Friday, December 2, 2022
ሌሎች ዓምዶች
    - Advertisement -
    - Advertisement -
    ማኅበራዊየግል ኩባንያዎች በባቡር ትራንስፖርት አገልግሎት እንዲሰማሩ የሚፈቅድ አዋጅ ቀረበ

    የግል ኩባንያዎች በባቡር ትራንስፖርት አገልግሎት እንዲሰማሩ የሚፈቅድ አዋጅ ቀረበ

    ቀን:

    • ምድር ባቡር ኮርፖሬሽን ያስመጣቸውን ባቡሮች ከጂቡቲ ማንሳት አልቻለም

    የግል ኩባንያዎች በባቡር ትራንስፖርት አገልግሎት እንዲሰማሩ የሚፈቅድ ረቂቅ አዋጅ ለፓርላማ ቀረበ፡፡

    ሐሙስ ሰኔ 15 ቀን 2009 ዓ.ም. ለፓርላማ የቀረበው ‹‹የባቡር ትራንስፖርት አስተዳደር›› ረቂቅ አዋጅ በባቡር ትራንስፖርት ዘርፍ የግል ኩባንያዎች መሰማራት እንደሚችሉ በአገልግሎቱ ለመሳተፍ አስፈላጊውን መሥፈርት ማሟላትና ፈቃድ ማግኘት ብቻ እንደሚጠበቅባቸው ያትታል፡፡

    የባቡር ትራንስፖርት አስተዳደር ረቂቅ አዋጁ በሰጠው ትርጉም መሠረት የባቡር ትራንስፖርት አገልግሎት ማለት፣ ባቡርን በመጠቀም በባቡር መሠረተ ልማት ላይ  መንገደኞችን ወይም ዕቃዎችን ከቦታ ወደ ቦታ የማጓጓዝ ተግባር እንደሆነ ይገልጻል፡፡

    ‹‹አገልግሎት ሰጪ›› ለሚለው በረቂቅ አዋጁ የተሰጠው ትርጓሜ ደግሞ፣ አግባብነት ያለው ፈቃድ የተሰጠውና ዋነኛ ተግባሩ የባቡር ትራንስፖርት አገልግሎት መስጠት የሆነ የመንግሥት ወይም የግል ተቋም ነው፡፡

    የባቡር መሠረተ ልማትን የሚተረጉመው የረቂቅ አዋጁ አንቀጽ በሰጠው ትርጓሜ ‹‹የባቡር መስመርን፣ የደኅንነትና የመገናኛ መሣሪያዎች፣ የጥገና ተቋም፣ የኤሌክትሪክ ኃይል አቅርቦት ሥርዓትና የባቡር ጣቢያዎችን የያዘ መሠረተ ልማት ሲሆን ባቡርን አይጨምርም፤›› ይላል፡፡

    ይህንን መሠረተ ልማት የሚያስተዳድሩ አካላት ፈቃድ የሚሰጣቸው ሲሆን ተግባራቸውም መሠረተ ልማቱን የማስተዳደር፣ በተለይም መሠረተ ልማቱን የመጠገን፣ በመሠረተ ልማት ላይ የሚደረግ የባቡር ትራፊክን የመምራት፣ የመቆጣጠርና ተገቢ ምልክቶችንና ማመልከቻዎችን የመትከል ኃላፊነት ያለበት ተቋም መሆኑን ይገልጻል፡፡

    በመሆኑም የግል ኩባንያዎች ከባቡር መሠረተ ልማት አስተዳደር መሠረተ ልማቱን የመጠቀም ውል በመፈጸም፣ የትራንስፖርት አገልግሎት መስጠት እንደሚችሉ ይጠቁማል፡፡

    ይህም ማለት በአዲስ አበባ የቀላል ባቡር መሠረተ ልማትን፣ እንዲሁም የአዲስ አበባ ጂቡቲ የባቡር መሠረተ ልማትን መጠቀም የሚፈልጉ ኩባንያዎች ለመጠቀም ውል በመግባትና የየራሳቸውን ታሪፍ በመንግሥት በማፀደቅ፣ የትራንስፖርት አገልግሎት መስጠት እንደሚችሉ በረቂቁ ተካቷል፡፡

    ረቂቅ አዋጁ በአጠቃላይ የባቡር ትራንስፖርት ዘርፉን ለማስተዳደር የቀረበ ቢሆንም፣ የኢትዮጵያ ምድር ባቡር ኮርፖሬሽን በከፍተኛ የዕዳ ጫና አጣብቂኝ ውስጥ በሆነበት ጊዜ በመቅረቡ ለግል ኩባንያዎች በዘርፉ እንዲሰማሩ ከማበረታታቱ ባሻገር ለመንግሥትም ዕፎይታን እንደሚሰጥ ተገምቷል፡፡

    የኢትዮጵያ ምድር ባቡር ኮርፖሬሽን በአሁኑ ወቅት ከ120 ቢሊዮን ብር በላይ ዕዳ የተከማቸበት ከመሆኑም በላይ፣ ዕዳውን መክፈል እንዳቃተው የኮርፖሬሽኑ የሥራ ኃላፊዎች ሰሞኑን ለሕዝብ ተወካዮች ምክር ቤት ገልጸዋል፡፡

    ከአዲስ አበባ ጂቡቲ የባቡር ትራንስፖርት አገልግሎት እንዲሰጡ ያዘዛቸው ከ400 በላይ የባቡር ፉርጎዎችን ክፍያ በመፈጸም ወደ አገር ውስጥ ማስገባት ተስኖታል፡፡ 

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...