Tuesday, November 29, 2022
ሌሎች ዓምዶች
    - Advertisement -
    - Advertisement -
    ማኅበራዊጣሊያናዊውን ወጣት ገድሏል የተባለው ተጠርጣሪ ክስ ተመሠረተበት

    ጣሊያናዊውን ወጣት ገድሏል የተባለው ተጠርጣሪ ክስ ተመሠረተበት

    ቀን:

    ከሁለት ወራት በፊት የካቲት 18 ቀን 2009 ዓ.ም. ከሌሊቱ 9፡30 ሰዓት ላይ በተፈጠረ አለመግባባት፣ ጃን ካርሎ ጉላ የተባለ ጣሊያናዊ ወጣት ገድሏል የተባለ ግለሰብ ግንቦት 2 ቀን 2009 ዓ.ም. በቦሌ ከፍተኛ ፍርድ ቤት አራተኛ ወንጀል ችሎት ክስ ተመሠረተበት፡፡

    የወንጀል ሕግ አንቀጽ 540 ማለትም ‹‹ማንም ሰው አገዳደሉ በአንቀጽ 539 የተመለከተውን ያህል ከባድ ወይም በአንቀጽ 541 የተመለከተውን ያህል ቀላል ባልሆነ ሁኔታ አስቦ ሌላውን ሰው የገደለ እንደሆነ፣ ከአምስት እስከ 20 ዓመታት በሚደርስ ጽኑ እስራት ይቀጣል›› ተብሎ የተደነገገውን በመተላለፍ፣ በጣሊያናዊው ወጣት ላይ ግድያ መፈጸሙን ከሳሽ ጠቅላይ ዓቃቤ ሕግ በክሱ ገልጿል፡፡

    ጣሊያናዊውን ወጣት ገድሏል ተብሎ በዓቃቤ ሕግ ክስ የተመሠረተበት ብሩክ ጫኔ ታዬ የሚባል ወጣት ሲሆን፣ ወጣቱ የወንጀል ሕግ አንቀጽ 809 በመተላለፍ የተከለከለ የጦር መሣሪያ ይዞ መገኘቱምን ጠቅሶ ዓቃቤ ሕግ ሁለተኛ ክስ አቅርቦበታል፡፡

    በክስ አመሠራረቱ ላይ ምርመራውን በሠራው የአዲስ አበባ ፖሊስ ኮሚሽንና በከሳሽ ዓቃቤ ሕግ መካከል አለመግባባት ተፈጥሮ እንደነበር ሪፖርተር ከምንጮች አረጋግጧል፡፡ አለመግባባቱ የተፈጠረው የኮሚሽኑ የምርመራ ቡድን ምርመራውን እንዳጠናቀቀ፣ የምርመራ ሰነዱን ለዓቃቤ ሕግ ሲያስተላልፍ ዓቃቤ ሕግ የወንጀል ሕግ አንቀጽ 543 ማለትም ‹‹በቸልተኝነት ሰው መግደል ወንጀል›› የሚለውን በመጥቀሱ መሆኑ ታውቋል፡፡

    ኮሚሽኑ የተጠቀሰው የሕግ አንቀጽ ተገቢነት እንደሌለው በመጥቀስ ለፌዴራል ጠቅላይ ዓቃቤ ሕግ ይግባኝ በማለቱ፣ ይግባኙ ተቀባይነት አግኝቶ አንቀጹ ወደ 540 ተቀይሮ ክሱ መመሥረቱ ታውቋል፡፡ ፍርድ ቤቱ ክሱን ካነበበ በኋላ ዓቃቤ ሕግ የሰነድና የቪዲዮ ማስረጃዎችን ለተከሳሽ እንዲሰጥ ትዕዛዝ በመስጠት ለግንቦት 9 ቀን 2009 ዓ.ም. ቀጠሮ ሰጥቷል፡፡

    ሟች ጃን ካርሎስ ጉላ በቦሌ ክፍለ ከተማ ወረዳ ሦስት ልዩ ሥፍራው ፍሬንድሺፕ ኢንተርናሽናል ሆቴል ሥር በሚገኘው ኤቪ ናይት ክለብ ውስጥ በመዝናናት ላይ እያለ ስልክ ተደውሎለት ሲወጣ፣ በተኩስ መገደሉንና የካቲት 21 ቀን 2009 ዓ.ም. ጄኔራል ዊንጌት ቴክኒክና ሙያ ማሠልጠኛ ተቋም ፊት ለፊት በሚገኘው የካቶሊካውያን መካነ መቃብር የቀብር ሥርዓቱ መፈጸሙን መዘገባችን አይዘነጋም፡፡ 

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...