Wednesday, May 29, 2024
- Advertisement -
- Advertisement -

- Advertisement -

ፌርማታ ፅሁፎች

የደመና ትንቢት

ትኩስ ፅሁፎች

ደመና ሲዳምን

‹‹ሊዘንብ ነው መሰል››

(እንዲህ ታስባለህ)

ደመናው ይዘንባል

ወይ ደግሞ ይቀራል

በደመናው መሀል ፀሐይ ትወጣለች

ይህች የወጣች ፀሐይ

ከደመና አርግዛ

ዝናብ ትወልዳለች

ወይ ታስወርዳለች

በመወለድ እና በማስወረድ መሀል

ሰው ይሉት የሰው ቃል

እውነት አርግዞ

እብለትን ይወልዳል

ለምን

በዚህ በአፍ ዘመን

እውነትን መናገር በአህዛብ መሀል

ልጡንም ያስርሳል መቃብር ያስምሳል

ከማስወረድ አልፈህ ተወልደሀልና

አንተ ግን ዝም በል

ደመና ሲዳምን

‹‹ሊዘንብ ነው መሰል››

ይህን አታብሰልስል

በለምን አትቁሰል

ለ‹‹ለምንህ?›› ደግሞ

ለምኑን ልንገርህ

እንዴቱን ላስረዳህ

ደመናን ‹‹ጨለማ››

ፀሐዩንም ‹‹ዝናብ››

ከሚለው አህዛብ

አውቀህ ተለይተህ

እውነትን የምትወልድ

እውነትን አርግዘህ

‹‹ሰው›› የተባለው ሰው

ሰውየው አንተ ነህ!

ሰለሞን ሳህለ ‹‹ያማል›› 2007 ዓ.ም.

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች