Wednesday, February 8, 2023
- Advertisement -
- Advertisement -
ማኅበራዊቤቶች ኮርፖሬሽን የግል መኖሪያ ቤት ያላቸውን ከመንግሥት ቤቶች እያስለቀቀ ባለመሆኑ ተወቀሰ

ቤቶች ኮርፖሬሽን የግል መኖሪያ ቤት ያላቸውን ከመንግሥት ቤቶች እያስለቀቀ ባለመሆኑ ተወቀሰ

ቀን:

የፌዴራል ቤቶች ኮርፖሬሽን መኖሪያ ቤት እያላቸው በመንግሥት የኪራይ ቤቶች የሚኖሩትን ተከታትሎ እያስለቀቀ ባለመሆኑ ተወቀሰ፡፡

ወቀሳውን ያቀረበው የሕዝብ ዕንባ ጠባቂ ተቋም ሲሆን፣ ከዚህ ቀደምም ኮርፖሬሽኑ ተመሳሳይ ትችት በፌዴራል ዋና ኦዲተር ቀርቦበታል፡፡

የሕዝብ ዕንባ ጠባቂ ተቋም ማክሰኞ ሰኔ 27 ቀን 2009 ዓ.ም. ለፓርላማ ባቀረበው ሪፖርት፣ የኮርፖሬሽኑ ቤቶች አንዳንድ ተከራዮች የግል ቤት ሠርተው በመንግሥት ቤት እየኖሩ ቢሆንም ተቋሙ ተከታትሎ እያስለቀቀ አለመሆኑን በመጥቀስ ወቀሳ አቅርቧል፡፡

የመኖሪያ ቤት ችግር ያለባቸው ዜጎች በከፍተኛ ቁጥር እየጨመረ መሆኑን ኮርፖሬሽኑ ቢገነዘብም፣ የግል ቤት እያላቸው በመንግሥት ቤት የሚኖሩ ተከራዮችን በማስለቀቅ የተቸገሩ ዕድሉን እንዲያገኙ አለማመቻቸቱን፣ ዋና የሕዝብ ዕንባ ጠባቂዋ ወ/ሮ ፎዝያ አህመድ ገልጸዋል፡፡

ከዚህ በተጨማሪ የቤት ኪራይ ተመን መመርያ ወጥቶ ተግባራዊ እየተደረገ ቢሆንም፣ መመርያው በጥናት ላይ ተመሥርቶ መቼና እንዴት ተመንና ኪራይ እንደሚወጣና እንደሚጨምር በዝርዝር የሚያመለክት ነገር አለመኖሩንም ገልጸዋል፡፡

ተመሳሳይ ወቀሳ ከዓመት በፊት በፌዴራል ዋና ኦዲተር ቢቀርብበትም ችግሮቹ እንዳልተፈቱ የሕዝብ ዕንባ ጠባቂ ተቋም ሪፖርት ያሳያል፡፡ ይህንንና መሰል ችግሮችን ለመፍታትና ተጨማሪ ቤቶችን በመገንባት ለመንግሥት እንዲያቀርብ የመንግሥት ቤቶች ኤጀንሲ ተቋም በቅርቡ በአዋጅ እንዲፈርስ ተደርጎ፣ ሀብትና ንብረቱ እንደ አዲስ ለተቋቋመው የፌዴራል ቤቶች ኮርፖሬሽን መተላለፉን መዘገባችን ይታወሳል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...