Saturday, November 26, 2022
ሌሎች ዓምዶች
    - Advertisement -
    - Advertisement -
    ዜናየባንክና የኢንሹራንስ ኩባንያ ኃላፊዎች የሚሾሙበት መሥፈርት ሊሻሻል ነው

    የባንክና የኢንሹራንስ ኩባንያ ኃላፊዎች የሚሾሙበት መሥፈርት ሊሻሻል ነው

    ቀን:

    የኢትዮጵያ ብሔራዊ ባንክ ላለፉት አምስት ዓመታት ያህል የባንክና የኢንሹራንስ ኩባንያዎች ዋናና ምክትል ሥራ አስፈጻሚዎችን ሹመት ሲመዝንና ሲያፀድቅበት የነበረውን መሥፈርት ሊያሻሽል ነው፡፡ ከሳምንት በፊት ረቂቅ ማሻሻያ መመርያ ለባንክና ለኢንሹራንስ ኩባንያዎች ለአስተያየት ቀርቦ ለብሔራዊ ባንክ ተመልሷል፡፡

    የተሻሻለው ረቂቅ መመርያ ቀድሞ ከነበረው መመርያ የተለያዩ ለውጦችን ይዞ ብቅ ያለ ሲሆን፣ በአንዳንዶቹ ላይ ሪፖርተር ያነጋገራቸው የባንክ ኃላፊዎች ቅሬታቸውን አቅርበዋል፡፡

    በረቂቅ መመርያው መሠረት አንድ ተሿሚ የባንክ ወይም የኢንሹራንስ ኩባንያ ዋና ሥራ አስፈጻሚ ለመሆን በምክትልነት ለአምስት ዓመታት ያገለገለ የሚል ሲሆን፣ ቀድሞ በነበረው መመርያ ግን ለአምስት ዓመታት በባንክ ወይም በኢንሹራንስ ኩባንያ በዳይሬክተርነት የሠራ ይል ነበር፡፡

    የተሻሻለው መመርያ ያጨቃጨቀው በምክትል ዋና ሥራ አስፈጻሚነት አተረጓጎም ነው፡፡ በዚህ መሠረት ምክትል ዋና ሥራ አስፈጻሚ ማለት የዕለት ተዕለት  ባልሆኑ የሥራ ዘርፎች ላይ የሚሠራ ነው ሲል ይተረጉመዋል፡፡ ይኼ ማለት አንድ ሰው ዋና ሥራ አስፈጻሚ ሆኖ ለመሾም፣ በምክትል ዋና ሥራ አስፈጻሚነት የዓለም አቀፍ ባንኪንግ፣ የብድርና የቅርንጫፍ ሥራዎችን የመራ መሆን አለበት ሲል ይተረጉማል፡፡ በዚህ መሠረት ምክትል ዋና ሥራ አስፈጻሚ ማለት በተጠቀሱት ዘርፎች ላይ ብቻ የሚሠራ ነው፡፡

    በዚህም በድጋፍ እንዲሁም በኮርፖሬት አገልግሎት በምክትል ዋና ሥራ አስፈጻሚነት የሚሠሩ ሰዎች፣ የአንድ ባንክ ወይም ኢንሹራንስ ኩባንያ ዋና ሥራ አስፈጻሚ ሆነው መሥራት አይችሉም ማለት ነው፡፡ ‹‹ይኼ ለእኔ አሳማኝ አይደለም፤›› ሲሉ ሪፖርተር ያናገራቸው የባንክ ኃላፊ ይከራከራሉ፡፡

    ‹‹ሲጀመር እነዚህ ሰዎች የባንክ ኮርፖሬት ወይም ድጋፍ አገልግሎት ምክትል ዋና ሥራ አስፈጻሚ ሆነው ሲሾሙ የባንኩን አሠራር ጠንቅቀው ስለሚያውቁ ነው፡፡ ስለዚህ እነዚህን ኃላፊ አድርጎ መሾም አይቻልም ማለት ለእኔ አሳማኝ አይደለም፤›› ብለዋል፡፡

    ‹‹በተጨማሪ ይህ አሠራር ከተለመደው የባንኮች ኮርፖሬት አስተዳደር ጋር አይሄድም፤›› ሲሉ ችግር እንዳለበት ገልጸዋል፡፡

    የተሻሻለው ረቂቅ መመርያ ከሥራ አስፈጻሚዎች በተጨማሪ የቦርድ ዳይሬክተሮችን ለመሰየም ቢያንስ የመጀመሪያ ዲግሪ ሊኖራቸው ይገባል የሚል መሥፈርት አስታዋውቋል፡፡ አሁን ያለው መመርያ ከአጠቃላይ የቦርድ አባላት 75 በመቶ ብቻ የመጀመሪያ ዲግሪ እንዲኖራቸው ያስገድዳል፡፡

    የተሻሻለው ረቂቅ መመርያ የተሰበሰቡት አስተያየቶች ከታዩ በኋላ ይፀድቃል ተብሎ ይጠበቃል፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...