በተፈጠረ ችግር 60 ሰዎች መሞታቸውን፣ 616 ሺሕ ሰዎች መፈናቀላቸውን፣ 1.5 ሚሊዮን ሰዎች በአፋር፣ በትግራይ፣ በኦሮሚያ፣ በአማራ በሶማሌ፣ በደቡብና በደቡብ ምዕራብ ክልሎች ሕይወታቸው አደጋ ላይ መውደቁ በሪፖርቱ ተጠቅሷል፡፡

በድርቅ ምክንያት በአፋር ክልል 883 ሺሕ ዜጎች የአስቸኳይ የምግብ ዕርዳታ እንደሚጠብቁ ያስታወቀው ሪፖርቱ፣ በነሐሴ 2015 ዓ.ም. የጀመረው የኮሌራ ወረርሽኝ በታኅሳስ 2016 ዓ.ም. መጨረሻ 449 ሰዎች መግደሉን፣ 30 ሺሕ ሰዎች በወረርሽኙ ተጠርጥረው መለየታቸውን ጠቅሷል፡፡ በወረርሽኙ ኦሮሚያና ሶማሌ ክልሎች መጠቃታቸው በሪፖርቱ ተካቷል፡፡

የኮሌራ ወረርሽኝ ከታየባቸው ወረዳዎች በአመዛኙ ለመቆጣጠር የተቻለ ቢሆንም፣ በ1,050 ወረዳዎች መስፋፋቱንና እ.ኤ.አ. በ2022 ከነበረው እ.ኤ.አ በ2023 በ155 በመቶ ጭማሪ ማሳየቱን ሪፖርቱ ያስረዳል፡፡

በአማራ፣ በኦሮሚያ፣ በትግራይ፣ በቤኒሻንጉል ጉሙዝ የቀጠለው የፀጥታ ሥጋት ለጤና ተቋማት አስፈላጊ የሆነውን አገልግሎት ማቅረብ እንዳይቻል ማድረጉን ሪፖርቱ አብራርቷል፡፡

በኢልኒኖ ምክንያት የተከሰተው ድርቅ በተያዘው የአውሮፓውያን 2024 ዓ.ም. እንደሚቀጥል የተገለጸ ሲሆን፣ በዚህም የተነሳ በጎርፍና በድርቅ ምክንያት የሚከሰቱ የምግብ አቅርቦት ችግሮች እንደሚቀጥሉ ተነግሯል፡፡

በኢትዮጵያ በአጠቃላይ የአየር ንብረት ለውጥና መቆሚያ ያጣው ግጭት ለምግብ ዋስትና አለመረጋገጥ፣ ለተመሰቃቀለ ማኅበራዊ ሕይወትና ለሰብዓዊ ዕርዳታ ፍላጎት መጨመር ምክንያት መሆናቸው ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...