Wednesday, June 12, 2024
- Advertisement -
- Advertisement -

ማኅበራዊየወሎ ተርሸሪ ኬርና ማስተማሪያ ሆስፒታል ግንባታ ተጀመረ

የወሎ ተርሸሪ ኬርና ማስተማሪያ ሆስፒታል ግንባታ ተጀመረ

ቀን:

  • ከአምስት ቢሊዮን ብር በላይ ይፈጃል

የግንባታና የሕክምና ቁሳቁስ ወጪን ጨምሮ 5.5 ቢሊዮን ብር ያህል ይፈጃል የተባለው ወሎ ተርሸሪ ኬርና ማስተማሪያ ሆስፒታል ግንባታ ተጀመረ፡፡

ከደሴ በስተሰሜን ሰባት ኪሎ ሜትር ርቆ በሚገኘው ጢጣ በ470 ሺሕ ካሬ ሜትር ቦታ ላይ ግንባታው የተጀመረው ወሎ ተርሸሪ ኬርና ማስተማሪያ ሆስፒታል፣ አምስት ዕርከኖች (ሎቶች) ሲኖሩት፣ ሰሞኑን ግንባታው የተጀመረው የመጀመሪያው ዕርከን  የድኅረ ምረቃው ትምህርት ቤት ነው፡፡  

ለግንባታው 3.5 ቢሊዮን ብር ለሕክምና ቁሳቁስ ሁለት ቢሊዮን ብር የሚፈጀውን የሆስፒታሉን ግንባታ ዮሴፍ ወንድሙ ሕንፃ ተቋራጭ የያዘው ሲሆን፣ አማካሪውም አክዩት ኮንሰልታንት መሆኑን የሆስፒታሉ ፕሮጀክት ሕዝብ ግንኙነት ኃላፊ አቶ ፀጋዬ አህመድ ለሪፖርተር ገልጸዋል፡፡

- Advertisement -

አቶ ፀጋዬ እንዳሉት፣ የሁለተኛው ዕርከን ማለትም የቅድመ ምረቃ ተማሪዎች ትምህርት ቤት ግንባታን ለማስጀመር ዓለም አቀፍ ጨረታ የወጣ ሲሆን፣ የሦስተኛና አራተኛ ዕርከኖችን ግንባታ ለማስጀመር ለጨረታ ዝግጁ እየተደረገ ነው፡፡

አምስተኛውና የግንቦታው የመጨረሻው አካል የሆስፒታሉ ግንባታ ሲሆን፣ ይህንንም ለማስጀመር የዲዛይን ሥራው በመጠናቀቅ ላይ እንደሆነ አቶ ፀጋዬ ተናግረዋል፡፡ እስከ 2010 ዓ.ም. አጋማሽ ድረስ ሁሉም የሕንፃ ክፍሎች ወደ ግንባታ ይገባሉ ተብሎ የሚጠበቀው የሆስፒታሉ ፕሮጀክት፣ ይገነባል ተብሎ የመሠረት ድንጋይ የተቀመጠለት ኅዳር 16 ቀን 2004 ዓ.ም. ነበር፡፡

የመሠረት ድንጋዩ ሲቀመጥ፣ ምክትል ጠቅላይ ሚኒስትር አቶ ደመቀ መኮንን፣ የወቅቱ የአማራ ክልል ፕሬዚዳንት አቶ አያሌው ጎበዜና የፕሮጀክቱ የበላይ ጠባቂ ሼሕ መሐመድ ሁሴን ዓሊ አል አሙዲ ተገኝተው ነበር፡፡ በወቅቱም ግንባታው በ2012 ዓ.ም. እንደሚጠናቀቅ ተነግሮ ነበር፡፡

ከዲዛይን ማሻሻል ጋር በተያያዘ ግንባታው የዘገየውና በግንቦት 2009 ዓ.ም. ግንባታው የተጀመረው ወሎ ተርሸሪ ኬርና ማስተማሪያ ሆስፒታል፣ ግንባታው ሙሉ ለሙሉ ሲጠናቀቅ 700 ያህል ተኝተው፣ በሺዎች የሚቆጠሩ ደግሞ በተመላላሽነት እንዲታከሙ የሚያስችል ይሆናል፡፡ ከ1500 በላይ አዲስ ተማሪዎችን በመጀመሪያ ዲግሪ፣ በተወሰኑ የሕክምና መስኮች ከ200 በላይ ስፔሻላይዜሽንና ሰብ ስፔሻላይዜሽን ሐኪሞችን፣ ለሥራ ላይ ሙያተኞች አጫጭር ሥልጠና ይሰጣል፡፡

ለሆስፒታሉ ግንባታ ከቴሌቶንና ከቶምቦላ 60 ሚሊዮን ብር ያህል የተገኘ ሲሆን፣ ወሎ ዩኒቨርሲቲም በጀት በየዓመቱ በመጠየቅ የሚገነባው ነው፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...