Thursday, June 13, 2024
- Advertisement -
- Advertisement -

ማኅበራዊኢትዮጵያውያን ለፍጻሜ የደረሱበት ስምንተኛው የሁዋዌ ዓለም አቀፍ የአይሲቲ ውድድር

ኢትዮጵያውያን ለፍጻሜ የደረሱበት ስምንተኛው የሁዋዌ ዓለም አቀፍ የአይሲቲ ውድድር

ቀን:

ከመላው ዓለም የተውጣጡ ተማሪዎች በሚሳተፉበትና ሁዋዌ በየዓመቱ በሚያካሂደው ዓለም አቀፍ የሁዋዌ አይሲቲ ውድድር፣ ሦስት ኢትዮጵያውያን ተማሪዎች እየተሳተፉ ይገኛሉ፡፡

ሁዋዌ ከትምህርት ሚኒስቴር ጋር በመተባበር አገር አቀፍ ውድድር ሲያካሂድ የቆየ ሲሆን፣ በአገር አቀፍ የፍጻሜ ውድድሩ አሸናፊ የሆኑ ዘጠኝ ተማሪዎች፣ ለክፍለ አኅጉራዊ ውድድር ኢትዮጵያን ወክለው ከየካቲት 26 እስከ 29 ቀን 2016 ዓ.ም. በቱኒዚያ በተዘጋጀው መድረክ መሳተፋቸው ይታወሳል፡፡

በወቅቱ ዘጠኝ ተማሪዎችን በሦስት ቡድኖች የያዘው የኢትዮጵያ ቡድን በ‹‹ኮምፒውቲንግ ትራክ›› ከማሊ፣ ከካሜሩን፣ ከሴኔጋል፣ ከአልጄሪያ፣ ከቱኒዚያ፣ ከሊቢያ፣ ከግብፅና ከሞሮኮ ከተውጣጡና በተለያየ ዘርፍ ከተወዳደሩ 90 ተማሪዎች መካከል ተወዳድሮ፣ በአንድ ቡድን ሦስተኛ ደረጃን አግኝቶ ነበር፡፡

- Advertisement -

ከግንቦት 14 እስከ 18 ቀን 2016 ዓ.ም. በቻይና ሼንዘን ከተማ እየተካሄደ ባለው በስምንተኛው የፍጻሜ ውድድርም፣ በቱኒዝያ ሦስተኛ ደረጃ ይዘው ያጠናቀቁት ሦስት ተማሪዎችን የያዘው ቡድን እየተሳተፈ ይገኛል፡፡

ዓምና በተመሳሳይ ከግንቦት 16 እስከ 20 ቀን 2015 ዓ.ም. በቻይና ሼንዘን ከተማ በተካሄደው ሰባተኛው የሁዋዌ ዓለም አቀፍ የአይሲቲ ፍጻሜ ውድድር፣ ዘጠኝ ኢትዮጵያውያን ተማሪዎች ሦስተኛ ደረጃን ይዘው ማጠናቀቃቸው ይታወሳል።

በዓለም አቀፍ ደረጃ በሁዋዌ አይሲቲ አካዴሚዎችና በከፍተኛ የትምህርት ተቋማት ውስጥ፣ የአይሲቲ አካዴሚውን መቀላቀል ለሚፈልጉና ለተቀላቀሉ ተማሪዎች የሚዘጋጀው የሁዋዌ አይሲቲ ዓለም አቀፍ ውድድር፣ እ.ኤ.አ. በ2015 የተጀመረ ነው፡፡ በኢትዮጵያ ደግሞ እ.ኤ.አ. ከ2019 ጀምሮ በየዓመቱ እየተካሄደ ይገኛል።

እንደ የሁዋዌ ኢትዮጵያ ሕዝብ ግንኙነት ክፍል  መረጃ፣  ውድድሩ፣ ለዓለም አቀፍ ዩኒቨርሲቲ ተማሪዎች የሚዘጋጅ ሲሆን፣ የአይሲቲ ታለንት ሥነ ምኅዳርን፣ ጤናማ ዕድገትን የሚያበረታታና የኢንዱስትሪና ትምህርት ውህደትን የሚደግፍ ነው፡፡

ዛሬ እሑድ ሚያዝያ 18 ቀን 2016 ዓ.ም. ፍጻሜውን በሚያገኘው ስምንተኛው የ2024 የሁዋዌ የአይሲቲ ውድድር፣ ከ500 ዩኒቨርሲቲዎች የተውጣጡ ከ20 ሺሕ በላይ ተማሪዎች ተሳትፈውበታል፡፡

spot_img
Previous article
Next article
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...