Sunday, April 21, 2024
- Advertisement -
- Advertisement -
ስፖርትአትሌቲክስ ፌዴሬሽን ብሔራዊ ሆቴልን ከሥራ ውጪ አደረገ

አትሌቲክስ ፌዴሬሽን ብሔራዊ ሆቴልን ከሥራ ውጪ አደረገ

ቀን:

በአዲስ አበባ ከተማ በርካታ ሆቴሎች እየተገነቡ ባሉበት በአሁኑ ወቅት፣ የኢትዮጵያ አትሌቲክስ ፌዴሬሽን በሥሩ የሚገኘውን ብሔራዊ ሆቴል ከመስተንግዶ አገልግሎት ውጪ እንዲሆን ወሰነ፡፡

የኢትዮጵያ አትሌቲክስ ፌዴሬሽን ለብሔራዊ ሆቴል አስተዳደር በቁጥር 1535/09 በጻፈው ደብዳቤ፣ ሆቴሉ ለወጣቶችና ስፖርት ሚኒስቴር ለቢሮ አገልግሎት እንዲውል የተከራየ በመሆኑ ከግንቦት 22 ቀን 2009 ዓ.ም. ሥራ እንዲያቆም አዟል፡፡

የአትሌቲክስ ፌዴሬሽን ትዕዛዝ መሠረት በማድረግ የብሔራዊ ሆቴል ዋና ሥራ አስኪያጅ አቶ መላኩ ብርሃን ለሆቴሉ የሥራ ኃላፊዎች ባስተላለፉት የውስጥ ማስታወሻ በተጠቀሰው ጊዜ ውስጥ የሒሳብ ሥራ እንዲጠናቀቅ፣ በውጭ ኦዲተር እንዲመረመር፣ የንብረት ቆጠራ እንዲደረግ፣ ያልተሰበሰበ የሽያጭ ገንዘብ እንዲሰበሰብና ክፍያዎችም እንዲጠናቀቁ አሳስበዋል፡፡

- Advertisement -

Video from Enat Bank Youtube Channel.

ስለሚያገኙት ጥቅማ ጥቅም እርግጠኛ መሆን ያልቻሉ የብሔራዊ ሆቴል ሠራተኞች ለሪፖርተር እንደገለጹት፣ ሆቴሉ ትርፋማ ሆኖ እያለ ሥራውን አስቁሞ ለቢሮ የማከራየት ጠቀሜታው አልገባቸውም፡፡

የኢትዮጵያ አትሌቲክስ ፌዴሬሽን ምክትል ፕሬዚዳንት አቶ ገብረ እግዚአብሔር ገብረማርያም ለሪፖርተር እንደገለጹት፣ የሆቴሉ ሥራ ትርፋማ ቢሆንም ፌዴሬሽኑ የያዘውን ዓላማ ከማሳካት አንፃር ከዚህ ሥራ ውስጥ እንዲወጣ ተደርጓል፡፡

‹‹ከወጣቶችና ስፖርት ሚኒስቴር ጋር ለመደጋገፍ አከራይተነዋል፤›› ሲሉ የገለጹት አቶ ገብረ እግዚአብሔር፣ ሠራተኞቹም የተሻለ ጥቅማ ጥቅም ያገኛሉ ብለዋል፡፡ የወጣቶችና ስፖርት ሚኒስቴር ሆቴል ዲሊኦፖል አጠገብ በሚገኝ ሕንፃ ውስጥ እንደሚገኝ ይታወቃል፡፡

በመሀል አዲስ አበባ መስቀል አደባባይ ከእስጢፋኖስ ቤተ ክርስቲያን ፊት ለፊት የሚገኘው ብሔራዊ ሆቴል ባለ ሰባት ፎቅ ነው፡፡ ሆቴሉ 50 የመኝታ ክፍሎችና የተለያዩ አገልግሎት መስጫ ክፍሎች አሉት፡፡

ሆቴሉ በቀዳማዊ ኃይለ ሥላሴ ዘመን በ1961 ዓ.ም. የተገነባ ሲሆን፣ በወቅቱ የተገነባበት ዓላማ ለመኖሪያ አፖርታማ እንዲውል ነበር፡፡ ነገር ግን በደርግ ዘመን በተለይ በ19ኛው የአፍሪካ መሪዎች ስብሰባ ወቅት የሆቴል ክፍሎች እጥረት በማጋጠሙ፣ አፓርትመንቱ የሆቴል አገልግሎት እንዲሰጥ ተወስኗል፡፡

ከዚያ ጊዜ በኋላ የሆቴል አገልግሎት በመስጠት ላይ እያለ የቀድሞው የፕራይቬታይዜሽንና የመንግሥት ልማት ድርጅቶች ተቆጣጣሪ ኤጀንሲ፣ ለአትሌቲክስ ፌዴሬሽን በ17.6 ሚሊዮን ብር ሽያጭ አስተላልፎታል፡፡

አትሌቲክስ ፌዴሬሽን ራሱን ለመደጎም በተለይ ለአፍሪካ ውድድሮች የተመረጡ አትሌቶችን ለማሳረፍ የገዛው ብሔራዊ ሆቴል፣ የዘርፍ ለውጥ እንዲያደርግ ወስኗል፡፡

አቶ ገብረ እግዚአብሔር እንዳሉት፣ አትሌቶቹን በዚህ ሆቴል ማሳረፍ ከባድ ነው፡፡ የከተማው የአየር ብክለት እየጨመረ በመምጣቱ አትሌቶች ከከተማ ውጭ ማረፍ ይኖርባቸዋል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ (ክፍል አንድ)

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...