Wednesday, February 8, 2023
- ማስታወቂያ -
- ማስታወቂያ -

ኢትዮጵያና ኬንያ በባቡር ዘርፍ ለመተባበር ያደረጉት ስምምነት ፀደቀ

- ማስታወቂያ -

ተዛማጅ ፅሁፎች

ኢትዮጵያና ኬንያ በባቡር መሠረተ ልማት ዘርፍ ለመተባበር ያደረጉትን ስምምነት የሕዝብ ተወካዮች ምክር ቤት አፀደቀው፡፡

ምክር ቤቱ ሐሙስ ግንቦት 18 ቀን 2009 ዓ.ም. ባካሄደው ጉባዔ ከተመለከታቸው ጉዳዮች አንዱ፣ በኢትዮጵያና በኬንያ መንግሥታት መካከል በ‹ስታንዳርድ ጌጅ› ባቡር መስመር ዝርጋታ፣ አሠራርና አስተዳደር ዙሪያ ለመተባበር ያደረጉት ስምምነት አንዱ ነው፡፡

ስምምነቱ ሁለቱ አገሮች በጋራ የባቡር መሠረተ ልማት በመገንባት መተሳሰር መፈለጋቸው የተገለጠበት ከመሆኑም በላይ፣ አንድ ወጥ ‹ስታንዳርድ› ለመከተልና በጋራ ለማስተዳደር ጭምር የሚረዳ ነው ተብሏል፡፡

በሌላ በኩል የአፍሪካ አባል አገሮችን አካባቢያዊ ትስስር የሚያሳድግ መሆኑን፣ የኅብረተሰቡን ዓላማ የሚደግፍ እንደሆነ፣ የኢትዮጵያን ገቢና ወጪ ምርቶች በማጓጓዝ ፈጣን አገልግሎት በመፍጠር ኢኮኖሚያዊ ትስስርን የሚያጎለብት እንደሆነ ተጠቅሷል፡፡

ኢትዮጵያና ኬንያ በዳሙ ፕሮጀክት ሥር የባቡር መሠረተ ልማት ለመዘርጋት መስማማታቸውን ከዚህ ቀደም መዘገባችን ይታወሳል፡፡

ይህ ፕሮጀክት ከሞጆ ተነስቶ በሐዋሳ ወደ ሞያሌ ድንበር የሚጓዝ ሲሆን፣ በኢትዮጵያ መንግሥት የሚገነባ ነው፡፡ ከሞያሌ ወደ ሞምባሳ የሚዘረጋውን የባቡር መስመር ክፍል ደግሞ የኬንያ መንግሥት ለመገንባት የመግባቢያ ስምምነት መፈረሙን፣ ከወራት በፊት መዘገባችን አይዘነጋም፡፡

መንግሥት በራሳቸው ወጪ ገንብተው የትራንስፖርት አገልግሎቱን የሚያቀርቡ ኩባንያዎችን በ‹ፕራይቬት ፐብሊክ ፓርትነርሺፕ› ለማሠራት ፍላጎቱን አሳውቋል፡፡ በዚህም መነሻ የቻይና ኩባንያዎች ፍላጎታቸውን በመግለጽ ላይ ናቸው፡፡

 

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች