Saturday, June 15, 2024

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

  • የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ?
  • እንኳን ምላሻቸውን ቅሬታውንም አልሰማሁም።
  • እንዴት?
  • አልሰማሁማ? የምን ቅሬታ ቀርቦባቸው ነው?
  • ሰሞኑን ወደ አሜሪካ ለመጓዝ ውድና ቅንጡ አውሮፕላን ተከራይተዋል የሚል ቅሬታ ነው የቀረበባቸው።
  • እንዴት እንዲህ ዓይነት ቅሬታ ይቀርብባቸዋል?
  • ለምን አይቀርብም?
  • የአገር መሪ አይደሉም እንዴ?
  • የሆኑስ እንደው?
  • ሥልጣናቸውን ሚመጥን አውሮፕላን መከራየት ይኖርባቸዋላ?
  • እሳቸው ግን እንደዚያ አላሉም፡፡
  • እና ምን አሉ?
  • ውድ ወገኖቼ፣ የኬንያን ሕዝብ ሀብት የመጠበቅና በአቅማችን እንድንኖር የማድረግ ኃላፊነት አለብኝ። ይህንንም እንደ መሪ ለመተግበር ቁርጠኛ ነኝ ነው ያሉት፡፡
  • ምላሽ ሰጡ ያልሽው ይሄንን ነው?
  • ይሄ ብቻ አይደለም።
  • ሌላ ምን አሉ?
  • ወደ አሜሪካ የተጓዝኩት ውድና ቅንጡ አውሮፕላን ተከራይቼ መስሏችሁ የተሰማችሁን ቅሬታ አስተውያለሁ። ነገር ግን አሉ…
  • እሺ…. ነገር ግን ብለው ምን አሉ?
  • ለዚህ ጉዞ ያወጡት አጠቃላይ ወጪ…
  • እ… የኬንያን ገጽታ ለመገንባት የዋለ ነው አሉ?
  • ኧረ የምን ገጽታ ግንባታ… ምን በወጣቸው?
  • እንዴት? እና ምንድነው ያሉት?
  • ለጉዞው ያወጡት አጠቃላይ ወጪ በኬንያ አየር መንገድ ቢጓዙ ከሚያወጡት ወጪ ያነሰ መሆኑን ነው የተናገሩት።
  • ምንድነው ታዲያ አንቺን እንዲህ ያስደነቀሽ?
  • ሁለት ነገሮች።
  • እሺ አንደኛው ምንድነው?
  • አንደኛው ለሕዝብ ቅሬታ ዋጋ ሰጥተው ምላሽ መስጠታቸው ነው።
  • እሺ ሁለተኛውስ?
  • ሁለተኛውማ ይህ ጥያቄ የተነሳው እዚህ አገር ቢሆን የሚለው ነው ያስደነቀኝ።
  • እዚህ ቢሆን ምኑ ያስደንቃል?
  • ምን ብላችሁ ምላሽ እንደምትሰጡ አስቤ ነዋ?
  • ምን ምላሽ ልንሰጥ እንችላን?
  • በእርግጠኝነት ሁለት ምላሾችን ትሰጣላችሁ።
  • ምን ብለን?
  • በመጀመርያ የምትሉት ምን መሰለህ?
  • እ…?
  • ያልሰጣችሁኝን በጀት አትጠይቁኝ፡፡
  • ወይ አንቺ… እሺ ሁለተኛውስ?
  • ሁለተኛው?
  • እ…?
  • ወጪውን የሸፈኑት የሌላ አገር ፕሬዚዳንቶች ናቸው። ከፈለጋችሁ…
  • ከፈለጋችሁ ምን?
  • ከፈለጋችሁ ሂዱና ጠይቁ ትላላችሁ።
  • ማንን?
  • ፕሬዚዳንቶቹን!

[ክቡር ሚኒስትሩ አሁን አምባሳደርነት የሚያገለግሉትን የቀድሞ ሚኒስትር ወዳጃቸውን ይዘው የጎርጎራ ፕሮጀክትን አስጎብኝተው እየተመለሱ ነው]

