Monday, September 25, 2023
- Advertisement -
- Advertisement -
ዝንቅምስል በንቅሳት

ምስል በንቅሳት

ቀን:

በታላቁ የኢትዮጵያ ሕዳሴ ግድብ ከሚሠሩ የሳሊኒ ቅጥረኞች አንዱ ጣሊያናዊ፣ የታዋቂዋን አሜሪካዊት የሆሊውድ ተዋናይትና ሞዴል ማድሊን ሞንሮ ምስል እግሩ ላይ ተነቅሷል፡፡ መጋቢት 24 ቀን 2009 ዓ.ም. ጋዜጠኞች በሥፍራው ጉብኝት ባደረጉበት ወቅት ዳንኤል ጌታቸው በምስል ያስቀረው፡፡

ቤቱ ተሰደደ

እሷን አስለምጄው ጎጆዬ ለማዳው

ሳሎንና ጓዳ፣ አልጋውና ሶፋው

ፍስስ ያለችበት እልፍኙ በረንዳው

አበባ ጠረኗን ውብ አካሏን ወዶ

ሙያ ከጨዋታ ስንት ነገር ለምዶ

ዛሬ ብትቀርበት

እግሯ ቢርቅበት

ሳቋ ቢጎድልበት

ምን ዓይነት ፍርጃ ነው እንዲህ ያለው ጣጣ

እኔ ቤት ገብቼ ቤቴ ከደጅ ወጣ

ሰለሞን ሞገስ፣ (ብሌን ታኅሣሥ 2007)

* * *

የካውቦይ ጫማ የመሰለ ቤት

በግንባታ ዘርፍ የተሰራማው የፎኒክስ ባለቤት አርክቴክቱ ዳን ፊሊፕ 35 ጫማ ርዝመት ያለው በካውቦይ ቡትስ ጫማ መልክ የተሠራ ቤት ለኪራይ አቀረበ፡፡

ከዚህ ቀደም ዓለም ላይ በዚህ መልክ ተሠርቶ አይታወቅም የተባለው ቤት አብዛኛው ክፍል የተሠራው፣ መልሶ ጥቅም ላይ ከዋሉ ቁሳቁሶች ነው፡፡

አርክቴክት ፊሊፕ በሂዩስተን ቴክሳስ የሠራውን ቤት አስመልክቶ እንደተናገረው፣ ሁለት መኝታ፣ አንድ መታጠቢያ ክፍሎችና ከጣራው በላይ መዝናኛ ሥፍራ ያለውን ቤት ሠርቶ ለማጠናቀቅ አንድ ዓመት ከስድስት ወራት ፈጅቶበታል፡፡

በቀጣይ የካውቦይ ክፍያ የመሰለ ቤት ለመሥራት ማቀዱንም ኤምኤስኤን  ዘግቧል፡፡     

* * *

የሠርግ ሥነ ሥርዓት ታዳሚዎችን ከአጥፍቶ ጠፊ የታደገ ውሻ

በአሥራዎቹ ዕድሜ የነበረችው አጥፍቶ ጠፊ በናይጄሪያ ቤልቢሎ መንደር በመከናወን ላይ በነበረው የሠርግ ሥነ ሥርዓት ስትቀላቀል አጥፍቶ ጠፊ ናት ብሎ የጠረጠረ ታዳሚ አልነበረም፡፡ በሥፍራው የነበረ ውሻ ግን በአጥፍቶ ጠፊዋ ላይ ዘሎ በመውጣት፣ በመነካከስና በመጎተት የታጠቀችው ቦንብ አብሮ እንዲፈነዳ አድርጓል፡፡ አሶሺየትድ ፕሬስ የአካባቢው ፖሊስ ቃል አቀባይ ቪክቶር አስኩን ጠቅሶ፣ ውሻው በሠርግ ሥነ ሥርዓት የታደሙትን ሰዎች ራሱን በመሰዋት ታድጓል ብሏል፡፡

* * *

የትራስ ድብድብ

የሎስአንጀለስ ነዋሪዎች ዓለም አቀፍ የትራስ ድብድብ ቀንን ለማክበር ከላባ የተሠራ ትራሳቸውን ይዘው የወጡት ባሳለፍነው ሳምንት ነበር፡፡ አሶሽየትድ ፕሬስ እንደሚለው፣ የሌሊት ልብስ ለብሰው፣ የአፍንጫ መሸፈኛ አድርገውና ትራሳቸውን አንግበው የወጡት ነዋሪዎች፣ በትራስ ሲደባደቡ ሥፍራውን ከተቀዳደዱ ትራሶች በሚወጡ ላባዎች በክለውትና መሬቱንም በረዶ የለበሰ አስመስለውት ነበር፡፡

ለአንድ ሰዓት በቆየው የትራስ ድብድብ ታዳጊ ሕፃናት፣ ወጣቶች ጎልማሶችና አዛውንቶች ተሳታፊ ሆነዋል፡፡  

* * *

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የቤት ባለንብረቶች የሚከፍሉትን ዓመታዊ የንብረት ታክስ የሚተምን ረቂቅ አዋጅ ተዘጋጀ

በአዋጁ መሥፈርት መሠረት የክልልና የከተማ አስተዳደሮች የንብረት ታክስ መጠን...

እንደ ንብረት ታክስ ያሉ ወጪን የሚያስከትሉ አዋጆች ከማኅበረሰብ ጋር ምክክርን ይሻሉ!

የመንግሥትን ገቢ በማሳደግ ረገድ አስተዋጽኦ እንዳላቸው የሚታመኑት የተጨማሪ እሴት...

ለዓለምም ለኢትዮጵያም ሰላም እንታገል

በበቀለ ሹሜ ያለፉት ሁለት የዓለም ጦርነቶች በአያሌው የኃያል ነን ባይ...