Sunday, April 21, 2024
- Advertisement -
- Advertisement -
ሥነ ፍጥረትዋዥምቢት እና የመስማት ችሎታዋ

ዋዥምቢት እና የመስማት ችሎታዋ

ቀን:

ከነፍሳት ወገን የሆነችው ዋዥምቢት፣ ዋዝንቢት ሌላው መጠርያ ስሟ ነው፡፡ በየኔታ ደስታ ተክወልድ ዐዲስ ያማርኛ መዝገበ ቃላት እንደተገለጸው፣ ዋዥምቢት ጥቁር ትል እህል አጥፊ ናት፡፡ የተለያዩ ቀለም እንዳላትም ይታወቃል፡፡ አንዱ አረንጓዴ ዓይነትማ ነው፡፡

በጄደብሊው ዶት ኦርግ ድረ ገጽ እንደተጻፈው፣ በደቡብ አሜሪካ የምትገኘው የዛፍ ዋዝንቢት (Bush katydid) ጆሮ፣ ከአንድ ሚሊ ሜትር ያነሰ ሲሆን የሚሠራው ግን የሰው ልጆች ጆሮ ከሚሠራበት መንገድ ጋር በሚመሳሰል መልኩ ነው። ይህች ነፍሳት (ኮፒፎራ ጎርጎኔንሲስ) የተለያዩ ዓይነት የድምፅ ሞገዶችን ከረጅም ርቀት መለየት ትችላለች። ዋዝንቢቶችና የሌሊት ወፎች፣ የሰው ልጆች ሊሰሙት የማይችሉ ድምፅ ያወጣሉ፤ ይህች ዋዝንቢት ግን በእነዚህ ድምፆች መካከል ያለውን ልዩነት ማወቅ ስለምትችል ሌላ ዋዝንቢት የሚያሰማውን ድምፅ፣ አዳኝ የሆነ የሌሊት ወፍ ከሚያሰማው ድምፅ ለመለየት አትቸገርም።

የዋዝንቢት ጆሮ የሚገኘው በሁለት የፊት እግሮቿ ላይ ነው። የዚህች ነፍሳት ጆሮ ልክ እንደ ሰው ጆሮ የድምፅ ሞገዶችን ይቀበላል፤ ይቀይራል እንዲሁም የድምፅ ሞገዶችን ዓይነት ይለያል። የሳይንስ ሊቃውንት፣ በዚህች ነፍሳት ጆሮ ውስጥ ሞላላ ፊኛ የመሰለና በታመቀ ፈሳሽ የተሞላ አንድ ልዩ ነገር አግኝተዋል። አኩስቲክ ቬሲክል የሚል መጠሪያ የሰጡት ይህ ነገር የሚሠራው፣ በአጥቢ እንስሳት ውስጥ ከሚገኘው ኮክልያ (በጆሮ ውስጠኛ ክፍል የሚገኝ አካል) ጋር በሚመሳሰል መንገድ ነው፤ መጠኑ ግን ከኮክልያ በጣም ያንሳል። ዋዝንቢት አስደናቂ የሆነ የመስማት ችሎታ ሊኖራት የቻለው በአኩስቲክ ቬሲክል ምክንያት ነው።ዋዥምቢት እና የመስማት ችሎታዋ

- Advertisement -

Video from Enat Bank Youtube Channel.

በብሪታንያ የብሪስቶል የሥነ ሕይወት ሳይንስ ዩኒቨርሲቲ ፕሮፌሰር የሆኑት ዳንኤል ሮበርት፣ ይህ ግኝት “በተፈጥሮ ንድፍ ላይ የተመሠረቱ፣ መጠናቸው ከአሁኖቹ የማዳመጫ መሣሪያዎች ያነሱና እስካሁን ከነበሩት ሁሉ የተሻሉ የማዳመጫ መሣሪያዎችን ለመሥራት” መሐንዲሶችን እንደሚረዳቸው ገልጸዋል። በተጨማሪም ግኝቱ፣ ሆስፒታሎች ለምርመራ የሚጠቀሙባቸውን መሣሪያዎች ጨምሮ በአልትራሶኒክ የምሕንድስና ዘርፍ ከፍተኛ ደረጃ ላይ ለመድረስ እገዛ እንደሚያደርግ ተመራማሪዎች ያምናሉ።

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...