Tuesday, May 28, 2024
- Advertisment -
- Advertisment -

[ክቡር ሚኒስትር መንግሥት ይፋ ያደረገውን ንቅናቄ አመራሮችና ቤተሰቦቻቸው በግንባር ቀደምትነት እንዲቀላቀሉ መታዘዙን ለባለቤታቸው እያጫወቱ በዚያውም ወደተከፈተው የባንክ ሒሳብ ገንዘብ እንዲያስተላልፉ እያግባቧቸው ነው]

  • በይ እስኪ ሞባይልሽን አውጪና ወደዚህ የባንክ ሒሳብ አንድ ሺሕ ብር አስተላልፊ?
  • ለምን?
  • መንግሥት ያስጀመረውን ንቅናቄ አመራሩ ከነቤተሰቡ ግንባር ቀደም ሆኖ እንዲደግፍ ታዟል።
  • የምን ንቅናቄ ነው መንግሥት ያስጀመረው?
  • ‹‹ፅዱ ጎዳና – ኑሮ በጤና›› የሚል ሕዝባዊ ንቅናቄ ነው ያስጀመረው።
  • ለምን ጉዳይ? 
  • በአዲስ አበባ መፀዳጃ ቤት ለመገንባት።
  • ምን ለመገንባት? 
  • መፀዳጃ ቤት። ምነው፣ አልሰማሽም ነበር?
  • ፈጽሞ አልሰማሁም … ብቻ ይገርማል! 
  • ምኑ ነው የሚገርመው?
  • የእውነት ግን መንግሥት ሽንት ቤት ለመገንባት የገንዘብ ድጋፍ ጠየቀ ነው የምትለኝ?
  • ምነው ስነግርሽ?
  • መንግሥት አፍ አውጥቶ ሽንት ቤት ለመገንባት ድጋፍ ጠየቀ? ለማመን ይከብዳል! 
  • እንዲያውም ዓላማውንም በግልጽ ተናግሯል።
  • ዓለማው ምንድነው አለ?
  • ባህልን ለማዳበር ነው ብሏል።
  • የምን ባህል?
  • ክብርን ጠብቆ የመፀዳዳት።
  • ወይ ጉድ …! 
  • ምነው ይህን ያህል ተገረምሽ? 
  • ሽንት ቤት ለመገንባት ከነዋሪው የገንዘብ ድጋፍ የሚጠይቅ መንግሥት አይቼም፣ ሰምቼም አላውቅ። በዚያ ላይ ደግሞ …
  • በዚያ ላይ ምን?
  • በልቶ ማደር የከበደውን ነዋሪ ለሽንት ቤት አዋጣ ማለት መሳለቅ አይሆንም?
  • ነዋሪውን ብቻ መስሎሽ ነው?
  • እና?
  • ዳያስፖራውም ዶላር እንዲልክ የዶላር አካውንት ተከፍቷል።
  • እኔ ይኼን ለማመን ይከብደኛል?
  • ለምን? 
  • ሽንት ቤት ለመገንባት ዲያስፖራው ድረስ? 
  • ዳያስፖራውስ ቢሆን ለአገሩ አስተዋጽኦ ማድረግ የለበትም?
  • እኔ እንደዚያ ማለቴ አይደለም።
  • እና ምን እያልሽ ነው?
  • መንግሥት ሽንት ቤት ለመገንባት የሚያስችል ገንዘብ ከሌለው ለምን ፕሮጀክት ቀርፆ አይጠይቅም?
  • ምንድነው የሚጠይቀው?
  • ለምን ከዓለም ባንክ ሶፍት ብድር አይጠይቅም?
  • የመንግሥት ዓላማ ሶፍት ማቅረብ አይደለማ።
  • እኔም ለሶፍት ማለቴ አይደለም።
  • እና ምንድነው ያልሽው?
  • ለምን ቀላል ብድር አይጠይቅም ማለቴ ነው።
  • እንደዚያም ታስቦ ነበር።
  • እና …?
  • ለሽንት ቤት ግንበታ ዓለም ባንክን መጠየቅ ለገጽታ ግንባታ ጥሩ አይደለም በሚል ተትቶ ነው።
  • ሕዝቡንም ቢሆን ለሽንት ቤት አዋጣ ማለት ለገጽታ ጥሩ አይመስለኝም። 
  • ታዲያ መንግሥት ምን ማድረግ ነበረበት? ሌላ ምን አማራጭ አለው? 
  • ሌላ አማራጭ ከሌለው ደግሞ ይህንንም እንደ ኮንዶሚኒየሙ ከባንኮች ጋር ማስተሳሰር ነዋ።
  • አስተሳስሮስ?
  • የሽንት ቤት ማስጀመር ነዋ።
  • የሽንት ቤት ምን?
  • 40/60!

