Tuesday, September 27, 2022
ሌሎች ዓምዶች
    - Advertisement -
    - Advertisement -
    - Advertisement -

    ፌርማታ ፅሁፎች

    ጠቅላይ ሚኒስትር ኃይለማርያም በኢየሩሳሌም

    ትኩስ ፅሁፎች

    ጠቅላይ ሚኒስትር ኃይለ ማርያም ደሳለኝ ከግንቦት 28 እስከ ሰኔ 1 ቀን 2009 ዓ.ም. በእሥራኤል የሚያደርጉት ይፋዊ ጉብኝት ምክንያት በማድረግ መታሰቢያ የሚሆን የወይራ ዛፍ ችግኝ ተክለዋል፡፡ ኬረን ኬይመት የእሥራኤል ጂውሽ ናሽናል ፈንድ ባዘጋጀው መርሐ ግብር ላይ ነበር ጠቅላይ ሚኒስትሩ ችግኙን የተከሉት የውጭ ጉዳይ ሚኒስትር፣ መከላከያ ሚኒስትርና ሌሎችም ባለሥልጣኖች ታድመዋል፡፡ ጠቅላይ ሚኒስትሩ ከዚህ ቀደም በቀድሞው ፕሬዚዳንት ሸሞን ፔሬዝ ሥርዓተ ቀብር እሥራኤል ቢሄዱም፣ ይኼ የመጀመርያ ይፋዊ ጉብኝታቸው ነው፡፡ ‹‹በዚህ ታሪካዊ ሥፍራ ተገኝቼ የወይራ ዛፍ ችግኝ በመትከሌ ክብር ተሰምቶኛል፡፡ ይህች አገር ከተለያዩ የዓለም ክፍሎች በተሰባሰቡ እሥራኤላውያን እንደተገነባች አውቃለሁ፤ ከንጉሥ ሰሎሞንና ንግሥተ ሳባ ግንኙነት አንስቶ ኢትዮጵያም የዚህ ታላቅ ታሪክ አካል ነች፡፡ በኢትዮጵያ አረንጓዴ ኢኮኖሚ ዛፍ መትከል እንደ ባህል ሆኗል፡፡ ይኼንን በእሥራኤልም ለመተግበር እንሞክራለን፤›› በማለት አቶ ኃይለ ማርያም ተናግረዋል፡፡ በሌላ በኩል ጠቅላይ ሚኒስትሩ በናዚ ጀርመን ለተፈጁት አይሁዶች መታሰቢያ በታነጸው ሙዚየም የአበባ ጉንጉን አኑረዋል፡፡

      ***

      ሁሌም

     

    ዓይንን የመሠለ

    ምን አለ ምን አለ

    ተንከባሎ ያያል

    ወደላይ ይቃኛል

    ወደታች ይቃኛል

    ሁሉን ያስተውላል

    ሁሌም ያያል

    ሁሌም ያያል

    እንደ ዓይን ያለ የልብ ካውያ

    የአእምሮ ወንድም ከቶ የት ይገኛል

    • ኤፍሬም ገብረሥላሴ ‹‹የግጥም … ጥም›› (2003)
    •  

     

     

    አዳም በለሱን ባይበላ ኖሮ ምን ዓይነት ሕይወት ይኖረን ነበር?

    የሰው ልጆች የምንሰቃየው አዳም ባመጣው ኃጢአት ነው የሚሉ ወገኖች ይኖሩ ይሆናል፡፡ አዳም የተከለከለው ዕፀ በለስ በመብላቱ ወደ ምድር ተሰደድን ይሉ ይሆናል፡፡ ለኔ ግን አዳም ዕፀ በለስ መብላቱ ለበጐ ነው፡፡ አዳም ዕፀ በለስ ባይበላና እስከአሁን በገነት የምንኖር ብንሆን ምን ዓይነት ሕይወት ነበር የምንኖረው? በጣም አሰልቺ ሕይወት ነበር የሚሆነው፡፡ የሰው ልጅ ምንም ነገር ሣይሠራ መኖር ምን ያህል አሰልቺ እንደሆነ ከሕይወት ልምዳችን የምናውቀው ጉዳይ ነው፡፡ ከሥራ ፈትነት የገላገለን ግን አዳም ነው፡፡ ምንም ዓይነት ሥራ በሌለበት ዓለም ምንም ዓይነት ጣፋጭ ሕይወት ሊኖር አይችልም፡፡ እርስ በእርሳችን እንኳን ምንም ነገር ማውራት ሐሳብ ለሐሳብ መጋራት አንችልም፡፡ ሥራ ከሌለ ምንም ዓይነት ሐሳብ አይኖርም፡፡ የሐሳብ ልዩነት ከሌለ ደግሞ የሐሳብ መጋራት የለም ማለት ነው፡፡

    • አብርሃም ሐዱሽ ‹‹ነገር በምሳሌ …›› (2005)
    •  

    ቻርልስ ደሞ ያበዛዋል

      የመንደር ወሬ የማያመልጣቸው ስኮትላንዳዊው አያ ላዘንበሪ የሰሙትን ወሬ ለቡና አጣጫቸው ማክግሬገር እያወሩ ነበር፡፡ “የሚገርም እኮ ነው፤ አልሚራ ለእጮኛዋ ቻርልስ ቀለበቱን መለሰችለት አሉ፡፡ ይታይህ፣ ለስምንት ዓመታት ተጫጭተው ቆይተዋል፡፡ በዚያን ወቅት ደግሞ የቁጠባን ጥቅም ደጋግማ ስታስተምረው ነበር፡፡ ይሁንና በቅርቡ ከጋብቻቸው በኋላ 217 ጥንድ ካልሲዎቹን እንድትወሰውስለት ማስቀመጡን ባወቀች ጊዜ ትምህርቷ በደንብ እንደገባው በመገንዘቧ ግንኙነቷን አቋረጠች ‘ቻርልስ ደግሞ ያበዛዋል!’ አለች አሉ፡፡”

    • አረፈዓይኔ ሐጐስ “የስኮትላንዳውያን ቀልዶች” (2005)
    •  
    - Advertisement -
    - Advertisement -

    ተጨማሪ ለማንበብ

    በብዛት የተነበቡ ፅሁፎች