Tuesday, July 23, 2024
- Advertisement -
- Advertisement -
ዜናየተመድ ሰብዓዊ መብት ከፍተኛ ኮሚሽነር በኢትዮጵያ የሰብዓዊ መብት አያያዝ ላይ ለመነጋገር ሊመጡ...

የተመድ ሰብዓዊ መብት ከፍተኛ ኮሚሽነር በኢትዮጵያ የሰብዓዊ መብት አያያዝ ላይ ለመነጋገር ሊመጡ ነው

ቀን:

የተባበሩት መንግሥታት ድርጅት (ተመድ) የሰብዓዊ መብት ከፍተኛ ኮሚሽነር ዘይድ ራአድ አል ሁሴን በሚቀጥለው ሳምንት ኢትዮጵያ ሊመጡ መሆኑ ታወቀ፡፡ ኮሚሽነሩ የሚመጡት በኢትዮጵያ የሰብዓዊ መብት አያያዝ ላይ ለመነጋገር ነው ተብሏል፡፡

የኢትዮጵያ መንግሥት ባደረገላቸው ግብዣ መሠረት ኮሚሽነሩ ከሚያዝያ 24 ቀን 2009 ዓ.ም. ጀምሮ ለሦስት ቀናት አዲስ አበባ የሚቆዩ መሆናቸውን የሪፖርተር ምንጮች ጠቁመዋል፡፡ በቆይታቸውም ከጠቅላይ ሚኒስትር ኃይለ ማርያም ደሳለኝ፣ ከሕዝብ ተወካዮች ምክር ቤት አፈ ጉባዔ አባዱላ ገመዳ፣ ከኢትዮጵያ ሰብዓዊ መብት  ኮሚሽነር አዲሱ ገብረ እግዚአብሔር (ዶ/ር)፣ ከኢትዮጵያ ሲቪል ማኅበረሰብና ከፖለቲካ ፓርቲዎች ጋር ተገናኝተው እንደሚነጋገሩ ምንጮች ጠቁመዋል፡፡

ኮሚሽነሩ ምንም እንኳ በኢትዮጵያ መንግሥት ግብዣ የሚመጡ ቢሆንም፣ ከዚህ በፊት የነበረውን የኢትዮጵያ ሰብዓዊ መብት አያያዝ እንደሚፈትሹ ተጠቁሟል፡፡ 

ኮሚሽነሩ የአፍሪካ ኅብረት ኮሚሽን ሊቀመንበር ሙሳ ፉኪ ማሃማትን ጨምሮ ከኅብረቱ የሰላምና ደኅንነት ኮሚሽነር ሰማይል ቼርጉይና ከኅብረቱ የፖለቲካ ጉዳዮች ኮሚሽነር ሴሱማ ሚናታ ሳማታ ጋር ተገናኝተው፣ ስለአፍሪካ ሰብዓዊ መብት አያያዝና ሌሎች ተያያዥ ጉዳዮች እንደሚመክሩ የተመድ የሰብዓዊ መብት ከፍተኛ ኮሚሽን ቢሮ አስታውቋል፡፡   

ኮሚሽነር ዘይድ ኢትዮጵያ የሚመጡት አገሪቱ በአስቸኳይ ጊዜ አዋጅ ውስጥ ባለችበት ወቅት ከመሆኑም በላይ፣ የተባበሩት መንግሥታት ድርጅትና የአውሮፓ ኅብረት ሰብዓዊ መብት ኮሚሽን የኢትዮጵያን መንግሥት ሰብዓዊ መብት አያያዝ ለመፈተሽ ጥያቄ አቅርበው ውድቅ በተደረገበት ማግሥት መሆኑ፣ ጉዳዩ ትኩረት እንዲሰጠው እንዳደረገ መረጃዎች ጠቁመዋል፡፡

ከሳምንት በፊት የኢትዮጵያ ሰብዓዊ መብት ኮሚሽን ባወጣው መረጃ መሠረት በአገሪቱ ተቀስቅሶ በነበረው ሁከት ከስድስት መቶ በላይ ዜጎች ሕይወታቸው መጥፋቱ ተዘግቧል፡፡ ኮሚሽነሩ በአዲስ አበባ በሚኖራቸው ቆይታ፣ የኢትዮጵያን ሰብዓዊ መብት አያያዝ ከመፈተሽ ባሻገር፣ የኢትዮጵያ መንግሥት በሰብዓዊ መብት አያያዝ ላይ ዘላቂ የሆነ መፍትሔ እንዲከተል አቅጣጫ ጠቋሚ ምክረ ሐሳብ እንደሚያቀርቡ ምንጮች ጠቁመዋል፡፡

በጉብኝታቸው ማጠቃለያም በአፍሪካ ኢኮኖሚክ ኮሚሽን የስብሰባ አዳራሽ ተገኝተው፣ ስለኢትዮጵያና አፍሪካ አገሮች የሰብዓዊ መብት አያያዝ ሰፋ ያለ ጋዜጣዊ መግለጫ እንደሚሰጡ የተመድ የሰብዓዊ መብት ከፍተኛ ኮሚሽን ቢሮ አስታውቋል፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...