Thursday, May 23, 2024
- Advertisement -
- Advertisement -

ዜናበኢትዮጵያ ብሮድካስቲንግ ኮርፖሬሽን አሠራር ላይ ጣልቃ የሚገቡ እጃቸውን እንዲሰበስቡ ፓርላማው ወሰነ

በኢትዮጵያ ብሮድካስቲንግ ኮርፖሬሽን አሠራር ላይ ጣልቃ የሚገቡ እጃቸውን እንዲሰበስቡ ፓርላማው ወሰነ

ቀን:

የኢትዮጵያ ብሬድካስቲንግ ኮርፖሬሽንን (ኢቢሲ) የመረጃ አቀራረብ ሥርዓትን የተቸው ፓርላማው፣ በተቋሙ ሙያዊ ነፃነት ላይ በተለያየ መንገዶች ጣልቃ የሚገቡ አካላት እጃቸውን እንዲሰበስቡ ውሳኔ አስተላለፈ፡፡

ፓርላማው ሚያዚያ 26 ቀን 2009 ዓ.ም. ባካሄደው መደበኛ ስብሰባ የኢትዮጵያ ብሮድካስቲንግ ኮርፖሬሽን የሥራ አመራር ቦርድና ሥራ አስፈጻሚዎችን በመጥራት ተቋሙ የሕዝብ ድምፅ መሆን እንዳልቻለ፣ ከፍተኛ የንግድ ሥራ ላይ እንዳተኮረና በሥራ አስፈጻሚው ጣልቃ ገብነት የሙያ ነፃነቱን ያጣ ተቋም መሆኑን በመግለጽ ትችቶችን ስለመሰንዘሩ መዘገባችን ይታወሳል፡፡

በዚሁ ስብሰባ የፓርላማው የባህል ቱሪዝምና መገናኛ ብዙኃን ጉዳዮች ቋሚ ኮሚቴ፣ በተቋሙ ላይ ፓርላማው ሊወስድ ስለሚገባው ዕርምጃ የውሳኔ ሐሳብ ይዞ እንዲቀርብም ታዞ ነበር፡፡

- Advertisement -

በዚሁ መሠረት ሐሙስ ግንቦት 3 ቀን 2009 ዓ.ም. ቋሚ ኮሚቴው የውሳኔ ሐሳቡን ይዞ ቀርቧል፡፡ በኮርፖሬሽኑ አሠራር ላይ በተለያዩ መንገዶች ጣልቃ የሚገቡ አካላት እጃቸውን እንዲሰበስቡ፣ ተቋሙ ለረዥም ዓመታት ከነበሩበት ችግሮች ተላቆ የሚጠበቅበትን ተልዕኮ ግልጽነትና ተጠያቂነት ባለው አኳኋን እንዲወጣ በማለት ውሳኔውን አሳልፏል፡፡

ኮርፖሬሽኑ ሥር ነቀል ለውጥ ማምጣት እንደሚያስፈልገው ያመላከቱ ችግሮች መኖራቸው በምክር ቤቱ በመታመኑ የሚታዩትን የአመለካከት፣ የአሠራር፣ የአደረጃጀትና የኪራይ ሰብሳቢነት ተግባራት እንዲያስተካክል የአመራር ቦርዱ ጠንካራ የለውጥ አመራር ቡድን በጥናት ላይ ተመሥርቶ እንዲገነባ ውሳኔ ላይ ደርሷል፡፡

የፓርላማ ውሎዎችን በመዘገብ ረገድ ፓርላማው ያስተዋላቸው እጥረቶችን የተመለከተ ሪፖርት በ15 ቀናት ጊዜ ውስጥ የኮርፖሬሽኑ አመራር እንዲያቀርብ ታዟል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...