Tuesday, December 6, 2022
ሌሎች ዓምዶች
    - ማስታወቂያ -
    - ማስታወቂያ -

    አሥራ አራት የግል ትምህርት ቤቶች በፀረ ንግድ ውድድር ድርጊት ተከሰሱ

    - ማስታወቂያ -

    ተዛማጅ ፅሁፎች

    በዳዊት እንደሻው

    በአዲስ አበባ ከተማ ውስጥ የሚገኙ 14 የግል ትምህርት ቤቶች ፀረ ንግድ ውድድር ድርጊት ፈጽመዋል ተብለው ተከሰው ችሎት ቀረቡ፡፡

    ክሱን የመሠረተው የፌዴራል ዓቃቢ ሕግ ሲሆን፣ ክሱም ለንግድ ውድድርና የሸማቾች ጥበቃ ባለሥልጣን የዳኝነት አስተዳደራዊ ችሎት ቀርቧል፡፡

    በዚህም መሠረትና ዲቦራ ትምህርት ቤት በሚል የክስ መዝገብ ሥር ዲቦራ ትምህርት ቤትን ጨምሮ ሳፋሪ፣ ብሪትሽ አካዳሚ፣ ኤደን፣ ሄሎን አካዳሚ፣ ኢትዮ ሀርቫርድ፣ ሆህተ ጥበብ፣ ቪዥን አካዳሚ፣ ሱፐር ኢንተርናሽናል፣ ዛጎል አካዳሚ፣ ፊዩቸር ታለንት፣ ጊብሰን አካዳሚ፣ ግሎሪ፣ እንዲሁም ቅድስተ ማርያም ትምህርት ቤቶች በክሱ መዝገብ ውስጥ ይገኙበታል፡፡

    እነዚህ ትምህርት ቤቶች በመመርያ ከተፈቀደው ተማሪዎችን የመመዝገቢያ ወቅት፣ ማለትም ከሐምሌ 1 እስከ ነሐሴ 30 መደረግ አለበት የሚለውን መመርያ ጥሰዋል ተብለው ተከሰዋል፡፡

    ትምህርት ቤቶቹ ውስጥ ለውስጥ በመነጋገርና ስምምነት በማድረግ ተማሪዎቹ መመዝገብ ካለባቸው ወቅት ቀድመው በመመዝገብ፣ ፍትሐዊ የንግድ ውድድርን ጎድተዋል ሲል ክሱ ያስረዳል፡፡ ትምህርት ቤቶቹ ተማሪዎቻቸው የትምህርት ዘመኑን ሳይጨርሱ፣ እንዲሁም ወደ ቀጣዩ የክፍል ደረጃ ማለፋቸውን ሳያውቁ ተማሪዎችን በመመዝገባቸው ተከሰዋል፡፡

    ዓቃቢ ሕግ ክሱን ያስረዱልኛል ያላቸውን የሰው ምስክሮችና ትምህርት ቤቶቹ ተማሪዎችን ሲመዘግቡ የቆረጧቸው ደረሰኞች አቅርቧል፡፡

    በሌላ በኩል ክሱ ከተመሠረተባቸው ትምህርት ቤቶች ውስጥ 12 የሚሆኑት የመጀመርያ መቃወሚያ ያቀረቡ ሲሆን፣ ችሎቱ ወደ ዝርዝር ጉዳዩ ከመግባቱ በፊት የቀረቡትን መቃወሚያዎች እየመረመረ ነው፡፡

    በዚህም ላይ ብይን ለመስጠት ችሎቱ ለሐምሌ 26 ቀን 2009 ዓ.ም. ቀጠሮ ሰጥቷል፡፡

    ከዚህ ጋር በተያያዘ ከአራት ዓመታት በፊት የወጣው የንግድ ውድድርና የሸማቾች ጥበቃ አዋጅ ቁጥር 813 አንቀጽ 5፣ ማንኛውም ነጋዴ በግሉ ወይም ከሌሎች ጋር በመሆን በበላይነት የያዘውን ገበያ በግልጽም ሆነ በሥውር ያላግባብ በመጠቀም፣ የንግድ ሥራ ማካሄድን ፀረ ውድድር የሆኑ የንግድ አሠራሮች ሥር ይፈርጀዋል፡፡

    በአሁኑ ወቅት በአዲስ አበባ ከተማ 1,168 የቅድመ አንደኛ ደረጃ፣ 806 የአንደኛ ደረጃ፣ እንዲሁም 206 የሁለተኛ ደረጃ፣ 11ኛና 12ኛ ክፍል የሚያስተምሩ ትምህርት ቤቶች ይገኛሉ፡፡ ከእነዚህም ውስጥ ወደ 1,500 የሚሆኑት በግል ይዞታ ሥር ይገኛሉ፡፡ በዚህ ዓመት የትምህርት ዘመን ብቻ 824 ሺሕ የሚጠጉ ተማሪዎች ትምህርታቸውን ተከታትለዋል፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች