Sunday, April 14, 2024
- Advertisement -
- Advertisement -
ዜናየአፍሪካ ኅብረት የፕሪቶሪያውን የሰላም ስምምነት አፈጻጸም ለመገምገም ወደ ትግራይ ሊጓዝ ነው

የአፍሪካ ኅብረት የፕሪቶሪያውን የሰላም ስምምነት አፈጻጸም ለመገምገም ወደ ትግራይ ሊጓዝ ነው

ቀን:

የአፍሪካ ኅብረት የሰላምና የፀጥታ ምክር ቤት የፕሪቶሪያ የሰላም ስምምነት አፈጻጸም ለመገምገም፣ ከጥር 18 ቀን 2016 ዓ.ም. ጀምሮ ለሁለት ቀናት በትግራይ ክልል ጉብኝት እንደሚያደርግ ታወቀ።

የኅብረቱ የሰላምና የፀጥታ ምክር ቤት በትግራይ ክልል በሚያካሂደው ጉብኝት ከክልሉ ጊዜያዊ አስተዳደር አመራሮች፣ ከሲቪክ ማኅበራት ተዋንያንና በጦርነቱ ተፈናቅለው በመቀሌ ከተማ ከተጠለሉ ማኅበረሰቦች ጋር እንደሚነጋገር ታውቋል። በተጨማሪም የፕሪቶሪያ የሰላም ስምምነት አፈጻጸምንና ሌሎች ቁልፍ ጉዳዮችን ይገመግማል ተብሎ እንደሚጠበቅ፣ አማኒ አፍሪካ የተባለው የፀጥታ ምክር ቤቱ ተባባሪ ገለልተኛ የምርምር ተቋም ባወጣው መረጃ አስታውቋል።

የኅብረቱ የሰላምና ፀጥታ ምክር ቤት ይህንን ጉብኝት ባለፈው ዓመት የካቲት ወር ለማካሄድ አቅዶ እንደነበር፣ ነገር ግን በትብብር ዕጦት ምክንያት ሳያከናውን መቅረቱን አማኒ አፍሪካ አስታውሷል።

- Advertisement -

Video from Enat Bank Youtube Channel.

ምክር ቤቱ ጥር 22 ቀን 2016 ዓ.ም. አዲስ አበባ በሚገኘው ጽሕፈት ቤቱ በሰሜን ኢትዮጵያ የሰላም ሒደት፣ በተለይም የክትትልና የቁጥጥር ኮሚቴ ወቅታዊ የሥራ ሪፖርት እንደሚያዳምጥም ታውቋል። በተጨማሪም በዚሁ ቀን በሚኖረው ስብሰባው የፀጥታ ምክር ቤቱ ልዑካን በትግራይ ክልል ያደረጉትን ጉብኝት አስመልክቶ የሚያቀርቡትን ሪፖርትም ያዳምጣል ተብሎ ይጠበቃል።

የፕሪቶሪያው የሰላም ስምምነት አፈጻጸምን እንዲከታተል በአፍሪካ ኅብረት የተቋቋመው የቁጥጥርና ክልል የባለሙያዎች ኮሚቴ እስካሁን የሥራ አፈጻጸም ሪፖርት አቅርቦ እንደማያውቅ የገለጸው የአማኒ አፍሪካ መረጃ፣ ጥር 22 ቀን የሚደረገው ስብሰባ ይህንን ጉድለት የሚሞላ ከመሆኑም በተጨማሪ፣ የክትትልና የቁጥጥር ኮሚቴውን የሥራ ዘመን ለማራዘም በቀረበው ምክረ ሐሳብ ላይ ውሳኔ እንደሚተላለፍም ጠቁሟል።

በተያያዘ ዜና አሜሪካ መንግሥት የአፍሪካ ቀንድ ልዩ መልዕክተኛ ማይክ ሐመር (አምባሳደር) በቀጣዩ ሳምንት አዲስ አበባ ተገኝተው የፕሪቶሪያ የሰላም ስምምነት አፈጻጸምን የተመለከተ ውይይት ከአፍሪካ ኅብረት ኮሚሽንና ከኢትዮጵያ መንግሥት አመራሮች ጋር ውይይት እንደሚያደርጉ፣ የአሜሪካ የውጭ ጉዳይ መሥሪያ ቤት ባወጣው መግለጫ አስታውቋል፡፡

የፌዴራል መንግሥትና የትግራይ ክልል አመራሮች ከፕሪቶሪያው የሰላም ስምምነት አፈጻጸም ጋር በተያያዘ ያልተፈቱ ጉዳዮችን በውይይት መፍትሔ ለመስጠት ፖለቲካዊ ግንኙነት ለማድረግ ቁርጠኛ መሆናቸውን የገለጹ ቢሆንም፣ እስካሁን ግን ፖለቲካዊ ውይይት እንዳላደረጉ ይታወቃል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...