Thursday, December 1, 2022
ሌሎች ዓምዶች
    - Advertisement -
    - Advertisement -
    ዜናየግብርና ምርቶች መጋዘን አገልግሎት ድርጅት ከቀድሞ ድርጅቱ ጋር ሊዋሀድ ነው

    የግብርና ምርቶች መጋዘን አገልግሎት ድርጅት ከቀድሞ ድርጅቱ ጋር ሊዋሀድ ነው

    ቀን:

    የኢትዮጵያ ግብርና ምርቶች መጋዘን አገልግሎት ድርጅት የቀድሞ እናት ድርጅቱ ከሆነው የኢትዮጵያ ምርት ገበያ ጋር ሊዋሀድ ነው፡፡

    ከዘጠኝ ዓመታት በፊት የተቋቋመው የኢትዮጵያ ምርት ገበያ ዋነኛ ሥራው ከሆነው የግብርና ምርቶች ማገበያየት በተጨማሪ፣ የምርት ደረጃን የማውጣትና የመጋዘን አገልግሎት ሲሸጥ መቆየቱ ይታወቃል፡፡

    ለስምንት ዓመታት እነዚህን አገልግሎቶች በአንድ ጣሪያ ሥር ሲሰጥ የቆየው የኢትዮጵያ ምርት ገበያ፣ ከዋና መሥራቹና የመጀመሪያዋ ሥራ አስፈጻሚ እሌኒ ገበረ መድኅን (ዶ/ር) እና ሌሎች የሥራ ባልደረቦች መልቀቅ በኋላ ውጥንቅጥ ውስጥ እንደገባ ይነገራል፡፡

    ይህንን ችግር ለመፍታት የሚመለከታቸው የመንግሥት መሥሪያ ቤቶች ማለትም የኢትዮጵያ ምርት ገበያ ባለሥልጣንና የንግድ ሚኒስቴር ከባለድርሻ አካላት ጋር በመሆን ለመንግሥት የመፍትሔ ሐሳብ ከሦስት ዓመት በፊት ማቅረባቸው ይታወቃል፡፡

    የኢትዮጵያ ምርት ገበያ ሙሉ ለሙሉ የግብርና ምርቶችን የማገበያየት ሥራ ላይ ብቻ እንዲያተኩር፣ በሥሩ የሚገኘው የመጋዘን አገልግሎት ከማገበያየት ባህሪ ጋር የማይገናኝና ዓለም አቀፍ ተሞክሮውም ይህንኑ የሚያሳይ በመሆኑ እንዲለያዩ ሲሉ ባለሙያዎቹ ምክረ ሐሳባቸውን ለመንግሥት በሰነድ ማቅረባቸው ይታወሳል፡፡ ከዚህ በኋላ የሚኒስትሮች ምክር ቤት በ2007 ዓ.ም. ባወጣው ደንብ የኢትዮጵያ ግብርና ምርቶች የመጋዘን አገልግሎት ኢንተርፕራይዝ ራሱን ችሎ እንዲቋቋም አድርጓል፡፡ በዚህም መሠረት የኢትዮጵያ ምርት ገበያ ሙሉ ለሙሉ የማገበያየት ተግባር ላይ አተኩሮ ላለፉት ሁለት ዓመታት ሲሠራ ቆይቷል፡፡

    ይህ አገልግሎት ግን ከሁለት ዓመታት በላይ መዝለቅ አልቻለም፡፡ በምርት ገበያው የሚገበያዩ ላኪዎችና አቅራቢዎች ከፍተኛ ሮሮ ለመንግሥት ካቀረቡ በኋላ፣ መንግሥት የኢትዮጵያ የግብርና ምርቶች መጋዘን አገልግሎት ድርጅት ፈርሶ አገልግሎቱ ወደ እናት ድርጅቱ ምርት ገበያ እንዲመለስ ወስኗል፡፡

    የኢትዮጵያ ምርት ገበያ ማቋቋሚያ አዋጅን ለማሻሻል የተረቀቀ አዋጅም ሐሙስ ግንቦት 3 ቀን 2009 ዓ.ም. ለፓርላማ ቀርቧል፡፡ ከረቂቅ አዋጁ ጋር አባሪ የተደረገው ማብራሪያ የመጋዘን አገልግሎት ድርጅቱ እንዲፈርስ በመንግሥት መወሰኑን ይገልጻል፡፡

    ‹‹የመጋዘን አገልግሎት ከግብይት ሥራ ጋር ተጣምሮ በኢትዮጵያ ምርት ገበያ እንዲከናወን ማድረጉ፣ በግብይት ሰንሰለት ላይ የሚታዩ የተጋነኑ ወጪዎችን ለመቀነስ የተያዘውን ሥራ ለማሳካት ካለው ከፍተኛ ጠቀሜታ በተጨማሪ፣ የገበያ መረጃ ቅብብሎሽን ለማሳለጥ ያለው ጠቀሜታ ከፍተኛ መሆኑን ከግንዛቤ በማስገባት የመጋዘን አገልግሎት ድርጅት ፈርሶ መብትና ግዴታው ለምርት ገበያው እንዲተላለፍ በሚኒስትሮች ምክር ቤት ተወስኗል፤›› ይላል፡፡ ይህ በመሆኑም የምርት ገበያውን የተፈቀደ ካፒታል በ1.2 ቢሊዮን ብር ለማሳደግ ማሻሻያው ቀርቧል፡፡

    ረቂቅ ማሻሻያ አዋጁ በዝርዝር እንዲታይ ለፖርላማው ንግድ ጉዳዮች ቋሚ ኮሚቴ ተመርቷል፡፡ 

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...