Sunday, April 14, 2024
- Advertisement -
- Advertisement -
ማኅበራዊበመጪዎቹ አሥር ወራት ለሰብዓዊ ድጋፍ ከሦስት ቢሊዮን ዶላር በላይ ያስፈልጋል ተባለ

በመጪዎቹ አሥር ወራት ለሰብዓዊ ድጋፍ ከሦስት ቢሊዮን ዶላር በላይ ያስፈልጋል ተባለ

ቀን:

  • የኮሌራና የኩፍኝ ወረርሽኞች አሥጊ ደረጃ ላይ መድረሳቸው ተሰምቷል

በኢትዮጵያ በሚቀጥሉት አሥር ወራት ውስጥ ሰብዓዊ ዕርዳታ የሚያስፈልጋቸውን ዜጎች ለመድረስ፣ 3.2 ቢሊዮን ዶላር እንደሚያስፈልግ የተባበሩት መንግሥታት ድርጅት (ተመድ) ሪፖርት አመላከተ፡፡

በአሁኑ ጊዜ ሰብዓዊ ዕርዳታ የሚያስፈልጋቸው 21.4 ሚሊዮን ዜጎች መኖራቸውን የተመድ ሰብዓዊ ዕርዳታ ማስተባበሪያ ጽሕፈት ቤት የኢትዮጵያ ሪፖርት ያስረዳል፡፡ ከእነዚህ ውስጥ ወደ 16 ሚሊዮን ገደማ የሚሆኑት የምግብ ዕርዳታ ያስፈልጋቸዋል ተብሏል፡፡

በግጭትና በፀጥታ መደፍረስ፣ በወረርሽኞች መስፋፋት፣ እንዲሁም በአየር ንብረት ለውጥ እየተፈተነች ያለችው ኢትዮጵያ በምጣኔ ሀብት ጉዳትና በኑሮ ውድነት ምክንያት ችግሮች መባባሳቸውን ሪፖርቱ ያትታል፡፡ ከተለያዩ ሥፍራዎች 4.5 ሚሊዮን የአገር ውስጥ ተፈናቃዮች መኖራቸውንም ይገልጻል፡፡

- Advertisement -

Video from Enat Bank Youtube Channel.

በተለይ የኮሌራ፣ የወባና ኩፍኝ ወረርሽኞች መባባስ አገሪቱን እንደሚያሠጋ ተገልጿል፡፡ ዝቅተኛ በሆነ የክትባት አቅርቦት፣ በመጪዎቹ ወራት እየጨመረ በሚመጣው ዝናብ፣ በንፁህ ውኃ አቅርቦትና በመሠረታዊ የጤና አገልግሎት አቅርቦት መጓደል ምክንያቶች ወረርሽኞች ሊባባሱ እንደሚችሉ ሪፖርቱ አመልክቷል፡፡

የወባ ወረርሽኝ በ75 ከመቶ መጨመሩን፣ ኩፍኝ በአምስት እጥፍ መጨመሩንና የኮሌራ ወረርሽም በከፍተኛ ፍጥነት በመስፋፋቱ ሁኔታው አሥጊ ነው ተብሏል፡፡ በኢትዮጵያ እየተከሰተ ያለው የኮሌራ ወረርሽኝ በአገሪቱ ታሪክ ከፍተኛና ለረዥም ጊዜ መቆየቱ ችግሩን አሥጊ እንዳደረገው ተጠቁሟል፡፡

ባልተቋረጡ ግጭቶችና ባልተጀመሩ የመልሶ ግንባታና ማቋቋሚያ ሥራዎች ምክንያት በአስቸጋሪ ሁኔታ ውስጥ የሚኖሩ ዜጎች ቁጥር መጨመሩን፣ የተመድ ማስተባበሪያ ጽሕፈት ቤት ሪፖርት ያሳያል፡፡ በአማራና በኦሮሚያ ክልሎች በግጭቶች ምክንያት ምርት በበቂ ሁኔታ እየተመረተ ባለመሆኑ፣ የምግብ እጥረቱ እንዲባባስ እንዳደረገም ተገልጿል፡፡

ወደ 4.5 ሚሊዮን ከሚጠጉት የአገር ውስጥ ተፈናቃዮች ውስጥ 3.6 ሚሊዮን የሚሆኑት አስቸኳይ የመጠለያና የምግብ ዕርዳታ እንደሚያስፈልጋቸው፣ ዕርዳታው ለሁሉም ፈላጊዎች በወቅቱ ካልቀረበ ሕይወታቸው የሚያልፍ ሰዎች ቁጥር ከፍ ሊል እንደሚችል አስጠንቅቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...