Sunday, June 16, 2024
- Advertisement -
- Advertisement -

ዜናምርጫ ቦርድ የፖለቲካ ፓርቲዎች ሕጋዊ አሠራሮችን ባለማሟላታቸው የሚመደብላቸውን በጀት ለመልቀቅ ተቸገርኩ አለ

ምርጫ ቦርድ የፖለቲካ ፓርቲዎች ሕጋዊ አሠራሮችን ባለማሟላታቸው የሚመደብላቸውን በጀት ለመልቀቅ ተቸገርኩ አለ

ቀን:

መንግሥት ለፖለቲካ ፓርቲዎች በየዓመቱ የሚመደበውን የሥራ ማስኬጃ በጀት፣ ፓርቲዎቹ ሕጋዊ አሠራርን ማሟላት ባለመቻላቸው ለመክፈል መቸገሩን ብሔራዊ ምርጫ ቦርድ አስታወቀ፡፡

ቦርዱ ሐሙስ ግንቦት 17 ቀን 2009 ዓ.ም. የሥራ አፈጻጸም ሪፖርቱን ለፓርላማ ባቀረበበት ወቅት፣ በአገሪቱ ተመዝግበው ከሚንቀሳቀሱ የፖለቲካ ፓርቲዎች ውስጥ ከመንግሥት የተፈቀደውን በጀት ለማግኘት የሚያስችል ሕጋዊ አሠራሮችን አሟልተው የተገኙት ሦስት ብቻ መሆናቸውን አስረድቷል፡፡

የቦርዱ ሰብሳቢ ፕሮፌሰር መርጋ በቃና በፌዴራል መንግሥትና በክልል ምክር ቤቶች ውክልና ያላቸው ብቻ ከመንግሥት በጀት ማግኘት የሚችሉ መሆኑን ጠቁመው፣ በዚህ መሥፈርት መሠረት ሰባት የፖለቲካ ፓርቲዎች መለየታቸውን አስረድተዋል፡፡

- Advertisement -

ለእነዚህ የፖለቲካ ፓርቲዎች በ2008 ዓ.ም. አሥር ሚሊዮን ብር በጀት ከመንግሥት ተፈቅዶ ለምርጫ ቦርድ የተለቀቀ ቢሆንም፣ በውጭ ኦዲተር የተረጋገጠ ሪፖርትና ደረሰኞችን ማቅረብ የቻሉት ፓርቲዎች ግን ሦስት ብቻ መሆናቸውን ጠቅሰዋል፡፡

እነዚህም ገዢው ፓርቲ ኢሕአዴግ፣ የሶማሌ ሕዝብ ዴሞክራሲያዊ ፓርቲ (ሶሕዴፓ) እና የአፋር ብሔራዊ ዴሞክራሲያዊ ፓርቲ (አብዴፓ) እንደሆኑ ተናግረዋል፡፡ በዚህም መሠረት ለኢሕአዴግ 7.4 ሚሊዮን ብር፣ ለሶሕዴፓ 1.29 ሚሊዮን ብር፣ እንዲሁም ለአብዴፓ 352 ሺሕ ብር መከፈሉን ገልጸዋል፡፡ ቀሪዎቹ አራት ፓርቲዎች ሥርዓቱን ባለማሟላታቸው በጀት ማግኘት አለመቻላቸውን ገልጸዋል፡፡

በአገር አቀፍ ደረጃ 62 የፖለቲካ ፓርቲዎች ተመዝግበው የሚንቀሳቀሱ ቢሆንም፣ የሕግ ጉዳዮችን አሟልተው በመንቀሳቀስ ላይ የሚገኙት አሥር ፓርቲዎች ብቻ ናቸው ብለዋል፡፡

በፌዴራል ደረጃ የተመዘገቡት 22 ሲሆኑ፣ ቀሪዎቹ 40 ፓርቲዎች በክልሎች ተመዝግበው የሚንቀሳቀሱ መሆናቸውን በሪፖርታቸው ጠቁመዋል፡፡

ሕጎችን አላሟሉም ካሏቸው 52 ፓርቲዎች ውስጥ አራት ፓርቲዎች እስከነጭራሹ ጠቅላላ ጉባዔ አላካሄዱም፡፡ በ2010 ዓ.ም. በአዲስ አበባና በድሬዳዋ ከተማ አስተዳደር የምክር ቤቶች ምርጫ የሚካሄድ መሆኑን ያስታወሱት ፕሮፌሰር መርጋ፣ ለዚህም ቦርዱ ዝግጅት እያደረገ ነው ብለዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...