Tuesday, March 5, 2024
- Advertisement -
- Advertisement -
ማኅበራዊየወሳኝ ኩነቶች ምዝገባ በኢትዮጵያ በሚጎኙ የውጭ ዜጎችና ስደተኞች ላይ ተፈጻሚ ሊሆን ነው

የወሳኝ ኩነቶች ምዝገባ በኢትዮጵያ በሚጎኙ የውጭ ዜጎችና ስደተኞች ላይ ተፈጻሚ ሊሆን ነው

ቀን:

በ2008 ዓ.ም. ሐምሌ ወር በአገር አቀፍ ደረጃ ተግባራዊ መሆን የጀመረው የወሳኝ ኩነቶች ምዝገባ፣ የውጭ አገር ዜጎችና በመጠለያ ካምፖች የሚኖሩ ስደኞች ላይም ተፈጻሚ እንዲሆን በሕግ ሊወሰን ነው፡፡

ወሳኝ ኩነቶች የሚባሉት የሞት፣ የውልደትና የጋብቻ ኩነቶች መሆናቸውን የወሳኝ ኩነትና የብሔራዊ መታወቂያ አዋጅ ቁጥር 760/2004 ይገልጻል፡፡ ይህ አዋጅ በአሁኑ ወቅት ወደ ትግበራ መግባቱ የሚታወቅ ሲሆን፣ በዚህ ሒደትም አዋጁ ያልሸፈናቸው ክፍተቶች መኖራቸውን መንግሥት በመገንዘቡ የማሻሻያ ረቂቅ ለሕዝብ ተወካዮች ምክር ቤት አቅርቧል፡፡

በሥራ ላይ ያለው አዋጅ የወሳኝ ኩነቶች ምዝገባ ተፈጻሚ እንዲሆን የሚደነግገው በኢትዮጵያውያን ላይ ብቻ መሆኑን የረቂቅ ማሻሻያው መግለጫ ያስረዳል፡፡ ይሁን እንጂ የወሳኝ ኩነቶች ምዝገባ በኢትዮጵያውያን ላይ ብቻ እንዲፈጸም መወሰኑ ከዓለም አቀፍ ሕጎች ጋር መቃረንን ፈጥሯል፡፡

- Advertisement -

Video from Enat Bank Youtube Channel.

በተለይም ከተባበሩት መንግሥታት ድርጅት የወሳኝ ኩነት ምዝገባ መርሆዎች ውስጥ አንዱ፣ ምዝገባው በአንድ አገር ውስጥ ሁሉን አቀፍ (Universal) በሆነ መንገድ ተግባራዊ መሆን እንዳለበት ቢገልጽም፣ ኢትዮጵያ ተግባራዊ ያደረገችው አዋጅ ይህንን መርህ የተከተለ አለመሆኑን ማብራሪያው ያስረዳል፡፡

ስለሆነም አገልግሎቱን ማግኘት የሚገባቸው የውጭ ዜጎችና ትውልደ ኢትዮጵያውያን፣ እንዲሁም በኢትዮጵያ ግዛት ውስጥ ተጠልለው የሚገኙ ስደተኞችን እንዲያካትት በማሻሻያው ረቂቅ አዋጅ ተካቶ ቀርቧል፡፡

በሌላ በኩል ወደ ትግበራ የገባው አዋጅ በጤና ተቋም ስለተወለደ ሕፃን የተቋሙ ኃላፊ አግባብነት ያላቸውን መረጃዎች የያዘ የምስክር ወረቀት በማዘጋጀት ልደቱን የማስመዝገብ ግዴታ ላለበት ሰው መስጠት እንዳለበት የሚደነግገው አንቀጽ ውስጥ፣ የምስክር ወረቀት የሚለው የውልደት ማሳወቂያ ቅጽ ሆኖ እንዲስተካከል ቀርቧል፡፡ ረቂቅ ማሻሻያውን የተመለከተው ፓርላማው ለዝርዝር ዕይታ ለሕግ፣ ፍትሕና አስተዳደር ቋሚ ኮሚቴ መርቶታል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...