Sunday, April 21, 2024
- Advertisement -
- Advertisement -
ዜናሕወሓት በትግራይ ጦርነት ወቅት በፌዴራል መንግሥት ተይዘው ከነበሩት አባላቱ መካከል ሁለቱን አሰናበተ

ሕወሓት በትግራይ ጦርነት ወቅት በፌዴራል መንግሥት ተይዘው ከነበሩት አባላቱ መካከል ሁለቱን አሰናበተ

ቀን:

  • በሕወሓት አባላት ላይ የዓቃቤ ሕግ ምስክር የነበሩት / ኬሪያ ኢብራሂም ከተባረሩት አንዷ ናቸው

የሕዝባዊ ወያኔ ሓርነት ትግራይ (ሕወሓት) በትግራይ ጦርነት ወቅት በፌዴራል መንግሥት የፀጥታ አካላት ቁጥጥር ሥር ውለው ክስ ተመሥርቶባቸው ከነበሩት አባላቱ መካከል፣ ሁለቱን ከፓርቲው አባልነት ማሰናበቱን አስታወቀ።

‹‹የሕወሓት ማዕከላዊ ኮሚቴ በጦርነቱ ወቅት በፌዴራል መንግሥት እጅ የወደቁት የማዕከላዊ ኮሚቴ አባላቱን በተመለከተውና ለረዥም ጊዜ በዘገየው ጉዳይ ላይ ውሳኔ አሳልፏል፤›› ሲል የፓርቲው ማዕከላዊ ኮሚቴ የካቲት 14 ቀን ባወጣው መግለጫ አስታውቋል።

በዚህም መሠረት አዲስዓለም ባሌማ (ዶ/ር) እና አብርሃም ተከስተ (ዶ/ር) የሥራ አስፈጻሚ ኮሚቴ አባል ሆነው እንዲቀጥሉ መወሰኑን፣ ሰለሞን ኪዳኔ (ዶ/ር)፣ አቶ አፅብሃ አረጋዊ፣ ወ/ሮ ኪሮስ ሐጎስና ረዳኢ በርሄ (ዶ/ር) ደግሞ የፓርቲው ማዕከላዊ ኮሚቴ አባል ሆነው እንዲቀጥሉ መወሰኑን ሕወሓት በመግለጫው አመልክቷል።

- Advertisement -

Video from Enat Bank Youtube Channel.

በሌላ በኩል ወ/ሮ ኬሪያ ኢብራሒምና ወ/ሮ ሙሉ ገብረ እግዚአብሔር ከማዕከላዊ ኮሚቴም ሆነ ከሕወሓት አባልነት እንዲሰናበቱ መወሰኑን፣ የፓርቲው ማዕከላዊ ኮሚቴ ባወጣው መግለጫ አስታውቋል።

የሕወሓት ማዕከላዊ ኮሚቴ መግለጫ፣ ወ/ሮ ኬሪያንና ወ/ሮ ሙሉን ከፓርቲው አባልነት እንዲሰናበቱ የወሰነው በቁጥጥር ሥር ውለው በነበረበት ወቅት ሚስጥሮችን አሳልፈው መስጠታቸው ተገምግሞ፣ በፓርቲው መተዳደሪያ ደንብ መሠረት ከማዕከላዊ ኮሚቴና ከሕወሓት አባልነት እንዲሰናበቱ መወሰኑን ገልጿል፡፡

መግለጫው አክሎም፣ ‹‹ወ/ሮ ኬሪያ ኢብራሒምና ወ/ሮ ሙሉ ገብረ እግዚአብሔር በውሳኔው የተሰማቸውን ጥልቅ ሐዘን ገልጸው፣ ሕዝባቸውን በሥራ መስክ ለመካስ እንደሚሠሩ ቃል ገብተዋል፤›› ብሏል።

በትግራይ ክልል ጦርነት ወቅት በፌዴራል መንግሥት ቁጥጥር ሥር ውለው ከነበሩት የሕወሓት ከፍተኛ አመራሮች መካከል አንዷ የሆኑት ወ/ሮ ኬሪያ፣ በቁጥጥር ሥር ውለው ክስ በተመሠረተባቸው ሌሎች የሕወሓት አመራሮች ላይ የዓቃቤ ሕግ ምስክር ለመሆን በመስማማታቸው የእሳቸው ክስ ተቋርጦ በዋስ ተለቀው ነበር። 

የፌዴራል የመጀመሪያ ደረጃ ፍርድ ቤት አራዳ ምድብ ችሎት መጋቢት 2 ቀን 2013 ዓ.ም. ወ/ሮ ኬሪያ በዋስ እንዲለቀቁ መወሰኑ ይታወሳል።

ይሁን እንጂ ወ/ሮ ኬሪያ ክስ በተመሠረተባቸው የሕወሓት አመራሮች ላይ ምስክር ለመሆን ከዓቃቤ ሕግ ጋር በገቡት ስምምነት መሠረት ለምርመራ ቡድኑ የሰጡትን ምስክርነት ለፍርድ ቤት እንዲሰጡ፣ ግንቦት 17 ቀን 2013 ዓ.ም. የፌዴራል መጀመርያ ደረጃ ፍርድ ቤት አራዳ ምድብ 1ኛ ጊዜ ቀጠሮ ችሎት በቀረቡበት ወቅት ምስክር ለመሆን ፈቃደኛ እንዳልሆኑ ለፍርድ ቤቱ መግለጻቸው አይዘነጋም። ይህንንም ተከትሎ ዓቃቤ ሕግ ግለሰቧ የገቡትን ስምምነት በማፍረሳቸው በሕግ አግባብ ያገኙት የምስክርነት ጥበቃ እንዲቋረጥና በተጠረጠሩበት ወንጀል ክስ እንዲመሠረትባቸው አድርጎ ነበር፡፡

በስተመጨረሻም የፌዴራል መንግሥትና ሕወሓት ያደረጉትን የፕሪቶሪያ የሰላም ስምምነት ተከትሎ፣ ሁሉም የሕወሓት ከፍተኛ አመራሮች ክስ ተቋርጦ ከእስር መለቀቃቸው ይታወሳል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ (ክፍል አንድ)

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...