በብዛት የተነበቡ ፅሁፎች

- Advertisment -

ትኩስ ፅሁፎች

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...

በአሜሪካ የኢትዮጵያ አምባሳደር ስለሺ በቀለ ያቀረቡት መልቀቂያ ተቀባይነት ማግኘቱ ተሰማ

በአሜሪካ የኢትዮጵያ አምባሳደር ሆነው እያገለገሉ የሚገኙት የቀድሞው የውኃ ሀብት...
spot_img

ተዛማጅ ፅሁፎች

[ክቡር ሚኒስትር በኢትዮጵያ ታምርት ንቅናቄ እንዲሳተፉ ከተለዩ ባለሀብቶች መካከል እንዱ ጋ ስልክ ደውለው በንቅናቄው ላይ እንዲሳተፉ ግብዣቸውን እያቀረቡ ነው]

መቼም ኢትዮጵያ ታምርት በሚል የተጀመረውን አገር አቀፍ ንቅናቄ ሳትሰማ አትቀርም ብዬ ተስፋ አደርጋለሁ። ልክ ነው፣ ሰምቻለሁ ክቡር ሚኒስትር። አሁን ደግሞ ንቅናቄውን ለማጠናከር ኢትዮጵያ ታምርት የሚል የታላቁ...

[ክቡር ሚኒስትሩ የቢሮ ሥራቸውን አጠናቀው ከውጭ አገር የመጣ ወንድማቸውን ለመጠየቅ ያረፈበት ገስት ሀውስ ሲደርሱ ወንድማቸው በቴሌቪዥን የሚተላለፈውን ፕሮግራም በመገረም እየተከታተለ አገኙት]

ውይ መጣህ እንዴ? እስኪ አረፍ በል፡፡ ምንድነው እንዲህ ያስደነቀህ? ተደንቄ ሳይሆን ግራ ግብት ብሎኝ ነው። ምኑ ነው ግራ ያጋባህ? የድልድይ ማስመረቅና የድልድይ ማፍረስ ነገር ነዋ። አልገባኝም? አለቃችሁ ድልድይ ሲያስመርቁ የተናገሩትን...

[ክቡር ሚኒስትሩ ከዘመዶቻቸውና ቤተሰቦቻቸው ጋር ሆነው በዓሉን በመኖሪያ ቤታቸው እያከበሩ ነው። ባለቤታቸውም ለበዓሉ የተዘጋጀውን ዳቦ ባርከው እንዲቆርሱ ለሚኒስትሩ እያቀረቡ ነው]

በል ዳቦውን ባርክና ቁረስልንና በዓሉን እናክብር? ጥሩ ወዲህ አምጪው... አዎ! በል መርቅ... ከዓመት ዓመት ያድርሰን... ኧረ በሥርዓት መርቅ ተው? ከዓመት ዓመት ያድርሰን አልኩኝ እኮ ...አልሰማሽም? ከዓመት ዓመት መድረሱ ብቻ ምን...