Wednesday, February 1, 2023
- Advertisement -
- Advertisement -
ዜናየት እንዳሉ ያልታወቁት የከፍተኛ ፍርድ ቤት ዳኛ በፓርላማው ተሰናበቱ

የት እንዳሉ ያልታወቁት የከፍተኛ ፍርድ ቤት ዳኛ በፓርላማው ተሰናበቱ

ቀን:

ላለፉት ስምንት ወራት በሥራ ገበታቸው ላይ ያልተገኙትና አድራሻቸውን ያጠፉት የከፍተኛው ፍርድ ቤት ዳኛ አቶ ልዑል ገብረ ማርያም፣ ከሥራቸው እንዲሰናበቱ ፓርላማው ወሰነ፡፡

የፌዴራል ዳኞች አስተዳደር ጉባዔ ለፓርላማው ባቀረበው የውሳኔ ሐሳብ፣ ዳኛው በ2009 ዓ.ም. ለተከታታይ ስምንት ወራት ‹‹በሕመም ምክንያት›› በሥራ ገበታቸው ላይ መገኘት አለመቻላቸውን ገልጿል፡፡

ዳኛው በሕመም ምክንያት ከሥራ ገበታቸው ቢቀሩም፣ ይኼንን ግን የዳኞች አስተዳደር ጉባዔ ማረጋገጥ አልቻለም፡፡

የዳኞች አስተዳደር ጉባዔ አባላት በጉዳዩ ላይ ያካሄዱት ስብሰባ ቃለ ጉባዔ ከውሳኔ ሐሳቡ ጋር ተያይዞ ቀርቧል፡፡ ‹‹ዳኛው በሕይወት ይኑሩ አይኑሩ የሚታወቅ ነገር የለም፣ ባለቤታቸውም ምንም መረጃ እንደሌላቸው ነው የገለጹልን፤›› የሚል መረጃ በቃለ ጉባዔው ላይ ሰፍሯል፡፡ በዚሁ ቃለ ጉባዔ ላይ የተነሳው ሌላ ጉዳይ ዳኛው ዕድሜአቸው 57 ዓመት ስለሆነና በጤና ምክንያት መሥራት ስላልቻሉ፣ የጡረታ መብታቸው ተከብሮ ከግንቦት 1 ቀን 2009 ዓ.ም. ጀምሮ እንዲሰናበቱ ወስኗል፡፡

በዚህ ውሳኔ ሐሳብ ላይ ፓርላማው ሲወያይ ግለሰቡ የት ነው የሚገኙት? በሕይወት አሉ ወይ? የሚለው ጥያቄ አከራካሪ የነበረ ቢሆንም፣ ምላሽ ሳይገኝለት ውሳኔው ፀድቋል፡፡

አቶ ልዑል ገብረ ማርያም ከ1990 ዓ.ም. ጀምሮ በፌዴራል ከፍተኛ ፍርድ ቤት በዳኝነት ሲያገለግሉ በነበሩባቸው ጊዜያት ትልልቅ ክሶችን በማስቻል ይታወቃሉ፡፡

ከእነዚህም መካከል ዓቃቤ ሕግ በ1997 ዓ.ም. ምርጫን ቀውስን ተከትሎ ክስ በመሠረተባቸው የቀድሞ የቅንጅት ለአንድነትና ዴሞክራሲ ፓርቲ አመራሮችና አባላት ጉዳይ፣ እንዲሁም በድምፃዊ ቴዎድሮስ ካሳሁን (ቴዲ አፍሮ) የነፍስ ማጥፋት ክስ ካስቻሉ ዳኞች መካከል አንዱ ናቸው፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...