Wednesday, June 12, 2024
- Advertisement -
- Advertisement -

- Advertisement -

ፌርማታ ፅሁፎች

ቀረ አሉ!

ትኩስ ፅሁፎች

የሙያና የዕውቀት መግለጫ ሞገሱ መሆኑ ቀረ አሉ፣

ዲግሪ ዲኘሎማው፣  ቆብ መነሳንሱ፣       

 አስኬማና ካባው ሞጣሂት ቀሚሱ፡፡

ጭምብል ሆኗል አሉ፣ 

ምሽግ ሆኗል አሉ       

ቀሚስና ካባው፣ዲግሪ ዲኘሎማው፣

 መቋሚያው መስቀሉ፡፡

ወምበር ያመቻቸ በአጀባ ከበባ

የለበሰ ሁሉ ቀሚስና ካባ

ሊቅ አይደለም አሉ፣ ምሁር ባለሙያ ዕውቀቱ የተባ፡፡ እንዲያ እንደበፊቱ ትውፊትና ሥርዓት

ሙያን አልወከሉም አይገልጹም አልባሳት፡፡

በስም የተዋቡ ሐኪሙን ዳኛውን፣ ቄሱን መሐንዲሱን

መፈተሽ ግድ ይላል፣ገላልጦ ካባውን፣ ገላልጦ ቀሚሱን፡፡

በሕክምና ቤት በነፍስ ባካል ጉዳይ

ካባ ያጠለቀ ቀዶ እየሰፋ ነው ጆሮ ጠቢው ሰላይ፡፡

በሕግ አውደ ችሎት በፍትሕ አዳራሽ

ካባ ያጠለቀ ይዳኛል ሕግ አፍራሽ፡፡

በፍትሕ ዓውድ ላይ ሥልጣኑን ጨብጦ

በሕግ ወንበር ላይ ከፍ ያለው ተቀምጦ

ሙሰኛው ምንደኛው ቂም  በቀል ቀራፊው  

በሥልት እያደባተጨምብሎ  ታይቷል በቀሚስ በካባ፡፡

በቤተ ክርስቲያን መንፈሳዊ መንበር

ካባ ያጠለቀ የደኅንነት ቃፊር ይመራል ወታደር፡፡

እንዲህ ስለሆነ የሕይወት ገመና ትላንትናም ዛሬ

ማን ምን ለመሆኑ ለማወቅ እርግጡን ያለ ጥርጣሬ

መረዳት ይገባል ፈትሾ መርምሮ የተግባሩን ፍሬ፡፡

የለበሰ ሁሉ ቀሚስና ካባ 

ሊቅ አይደለም አሉ ምሁር ባለሙያ እውቀቱ የተባ፡፡

–  በፀሐይ መላኩ

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች