Thursday, February 9, 2023
- Advertisement -
- Advertisement -
ማኅበራዊየአውሮፓ ኅብረት ኢትዮጵያውያን ስደተኞችን በአገራቸው ለመግታት የሥራ ዕድል ፓኬጅ አረቀቀ

የአውሮፓ ኅብረት ኢትዮጵያውያን ስደተኞችን በአገራቸው ለመግታት የሥራ ዕድል ፓኬጅ አረቀቀ

ቀን:

  • ሁለት የኢንዱስትሪ ፓርኮችን ለማልማት የገንዘብ ድጋፍ አቅርቧል

በአስቸጋሪ ሁኔታዎች ውስጥ ወደ አውሮፓ አገሮች ለሚሰደዱ ኢትዮጵያውያን የሥራ ዕድሎችን በመፍጠር፣ በአገራቸው እንዲቆዩ ለማድረግ የሚያስችል ፓኬጅ የአውሮፓ ኅብረት አዘጋጀ፡፡

ኅብረቱ ያዘጋጀው ፓኬጅ ‹‹የኢትዮጵያ የሥራ ዕድል ፓኬጅ ስምምነት›› የሚል መጠሪያ ያለው መሆኑን፣ ሪፖርተር ከውጭ ጉዳይ ሚኒስቴር ያገኘው መረጃ ያመለክታል፡፡

ይህ የስምምነት ማዕቀፍ በዋነኝነት የስደት መሠረታዊ ምክንያቶች የሆኑትን ድህነትንና ሥራ አጥነትን ለመቅረፍ የሚያስችል መሆኑን ለማወቅ ተችሏል፡፡ ይህ የትብብር ስምምነት በመጀመሪያ በኢትዮጵያ መንግሥት መነሻ ሐሳብ አቅራቢነት የተጠነሰሰ መሆኑን የሚገልጹት የውጭ ጉዳይ ምንጮች፣ በኋላም የአውሮፓ ኅብረትንና የኅብረቱ አባል አገሮችን ድጋፍ እንዳገኘ ገልጸዋል፡፡

ረቂቅ የትብብር ስምምነቱ በኢትዮጵያና በኅብረቱ ሲፀደቅ ለኢትዮጵያውያን ተጠቃሚነትን የሚያረጋግጡ ፕሮጀክቶች ይፋ እንደሚደረጉም ታውቋል፡፡ ፕሮጀክቶቹ ከኢትዮጵያ መንግሥት አጠቃላይ የኢኮኖሚ ፖሊሲ ጋር የሚጣጣሙ መሆናቸውም ተገልጿል፡፡

በዚህ መሠረት የመጀመሪያ ምዕራፍ ተግባር ሁለት የኢንዱስትሪ ፓርኮችን ማልማት ነው፡፡ የአውሮፓ ልማት ባንክ፣ የአውሮፓ ኅብረት የስደተኞች ፈንድና የእንግሊዝ መንግሥት እስከ 700 ሚሊዮን ዶላር ለመለገስ ፍላጎት ማሳየታቸው ታውቋል፡፡

ከዚህ ጋር በተገናኘ የእንግሊዝ የውጭ ጉዳይ ሚኒስትር ቦሪስ ጆንሰን ባለፈው ወር አዲስ አበባን ሲጎበኙ ከመንግሥት ባለሥልጣናት ጋር ተወያይተዋል፡፡ የእንግሊዝ ዓለም አቀፍ ትብብር ሚኒስትር ፕሪቲ ፓቴል በዚህ በዚህ ዓመት የሐዋሳ ኢንዱስትሪ ፓርክን መጎብኘታቸውንና አገራቸው ለኢትዮጵያ የምታደርገው ዕርዳታ በኢኮኖሚ ልማት ላይ እንደሚያተኩር መግለጻቸውን መዘገባችን አይዘነጋም፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...