Tuesday, July 23, 2024
- Advertisement -
- Advertisement -
ሥነ ፍጥረትየባሕር ውስጥ እስስት

የባሕር ውስጥ እስስት

ቀን:

ከባሕር ውስጥ እንስሳ አንዱ ከተልፊሽ (Cuttlefish) ወይም ከተልስ (Cutltes) ይባላል፡፡ ይህ ዓሣ መሰል መልኩን ስለሚቀያይር የባሕር ውስጥ እንስሳት ብለው ያማርኛ መጠሪያ የሰጡት አሉ፡፡ ከ15 እስከ 25 ሳንቲ ሜትር መጠን ያለው ከተልፊሽ ከሚመገባቸው መካከል ዓሣ፣ ጊንጥና ትላትል ይገኙበታል፡፡

አዌክ በተሰኘው መጽሔት እንደተገለጸው፣ ከተልፊሽ ቀስሙን እንዲቀይር የሚያስችለው ከቆዳው ሥር የሚገኝ ክሮማቶፎር የሚባል ልዩ የሆነ ሕዋስ ነው፡፡    ክሮማቶፎር የተባሉት ሴሎች ቀለም የተሞሉ ከረጢት መሰል ነገሮችን የያዙ ሲሆን ቀጫጭን በሆኑ ጡንቻዎች ተከበዋል። ከትልፊሽ ራሱን መደበቅ ሲፈልግ አንጎሉ በከረጢቶቹ ዙሪያ ያሉት ጡንቻዎች እንዲኮማተሩ ትዕዛዝ ያስተላልፋል። በዚህ ጊዜ ከረጢቶቹም ሆኑ በውስጣቸው የያዙት ቀለም ስለሚለጠጥ ይህ ፍጥረት ቀለሙንና ቅርፁን በቅጽበት ይቀይራል። ከትልፊሽ ይህን ችሎታውን የሚጠቀምበት ራሱን ለመደበቅ ብቻ ሳይሆን ተጓዳኙን ለመማረክና ለመግባባት ጭምር ነው።

በእንግሊዝ ብሪስትል ዩኒቨርሲቲ ውስጥ የሚገኙ መሐንዲሶች ሰው ሠራሽ የከትልፊሽ ቆዳ መሥራት ችለዋል። እንደ ከትልፊሽ ጡንቻ በሚሠሩ ትናንሽ መሣሪያዎች መካከል ከጥቁር ጎማ የተሠሩ ዲስኮችን ከተቱ። ተማራማሪዎቹ ቆዳው ላይ የኤሌክትሪክ ንዝረት በሚለቁበት ጊዜ መሣሪያዎቹ ተለጥጠው ጠፍጣፋ ሆኑ፤ በዚህ ጊዜ ዲስኮቹ የተለጠጡ ከመሆኑም በላይ የሰው ሠራሽ ቆዳው ቀለም ይበልጥ እየደመቀና እየተቀየረ ሄደ።

መሐንዲስ የሆኑት ጆናታን ሮሲተር ‹‹ተፈጥሮ ያስገኘቻቸው ስስ የአካል ክፍሎች›› በማለት በጠሯቸው የከትልፊሽ ጡንቻዎች ላይ የሚደረገው ምርምር ቀለማቸውን በቅጽበት ሊቀያይሩ የሚችሉ ልብሶችን ለመሥራት ያስችላል። በተጨማሪም ሮሲተር፣ ሰዎች ከትልፊሽን በመኮረጅ የሚሠሯቸውን ልብሶች ከዕይታ ለመሰወር ወይም እንዲሁ ለመዘነጥ ሊጠቀሙባቸው እንደሚችሉ ገልጸዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...