Friday, May 17, 2024
- Advertisement -
- Advertisement -

ኪንና ባህልለሩሲያ የድል ቀን የተዘጋጀው የፎቶ ዓውደ ርዕይ

ለሩሲያ የድል ቀን የተዘጋጀው የፎቶ ዓውደ ርዕይ

ቀን:

‹‹ለኢትዮጵያውያን ወዳጆቻችን የሩሲያ ብቻ ሳይሆን የሰው ልጅ ሁሉ ታሪክ አስፈላጊ የሆነውን በፋሺዝም ላይ የተገኘውን ድል፣ ለዚህ ድል የሶቪየት ሕዝብ የከፈለው ዋጋ በፎቶግራፍ ምስክሮች ማሳየት እንፈልጋለን፡፡››

ለሩሲያ የድል ቀን የተዘጋጀው የፎቶ ዓውደ ርዕይ | Ethiopian Reporter | ሪፖርተር

ይህን ኃይለ ቃል  በአዲስ አበባ የሚገኘው የሩሲያ ሳይንስና ባህል ያስተጋባው፣ ሩሲያ በ2ኛው የዓለም ጦርነት በፋሺዝምና በናዚ ላይ ድል የተቀዳጀችበት 79ኛ ዓመትን አስመልክቶ ባዘጋጀው የፎቶ ዓውደ ርዕይ ላይ ነው፡፡

- Advertisement -

‹‹እነዚህ ክስተቶች ለኢትዮጵያ እንግዳ አይደሉም – ሁለተኛው የዓለም ጦርነት በሴፕቴምበር 1 ቀን 1939 የጀመረ ሳይሆን፣ ከዚያ በፊት በፋሺስት ጣሊያን ጥቅምት 3 ቀን 1935 በኢትዮጵያ ላይ ባደረገችው ጥቃት የጀመረው የሚል እምነት አለ፤›› በማለት 2ኛው የዓለም ጦርነት በኢትዮጵያ ለመጀመሩ ታሪካውያን አስረግጠው የሚናገሩትን ማዕከሉ አፅንዖት ሰጥቶ አስተጋብቶታል።

የዓውደ ርዕዩ ታሪካዊ ዳራ

በሩሲያ ሳይንስና የባህል ማዕከል በግንቦት መባቻ ታስቦ የዋለው ሩሲያ ከ27  ሚሊዮን በላይ ዜጎቿን  ያጣችበትን ናዚ ጀርመንን ያሸነፈችበትን  የድል ቀን  ነው፡፡

ለሩሲያ የድል ቀን የተዘጋጀው የፎቶ ዓውደ ርዕይ | Ethiopian Reporter | ሪፖርተር

በ2ኛው የዓለም ጦርነት ሒደት የቀድሞዋ ሶቪየት ኅብረት ባልጠበቀችውና ባልገመተችው ሁኔታ በናዚ ጀርመን የተወረረችው የዛሬ 79 ዓመት ነበር፡፡

ሶቪየት ኅብረት ከፈረሰች ከስምንት ዓመት በኋላ ወደ ሥልጣን የመጡት ፕሬዚዳንት ቭላድሚር ፑቲን በቀዩ አደባባይ በተካሄደው በወታደራዊ ትርዒት በታጀበው በዓል ተገኝተዋል፡፡

በሁለተኛው የዓለም ጦርነት የናዚ ጀርመንና የፋሺስት ጣሊያን ኃይልን ለማሸነፍ ከተባበሯት አገሮች ጋር ግንኙነቷ ይበልጥ በሻከረበት ወቅት የሚከበረው የድል በዓል ለሩሲያውያን ትልቅ ሥፍራ አለውም ተብሏል።

‹‹አባት አገራቸውን ለመጠበቅ መስዋዕትነት ለከፈሉት ሁሉ ትልቅ ክብር አለኝ›› ለሚሉት ለፕሬዚዳንት ቭላድሚር ፑቲንም የበዓሉ ትርጉም ከፍ ያለ ነው። አባታቸው በሁለተኛው የዓለም ጦርነት የናዚ ጀርመን ኃይልን መዋጋታቸውንና ጦርነቱ ያስከተለውን ጠባሳ ደጋግመው የሚያነሱት ፑቲን፣ ምዕራባውያን ሶቪየት ኅብረት የሂትለርን ጦር በማሸነፉ ረገድ የነበራትን ድርሻ ዘንግተዋል ሲሉ ይወቅሳሉ።

ለሩሲያ የድል ቀን የተዘጋጀው የፎቶ ዓውደ ርዕይ | Ethiopian Reporter | ሪፖርተር
በዓውደ ርዕዩ ለዕይታ የበቁ

የ71 ዓመቱ ፑቲን ለአምስተኛ የሥልጣን ዘመን ቃለመሐላ ሲፈጽሙም፣ የዩክሬኑ ጦርነት የሁለተኛው የዓለም ጦርነት የሶቪየት ኅብረትን ብርታት ካለመረዳት የመነጨ ነው ብለዋል።

የአሜሪካ መራሹ የሰሜን አትላንቲክ የጦር ቃልኪዳን ድርጅት (ኔቶ) መስፋፋትንም ከናዚ ጀርመን ፍላጎት ጋር እንደሚያመሳስሉት አሶሼትድ ፕረስ ዘግቧል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