Thursday, July 25, 2024
- Advertisement -
- Advertisement -
ስፖርትየኦሊምፒክ እግር ኳስ ቡድን ለማቋቋም የሦስትዮሽ ስምምነት ተደረገ

የኦሊምፒክ እግር ኳስ ቡድን ለማቋቋም የሦስትዮሽ ስምምነት ተደረገ

ቀን:

የኦሊምፒክ እግር ኳስ ቡድን ለማቋቋም የኢትዮጵያ ኦሊምፒክ ኮሚቴ፣  የኢትዮጵያ እግር ኳስ ፌዴሬሽንና መንግሥት የሦስትዮሽ ስምምነት አደረጉ፡፡ እግር ኳስ ኢትዮጵያ በቶኪዮ ኦሊምፒክ ትወከልባቸዋለች ተብሎ በዕቅድ ከተያዙት ስምንት ስፖርቶች አንዱ እንደሆነም በውይይቱ ተነግሯል፡፡

በብሔራዊ ኦሊምፒክ ኮሚቴው ጽሕፈት ቤት ሰኔ 20 ቀን 2009 ዓ.ም. የተደረገውን የሦስትዮሽ ስምምነት የመሩት የኢትዮጵያ ኦሊምፒክ ኮሚቴ ፕሬዚዳንት  አሸብር ወልደጊዮርጊስ (ዶ/ር)፣ ለቶኪዮ 2020 ኦሊምፒክ ተሳትፎ እግር ኳሱን ጨምሮ በዕቅድ ለተያዙት ስፖርቶች ከስፖርተኞች ወላጆች ጀምሮ የስፖርት አመራሩ በጋራ መሥራት እንደሚጠይቅ መናገራቸው ተገልጿል፡፡

ብሔራዊ ኦሊምፒክ ኮሚቴው በላከው መግለጫ እንዳስታወቀው፣ በስፖርቱ ተጨባጭ ለውጥ ለማምጣት ሙያዊ ሰብዕናው የተሟላ የአሠልጣኞችና ተያያዥ ሙያተኞች በጋራ በማዋቀር የሚፈልጉትን አትሌቶች ማፍራት ያስፈልጋል፡፡ የተጨዋቾች ተገቢነትና የዕድሜ ጉዳይ ለአገሪቱ ስፖርት ትልቅ ተግዳሮት መሆኑንና ችግሩን ለማስወገድ ደግሞ በጋራ ጠንካራ የአሠራር ሥርዓት መንደፍ ለነገ ሊባል እንደማይገባ በውይይቱ ስምምነት ላይ ስለመደረሱም መግለጫው ያስረዳል፡፡  

ሕዝባዊ አካሉ ሕዝብና መንግሥት የሰጡትን ታላቅ ኃላፊነት ለመወጣት በተለይም ኦሊምፒክ ሲደርስ ከሚደረገው ከይድረስ ይድረስ ሩጫ በመላቀቅ አስቀድሞ በጋራ ማቀድና መሥራት እንደሚገባ ሰብሳቢው መግለጻቸው ታውቋል፡፡

እንደ መግለጫው፣ በሦስትዮሽ ስምምነቱ ከተደረሰባቸው ነጥቦች መካከል አንዱ በአገር ውስጥ የሚገኙ የሥልጠና ማዕከላት ለሚደራጀው የኦሊምፒክ ቡድን በተገቢው መንገድ መዋል እንዳለባቸው ነው፡፡ ለዝግጅቱ ምልመላውን በተመለከተም ብቃትና ችሎታን መሠረት ባደረገ መልኩ ሁሉንም ክልሎችን ያማከለ ሊሆን እንደሚገባ፣ ከዕድሜና ከተገቢነት ጋር ተያይዞ ለሚፈጠሩ ችግሮች ከታች ከምልመላው ጀምሮ ተገቢው ቁጥጥርና ክትትል መደረግ እንዳለበት፣ የሚመለመሉት ወጣቶች በምንም መልኩ በተቻለ መጠን በአካባቢያቸው በሚገነቡ ማዕከላት ገብተው የሚሠለጥኑበት ሁኔታ መመቻቸት አለበት ተብሏል፡፡ በማዕከላቱ ከሚደረጉት ውድድሮች ጎን ለጎን የአካዴሚክ እገዛ እኩል ክትትልና ቁጥጥር የሚያደርግ አካል መኖር እንደሚገባውም ሳይገለጽ አላለፈም፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...