Saturday, July 13, 2024
- Advertisement -
- Advertisement -
ዜናፓርላማው ለአስቸኳይ ስብሰባ ተጠራ

ፓርላማው ለአስቸኳይ ስብሰባ ተጠራ

ቀን:

ሰኔ 30 ቀን 2009 ዓ.ም. የዓመቱን የሥራ ዘመን አጠናቆ ለዕረፍት የተበተነው የሕዝብ ተወካዮች ምክር ቤት ለአስቸኳይ ስብሰባ ተጠራ፡፡

የምክር ቤቱ ጽሕፈት ቤት ለሪፖርተር እንደገለጸው፣ የምክር ቤቱ አባላት ለአስቸኳይ ስብሰባ ተጠርተዋል፡፡ አስቸኳይ ስብሰባውም ዓርብ ሐምሌ 28 ቀን 2009 ዓ.ም. ከጠዋት ጀምሮ እንደሚካሄድ ተገልጿል፡፡

ይሁን እንጂ አስቸኳይ ስብሰባው የተጠራበትን ምክንያትና የውይይት አጀንዳዎች፣ የምክር ቤቱ የሕዝብ ግንኙነት ዳይሬክቶሬት ዳይሬክተር ወ/ሮ አፀዱ ረጋሳ እንደማያውቁ ለሪፖርተር ገልጸዋል፡፡

ስማቸውን መግለጽ ያልፈለጉ የሪፖርተር ምንጮች እንደሚሉት ከሆነ ግን፣ ፓርላማው የአስቸኳይ ጊዜ አዋጁ እንዲነሳ ወይም እንዲራዘም ለመወሰን ነው የሚሰበሰበው፡፡ በአስቸኳይ ጊዜ አዋጁ ላይ ከሚደረገው ውይይትና ውሳኔ በተጨማሪ ሌሎች አጀንዳዎች እንደሚኖሩም ይጠበቃል፡፡

በምክር ቤቱ የአሠራርና የአባላት ሥነ ምግባር ደንብ መሠረት ምክር ቤቱ በየዓመቱ በየካቲት ወርና ከሐምሌ 1 ቀን እስከ መስከረም ወር የመጨረሻ ሳምንት ሰኞ ድረስ በዕረፍት ላይ ይሆናል፡፡

ነገር ግን ምክር ቤቱ በዕረፍት ላይ እያለ የምክር ቤቱን ውሳኔ የሚሹ አስቸኳይ ጉዳዮች ሲያጋጥሙ፣ አስቸኳይ ስብሰባ ሊጠራ እንደሚችል በደንቡ ተደንግጓል፡፡ እንደዚህ ዓይነት አስቸኳይ ስብሰባ ምክር ቤቱ በዕረፍት ላይ እያለ ሊጠራ የሚችለው፣ ከአቅም በላይ የሆነ አሳማኝ ምክንያት ሲፈጠር እንደሆነ ይደነግጋል፡፡

አገሪቱን ለስድስት ወራት በአስቸኳይ ጊዜ ውስጥ የከተታት አዋጅ ለተጨማሪ አራት ወራት በፓርላማው መራዘሙ ይታወሳል፡፡ በሚቀጥለው ሳምንት ነሐሴ 3 ቀን 2009 ዓ.ም. ያበቃል፡፡ በመሆኑም ይህ አዋጅ ለተጨማሪ ጊዜ መራዘም ወይም መነሳት ይኖርበታል፡፡

ፓርላማው በአስቸኳይ እንዲሰበሰብ ያደረገው ዋነኛው ምክንያትም ይኸው መሆኑን ምንጮች ገልጸዋል፡፡ በሥነ ሥርዓትና በአባላት ሥነ ምግባር ደንቡ መሠረት አስቸኳይ ስብሰባ ከተጠራ፣ በማንኛውም የሳምንቱ ቀናትና ሰዓታት ሊካሄድ ይችላል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የሰብዓዊ መብት ጉዳይና የመንግሥት አቋም

ሰኔ ወር አጋማሽ የተባበሩት መንግሥታት ድርጅት (ተመድ) ከፍተኛ የሰብዓዊ...

ከሰሜኑ ጦርነት አገግሞ በሁለት እግሩ ለመቆምና ወደ ባንክነት ለመሸጋገር የተለመው ደደቢት ማክሮ ፋይናንስ

በኢትዮጵያ የፋይናንስ ኢንዱስትሪ ውስጥ በቀዳሚነት ስማቸው ከሚጠቀሱት ውስጥ ደደቢት...