Wednesday, April 17, 2024
- Advertisement -
- Advertisement -
ማኅበራዊየአዲስ አበባ ውኃ ታሪፍ ጭማሪ በጠቅላይ ሚኒስትሩ ታገደ

የአዲስ አበባ ውኃ ታሪፍ ጭማሪ በጠቅላይ ሚኒስትሩ ታገደ

ቀን:

የአዲስ አበባ ከተማ አስተዳደር ካቢኔ የውኃ ታሪፍ ጭማሪ እንዲደረግ ውሳኔ ቢያሳልፍም፣ ጠቅላይ ሚኒስትር ኃይለ ማርያም ደሳለኝ ውሳኔው ተግባራዊ እንዳይደረግ ትዕዛዝ መስጠታቸው ተሰማ፡፡

የአዲስ አበባ ከተማ አስተዳደር ካቢኔ፣ እንዲሁም የአዲስ አበባ ውኃና ፍሳሽ ባለሥልጣን ሥራ አመራር ቦርድ ለከተማው ነዋሪዎች በሚቀርበው ውኃ ታሪፍ ላይ ማሻሻያ (ጭማሪ) እንዲደረግ በበጀት ዓመቱ መጀመርያ ውሳኔ አሳልፈው ነበር፡፡

የታሪፍ ጭማሪው መነሻ የአዲስ አበባ ከተማ የውኃ ታሪፍ ከሌሎች የኢትዮጵያ ከተሞችና ከሌሎች የአፍሪካ ከተሞች ጋር ሲነፃፀር ዝቅተኛ በመሆኑ፣ ይህ የታሪፍ ምጣኔ ዝቅተኛ መሆኑ ደግሞ ባለሥልጣኑ ለሚያከናውናቸው ግዙፍ ፕሮጀክቶች ሁነኛ የፋይናንስ ምንጭ መሆን ባለመቻሉ ነው ተብሏል፡፡

- Advertisement -

Video from Enat Bank Youtube Channel.

የባለሥልጣኑ ባለሙያዎች በተለያዩ አማራጮች የታሪፍ ጭማሪ ጥናት ካካሄዱ በኋላ ማሻሻያው በሥራ አመራር ቦርዱና በካቢኔው ተቀባይነት ቢያገኝም፣ በመጨረሻ በጠቅላይ ሚኒስትር ኃይለ ማርያም ትዕዛዝ ተግባራዊ እንዳይደረግ መታገዱ ተረጋግጧል፡፡

የአዲስ አበባ ከተማ ውኃና ፍሳሽ ባለሥልጣን ዋና ሥራ አስኪያጁ አቶ አወቀ ኃይለ ማርያም ለሪፖርተር እንደገለጹት፣ የታሪፍ ጭማሪው ተግባራዊ ከመደረጉ በፊት አገልግሎት አሰጣጡን የተሻለ ደረጃ ማድረስ ያስፈልጋል በሚል ምክንያት፣ ጠቅላይ ሚኒስትሩ ጭማሪው እንዲዘገይ አድርገዋል፡፡

አቶ አወቀ ጨምረው እንደገለጹት፣ የንፁህ ውኃ የማምረቻ ዋጋ በየጊዜው እየጨመረ መጥቷል፡፡ አንድ ሜትር ኪዩብ ንፁህ ውኃ የማምረቻ ዋጋ ከስድስት ብር በላይ መሆኑን፣ ነገር ግን ለኅብረተሰቡ በተለይም ዝቅተኛ ገቢ ላለው የማኅበረሰብ ክፍል ከሁለት ብር ባነሰ ዋጋ ይቀርባል ብለዋል፡፡

ይህንን በተመለከተ በተደረገው ጥናት የኅብረተሰቡን አቅም ያገናዘበ የታሪፍ ጭማሪ ተደርጎ እንደነበር፣ ከባለሥልጣኑ የተገኙ መረጃዎች ይጠቁማሉ፡፡  

የአዲስ አበባ ከተማ አስተዳደር ከራሱ ግምጃ ቤትና በገንዘብና ኢኮኖሚ ትብብር ሚኒስቴር ዋስትና ከውጭ በሚያገኘው ብድር በአሥር ቢሊዮን ብር ወጪ፣ በርካታ የውኃና የፍሳሽ ፕሮጀክቶችን በማካሄድ ላይ ነው፡፡

በሁለቱም አገልግሎቶች የሚያስከፍለውና ለሚሰጠው አገልግሎት የሚያወጣው ወጪ የተመጣጠነ ባለመሆኑ፣ የከተማ አስተዳደሩ የውኃና ፍሳሽ ባለሥልጣንን እንደሚደረጉም ተገልጿል፡፡

ባለሥልጣኑ ከዚህ ችግር ለመውጣትና በራሱ ገቢ ራሱን ለመቻል የውኃ ታሪፍ ጭማሪ ማድረግ የሚጠበቅበት ቢሆንም፣ የታሪፍ ለውጥ ሳያደርግ ከአሥር ዓመት በላይ እንደሆነው ተገልጿል፡፡  

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...