  • ጉብኝቱ እንዴት ነበር አምባሳደር?
  • አምባሳደር ብለህ ባትጠራኝ ደስ ይለኛል?
  • ለምን?
  • በስሜ እንድትጠራኝ ነው የምፈልገው።
  • እንደዛማ ትክክል አይሆንም?
  • ምን ችግር አለው?
  • አገርዎትን በአምባሳደርነት ሲያገለግሉ ቆይተው?
  • ቢሆንም በስሜ እንድትጠራኝ ነው የምፈልገው ካልሆነ ግን…
  • እ… ካልሆነ ምን?
  • ካልሆነ እኔም አንተን ክቡር ሚኒስትር ብዬ አልጠራህም፡፡
  • ታዲያ ምን ብለው ሊጠሩኝ ነው?
  • የወደፊት አምባሳደር፡፡
  • ኪኪኪኪ… ተጫዋች እኮ ነህ። ግን እንዴት ነበር?
  • ምኑ?
  • ለአምባሳደሮች የተዘጋጀው ጉብኝት?
  • እኔ ለምን እንዳስጎበኙንም አልገባኝም።
  • እንዴት?
  • ብዙዎቻችን ሚኒስትር እያለን የምናውቃቸውን ፕሮጀክቶች ነው የጎበኘነው።
  • ቢሆንም ፕሮጀክቶቹ አሁን የደረሱበትን ደረጃ መመልከቱ ችግር ያለው አልመሰለኝም። አለው እንዴ?
  • አብዛኞቻችን ፕሮጀክቶቹን እናውቃቸዋለን። በዚያ ላይ ደግሞ እኔ ብዙም አይገባኝም።
  • ምኑ?
  • የፕሮጀክቶቹ ፋይዳ፡፡
  • እንዴት እንደዛ ይላሉ አምባሳደር?
  • ወደፊት ፋይዳ ይኖራቸው ይሆናል ነገር ግን አሁን ላይ ካለው የአገሪቱ ሕዝብ ፍላጎት አንፃር የረባ ፋይዳ ይኖራቸዋል ብዬ አላምንም።
  • እንዴት?
  • በአጭሩ ልግለጽልህ?
  • እሺ…
  • የፓርኮቹ ግንባታና በአንድ ወቅት በመላ አገሪቱ የተገነቡ የእግር ኳስ ስታዲየሞችን ያስታውሰኛል።
  • እንዴት?
  • በቃ ለእኔ ይመሳሰሉብኛል።
  • ሁለቱን ደግሞ ምን ያመሳስላቸዋል?
  • ሁለቱም ከሚፈለጉበት ጊዜ ቀድመው መገንባታቸው።
  • አልገባኝም?
  • የእግር ኳስ ስታዲየሞች በሁሉም ክልሎች ቢገነቡም አገልግሎታቸው ግን ሌላ ሆኗል።
  • ምን ሆኗል?
  • የብሔር ብሔረሰቦች ቀን ማክበሪያ፡፡
  • ፓርኮቹ ግን የብሔር ብሔረሰቦች ቀን ማክበሪያ አይሆኑም።
  • ብሔር ብሔረሰቦችማ ቀናቸውን ማክበሪያ ቦታ አግኝተዋል።
  • ፓርኮቹ ግን የቱሪስቶች መዳረሻ ይሆናሉ።
  • መቼ?
  • አገሪቱ ስትረጋጋ።
  • ለዛ እኮ ነው ፕሮጀክቶቹ ለዚህ ትውልድ አይጠቅሙም የምልህ።
  • እና ለዚህ ትውልድ የሚጠቅሙት ፕሮጀክቶች ምንድናቸው?
  • ፓርኮቹን አቆይቶ ፕሮጀክቶቹን መጨረስ።
  • የትኞቹን?
  • የመስኖ ፕሮጀክቶቹን!

በብዛት የተነበቡ ፅሁፎች

- Advertisment -

ትኩስ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...

የ‹‹ክብር ዶክትሬት›› ዲግሪ ጉዳይ

በንጉሥ ወዳጅነው ‹‹የክብር ዶክትሬት ዲግሪ ግልጽ የሆነ መመርያ እስኪወጣ ድረስ...
spot_img

ተዛማጅ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...

[ክቡር ሚኒስትር በኢትዮጵያ ታምርት ንቅናቄ እንዲሳተፉ ከተለዩ ባለሀብቶች መካከል እንዱ ጋ ስልክ ደውለው በንቅናቄው ላይ እንዲሳተፉ ግብዣቸውን እያቀረቡ ነው]

መቼም ኢትዮጵያ ታምርት በሚል የተጀመረውን አገር አቀፍ ንቅናቄ ሳትሰማ አትቀርም ብዬ ተስፋ አደርጋለሁ። ልክ ነው፣ ሰምቻለሁ ክቡር ሚኒስትር። አሁን ደግሞ ንቅናቄውን ለማጠናከር ኢትዮጵያ ታምርት የሚል የታላቁ...