Friday, March 24, 2023
- Advertisement -
- Advertisement -
ስፖርትፕሪሚየር ሊጉ ቅዳሜ ይጠናቀቃል

ፕሪሚየር ሊጉ ቅዳሜ ይጠናቀቃል

ቀን:

  • ከግማሽ በላይ የሊጉ ክለቦች በወራጅ ቀጣና ውስጥ ናቸው

የኢትዮጵያ ፕሪሚየር ሊግ የ2009 ዓ.ም. መርሐ ግብር ቅዳሜ ሲጠናቀቅ፣ ከግማሽ በላይ የሚሆኑት የሊጉ ክለቦች በወራጅ ቀጣና ውስጥ ይገኛሉ፡፡ በአዲስ አበባም ሆነ በክልል የሚደረጉት ሁሉም ጨዋታዎች በተመሳሳይ ሰዓት እንደሚከናወን የኢትዮጵያ እግር ኳስ ፌዴሬሽን አስታውቋል፡፡

ቅዱስ ጊዮርጊስ የዘንድሮውን ጨምሮ የሊጉን ዋንጫ 14 ጊዜ በማንሳት የበላይነቱን እንዳረጋገጠ ይገኛል፡፡ ‹‹ፕሪሚየር ሊግ›› ስያሜው ሁለት አሠርታትን ያስቆጠረው ፕሪሚየር ሊጉ እስካሁን ባለው እንቅስቃሴው ከዋንጫው ይልቅ ወደ ታችኛው ሊግ ላለመውረድ የሚደረገው እንቅስቃሴ የስፖርት ቤተሰቡን ትኩረት እንዳገኘ ቀጥሏል፡፡ በዚሁ መሠረት እንደ ዋንጫው ሁሉ ቀደም ብሎ መውረዱን ካረጋገጠው የአዲስ አበባ ከተማ ቡድን በስተቀር ስምንት ቡድኖች የፕሪሚየር ሊግ ቆይታቸው ቅዳሜ ሰኔ 17 ቀን 2009 ዓ.ም. በሚያደርጉት የጨዋታ ውጤት ይወሰናል፡፡

ቡድኖቹ እስካሁን የ29 ሳምንታት ጨዋታ አድርገዋል፡፡ መርሐ ግብሩ ሦስት ጨዋታ እየቀረው 14ኛውን የፕሪሚየር ሊግ ጨዋንጫ ያነሳው ቅዱስ ጊዮጊስ 59 ነጥብ ሰብስቧል፡፡ ተከታዮቹ ደደቢት፣ ሲዳማ ቡናና አዳማ ከተማ እኩል 48 ነጥብ ይዘው በጎል ልዩነት ተበላልጠው ከሁለተኛ እስከ አራተኛ ያለውን ደረጃ ይዘው ይገኛሉ፡፡

ኢትዮጵያ ቡና በ47 ነጥብ፣ በ2008 የውድድር ዓመት ፕሪሚየር ሊጉን የተቀላቀለው ፋሲል ከተማ በ43 ነጥብና መከላከያ በ36 ነጥብ ከአምስተኛ እስከ ሰባተኛ ያለውን ደረጃን ይዘው የፕሪሚየር ሊግ ቆይታቸውን ያረጋገጡ ክለቦች ናቸው፡፡

ተከታዩን ደረጃ ይዘው የሚገኙት ሐዋሳ ከተማና ወልዲያ ከተማ እኩል 34 ነጥብ በሁለትና በሦስት የጎል ዕዳ ተበላልጠው ስምንተኛና ዘጠነኛ ደረጃ ላይ ይገኛሉ፡፡ አርባ ምንጭ ከተማ 33 እና ወላይታ ድቻ በተመሳሳይ 33 ነጥብ በአምስትና በአሥር የጎል ዕዳ፣ እንዲሁም ኢትዮ ኤሌክትሪክ፣ ጅማ አባ ቡናና ድሬዳዋ ከተማ በተመሳሳይ 32 ነጥብ በአንድ፣ በሦትና በዘጠኝ የጎል ዕዳ ተበላልጠው ተቀምጠዋል፡፡ ሌላው ኢትዮጵያ ንግድ ባንክ ሲሆን፣ በ31 ነጥብና በአሥር የጎል ዕዳ 15ኛ ደረጃ ላይ ይገኛል፡፡

ብሔራዊ ፌዴሬሽኑ ይፋ ባደረገው የ30ኛው ሳምንት የጨዋታ መርሐ ግብር መሠረት፣ ቅዱስ ጊዮርጊስ ከኢትዮጵያ ንግድ ባንክ በአዲስ አበባ ስታዲየም፣ ሲጫወት በክልል ድሬዳዋ ከተማ ከጅማ አባ ቡና ድሬዳዋ ላይ፣ ወላይታ ድቻ ከደደቢት ድቻ ላይ፣ ሐዋሳ ከተማ ከኢትዮ ኤሌክትሪክ ሐዋሳ ላይ፣ ወልድያ ከተማ ቀደም ብሎ መውረዱን ካረጋገጠው ከአዲስ አበባ ከተማ ወልዲያ ላይ፣ ኢትዮጵያ ቡና ከአርባ ምንጭ ከተማ አርባ ምንጭ ላይ፣ ፋሲል ከተማ ከአዳማ ከተማ ጎንደር ላይ፣ ሲዳማ ቡና ከመከላከያ ይርጋ ዓለም ላይ የመጨረሻውን የውድድር መርሐ ግብር በተመሳሳይ ቀንና ሰዓት ቅዳሜ ያከናውናሉ፡፡ በውድድሩ 8ኛ ደረጃ ላይ ከሚገኘው ሐዋሳ ከተማ ጀምሮ ያሉት ቡድኖች በሙሉ በዕለቱ የሚያስመዘግቡት ውጤት የፕሪሚየር ሊግ ቆይታቸው የሚወሰነው በሚያስመዘግቡት ውጤት ይሆናል፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ከሚያከብሯቸው አንድ የቀድሞ ጉምቱ ፖለቲከኛ ስልክ ተደውሎላቸው እያወሩ ነው]

አንዳንድ ነገሮች ቢያሳስቡኝ ነው ቀጠሮ ሳልይዝ ላወራህ የፈለኩት ክቡር...

የትግራይ ክልል የሽግግር አስተዳደር ምሥረታና የሰላም ስምምነቱ ሒደት

በትግራይ ክልል ጊዜያዊ የሽግግር መንግሥት ለመመሥረት ደፋ ቀና እየተባለ...

ጥራዝ ነጠቅነት!

ከሜክሲኮ ወደ ጀሞ እየሄድን ነው፡፡ የተሳፈርንበት አሮጌ ሚኒባስ ታክሲ...