Monday, July 15, 2024
- ማስታወቂያ -
- ማስታወቂያ -

ትምህርት ሚኒስቴር ባወጣው ጨረታ አንድ አገር በቀል ድርጅት ብቻ መቅረቡ ታወቀ

ተዛማጅ ፅሁፎች

ትምህርት ሚኒስቴር 64 የትምህርት ዓይነቶችን ለማዘጋጀትና 13,713,600 መጻሕፍትን አሳትሞ ለማሠራጨት ባወጣው ዓለም አቀፍ ጨረታ፣ አንድ አገር በቀል ተወዳዳሪ ብቻ መቅረቡ ታወቀ፡፡

መጋቢት 29 ቀን 2009 ዓ.ም. በትምህርት ሚኒስቴር የግዥ አገልግሎትና አስተዳደር ተጠባባቂ ዳይሬክተር አቶ ታደሰ መርሳ ለሪፖርተር እንደገለጹት፣ ትምህርት ሚኒስቴር ከዓለም ባንክ ጋር በመተባበር ‹‹የጠቅላላ ትምህርት ጥራት ማሻሻያ ሁለት›› በሚል ስያሜ ፕሮጀክት ባወጣው ዓለም አቀፍ የዝግጅት፣ የኅትመትና ሥርጭት ጨረታ አገር በቀል የሆነው አርቲስቲክ ማተሚያ ድርጅት ብቻ ቀርበዋል፡፡

በዚህ ዓለም አቀፍ ጨረታ ስድስት የህንድ ድርጅቶች አንድ የተባበሩት ዓረብ ኤምሬትስ፣ አንድ የደቡብ ኮሪያና አንድ የኢትዮጵያ ድርጅቶች የተሳተፉ መሆናቸውን ከትምህርት ሚኒስቴር የተገኘው መረጃ ይጠቁማል፡፡

‹‹ምንም እንኳ አገር በቀል ድርጅቶች በመጻሕፍቱ ዝግጅትና ሌሎች ሥራዎች ላይ የሚሳተፉ መሆናቸውን የምናውቅ ቢሆንም፣ ወደ ጨረታው የገቡት ግን በእነዚህ የውጭ አገር ተጫራቾች ሥር ሆነው ነው፤›› ሲሉ አቶ ታደሰ ጠቁመዋል፡፡

ከውጭ አታሚዎችና አሳታሚዎች ጋር ኅብረት ሳይፈጥር ራሱን ችሎ በዚህ ግዙፍ ዓለም አቀፍ ጨረታ ተወዳዳሪ ሆኖ የቀረበው ግን አገር በቀሉ አርቲስቲክ ማተሚያ ድርጅት መሆኑ ታውቋል፡፡

ከሰባተኛ እስከ አሥረኛ ክፍል ላሉ ተማሪዎች አጋዥ ለመሆን የሚዘጋጁት መጽሐፍት የባዮሎጂ፣ የኬሚስትሪ፣ የፊዚክስና የሒሳብ ናቸው፡፡ መጻሕፍቱም በአራት የተለያዩ ቋንቋዎች የሚዘጋጁ መሆኑን ለማወቅ ተችሏል፡፡

ከዚህ በፊት የዚህ ጨረታ የፋይናንስ ፕሮፖዛል በተጫራቾቹ ፊት የተከፈተ ሲሆን፣ በአሁኑ ወቅት ደግሞ የጨረታው ቴክኒካዊ ግምገማ እየተካሄደ መሆኑን ለማወቅ ተችሏል፡፡ 

 

 

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች