Tuesday, May 28, 2024
- Advertisement -
- Advertisement -

ማኅበራዊ‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

ቀን:

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን ለሰዎች አረዳድ ቀላል ማድረግ ነው፤›› በማለት በአማርኛ የተናገረችው፣ ሚያዝያ 2 ቀን 2016 ዓ.ም. በሳይንስ ሙዚየም ለዕይታ የበቃችው ደስታ ሮቦት ናት፡፡

የኢትዮጵያ አርቲፊሻል ኢንተለጀንስ ኢንስቲትዩት በማኅበራዊ ትስስር ገጹ እንደገለጸው፣ ደስታ የሚል መጠሪያ ያላት ሮቦት በኢትዮጵያ አርቲፊሻል ኢንተለጀንስ ኢንስቲትዩት፣ በኢትዮ ቴሌኮም፣ አይኮግላብና ራይድ ቴክኖሎጂስ ትብብር በሳይንስ ሙዚየም ለሕዝብ ዕይታ ቀርባ በርካቶች ተመልክተዋታል፡፡

ዝግጅቱ በሮቦቲክስ ዘርፍ ዓለም የደረሰበትን የዕድገት ደረጃ ከማሳየት ባለፈ ወጣቶች ለዘርፉ ያላቸውን ዝንባሌ ለማነቃቃት ያለመ ነው ብሏል ተቋሙ፡፡

- Advertisement -

በሳይንስ ሙዚየም በነበረው ሁነት የተገኙት የገንዘብ ሚኒስትር ደኤታ ኢዮብ ተካልኝ (ዶ/ር) ባደረጉት ንግግር፣ በኢትዮጵያ በአሁኑ ወቅት ወጣቶች አዳዲስ የፈጠራ ሥራዎቻቸውን እያስተዋወቁ መሆኑን ጠቅሰው፣ ዛሬ የተዋወቀችው ሮቦትም የዘመኑ ቴክኖሎጂና የሰው ሠራሽ አስተውሎት የደረሰበትን ማሳያ መሆኗን አመላክተዋል።

ከኢንስቲትዩቱ የትኩረት አቅጣጫዎች መካከል የሮቦቲክስ ዘርፍ አንዱ መሆኑንና ለዕይታ የቀረበችው ሮቦትም የቴክኖሎጂው መፃኢ ጊዜ አመላካች ስለመሆኗ የተናገሩት ደግሞ በኢንስቲትዩቱ የኮሙኒኬሽን ጉዳዮች ዳይሬክተር አቶ ተስፋዬ ዘውዴ ናቸው፡፡

ሮቦቷ በሳይንስ ሙዚየም በአማርኛ ቋንቋ ንግግር ያደረገች ሲሆን ከታዳሚያን ለቀረቡላት ጥያቄዎችም ምላሽ መስጠቷንም ተቋሙ ገልጿል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...