Sunday, September 25, 2022
ሌሎች ዓምዶች
    - Advertisement -
    - Advertisement -
    ስፖርትየመሠረት ደፋር የቤጂንግ የነሐስ ሜዳሊያ ወደ ብር ተቀየረ

    የመሠረት ደፋር የቤጂንግ የነሐስ ሜዳሊያ ወደ ብር ተቀየረ

    ቀን:

    ከዘጠኝ ዓመት በፊት በቤጂንግ ኦሊምፒክ በታዋቂው የወፍ ጎጆ ስታዲየም ከተስተናገዱ ውድድሮች መካከል የ5,000 ሜትር የሴቶች የሩጫ ውድድር ይጠቀሳል፡፡ በወቅቱ ለአሸናፊነት እልህ አስጨራሽ ትንቅንቅ ያደረጉት ጥሩነሽ ዲባባ፣ መሠረት ደፋርና ቱርካዊቷ ኤልቫን ዓብይ ለገሰ ነበሩ፡፡ ለአሸናፊነት ትልቅ ግምት ከተሰጣቸው ኢትዮጵያውያኑ እንስቶች መካከል ሳትታሰብ የገባችው ቱርካዊቷ ዓብይ ለገሰ፣ መሠረት ደፋርን አስከትላ የብር ሜዳሊያ ባለቤት መሆኗም አይዘነጋም፡፡ ይሁንና አትሌቷ በሁለተኛነት ያስመዘገበችው የብር ሜዳሊያ እንደማይገባት የዓለም አቀፉ ኦሊምፒክ ኮሚቴ (አይኦሲ) ከሰሞኑ ይፋ አድርጓል፡፡

    አይኦሲ ይፋ ባደረገው መረጃ መሠረት ቱርካዊቷ ዓብይ ለገሰ፣ በወቅቱ ሜዳሊያውን ለማግኘት ያስቻላት ብቃት አበረታች ቅመሞችን ተጠቅማ መሆኑን አረጋግጦ ውጤቱን ሰርዞታል፡፡ በምትኩም ሦስተኛ የወጣች መሠረት ደፋር ሁለተኛነቱ ይገባታል በማለት የመሠረት የኦሊምፒክ ሽልማት ወደ ብር ሜዳሊያ እንዲቀየር መወሰኑንና አትሌቷ ሽልማቷን በአዲስ አበባ በልዩ ሥነ ሥርዓት እንዲሰጣት መወሰኑን አስታውቋል፡፡ የኢትዮጵያ ኦሊምፒክ ኮሚቴም ለዚሁ ሥነ ሥርዓት ዝግጅት እያደረገ መሆኑን በላከው መግለጫ ይፋ አድርጓል፡፡

    በዚሁ የዘመኑ አትሌቲክስ ላይ በከፍተኛ ሁኔታ ጥላውን እያጠላ በሚገኘው አበረታች ቅመሞች (ዶፒንግ) ዙሪያና በርካታ አትሌቶች በኦሊምፒክና በዓለም አትሌቲክስ ሻምፒዮና ያገኟቸውን ሽልማቶች እያሳጣቸው መሆኑን ሪፖርተር መዘገቡ አይዘነጋም፡፡ በዚሁ መሠረት የዓለም አቀፍ አትሌቲክስ ፌዴሬሽኖች ማኅበር (አይኤኤኤፍ) በመጋቢት 20 ቀን 2009 ዓ.ም. ከዙሪክ በለቀቀው ዜና በ5,000 እና በ10,000 ሜትር በቤጂንግ ኦሊምፒክ ሁለት የብር ሜዳሊያዎችን ያገኘችው ዓብይ ለገሰ የተከለከለ ቅመም መውሰዷ በመረጋገጡ ውጤቷን ሰርዟል፡፡ በትውልድ ኢትዮጵያዊቷ በዜግነት ቱርካዊቷ ዓብይ ለገሰ ከኢሊምፒክ በተጨማሪ በ1999 ዓ.ም. በኦሳካ በተካሄደ የዓለም አትሌቲክስ ሻምፒዮና በ10,000 ሜትር ባለድሏን ጥሩነሽ ዲባባን ተከትላ ሁለተኛ የወጣችበት ውጤቷም በተመሳሳይ መሰረዙ ሪፖርቱ መዘገቡ ይታወሳል፡፡

    አትሌቷ በተደረገላት ምርመራ የተከለከለውን ስቴሪዮ ስታኖዞል የተሰኘ ቅመም በመውሰዷ ዳግም በተደረገው ፍተሻ በመረጋገጡ ከ1999 ዓ.ም. እስከ 2001 (እ.ኤ.አ. 2007 እስከ 2009) ያስመዘገበቻቸው ውጤቶች በሙሉ ውድቅ ተደርገዋል፡፡

    በዚህ መሠረት ኢትዮጵያ በቤጂንግ ኦሊምፒክ ያስመዘገችው አራት የወርቅ፣ አንድ የብርና ሁለት የነሐስ ሜዳሊያዎች የመሠረት ነሐስ ወደ ብር በማደጉ ደረጃዋም በአንድ ደረጃ ይሻሻላል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...